الج الله ياروحي

البارت الاول

قصة
البارت الاول
اعرفكم على نفسي اني زينب العمر 33
عندي خوات 2واخوان 3يعني احنا 6وماما وبابا
...
ماما. زينب اكعدي حبيبتي راح تتاخرين ع الدوام
زينب .اهووو
ماما. شنو شكالتي .
هيج مكلت كعدت كعدت
صباح الخير يا احلى ام بالدنيا
صباح الورد عيوني
زينب غسلت وجهي ورحت ابدل ملابسي وطبعا اكيد والدي العزيز دا يحظر الريوك
زينب .صباح الخير بابا
بابا يسعد صباحج باباتي
ها اليوم اوصلج لو انتي ترحين
لا اني اروح مو تفقت ويه البنات روح نفرات تغيير جو
اي خوش لعد اني هم عندي شغل ع باب الله
زينب.ماما ماما اني رايحه
ماما اوكفي دقيقه خلي انطيج فلوس
زينب ..عندي يوم ماريد
ماما .ميخالف اخاف تحتاجين عيب بعد انتي بالكليه
...
خلي اسولفلكم ع الكليه اني كلية اعلام سنه اولى متفوقه جدا بدراستي مالي شغل باي احد عندي صديقات ثنين من ايام الاعداديه ودخلنا نفس المجال
صديقاتي هما خلود وتبارك
خلود طيبه وحبابه ونسميها المعقده لان كل شي عدها ممنوع وعيب وتعقد حاجبها هههه
اما تبارك فبنيه سبورت ومرحه وروحها خضره وهوايه معجبه بروحه
وصلنا الزينب الي هي اني اني عاديه لاهيج ولاهيج واما عن شكلي فاني كولش حلوة بوكتها صديقاتي يشبهوني بنوال الزغبي..
صباح الخير
هلو صباح النور
ها الكروة اليوم عليمن
تبارك. عليج اكيد زينب خاتون مو انتي تريدين تغيرين جوو
زينب .اي عابتلج ميخالف هي نفر ربع قابل شكد هههه
خلود .لا بابا كل وحده تدفع كروتها
• زينب .تبارك ..اهووو كامت تتفلسف
• اكو واحد بالكليه كولش معجبه بي بس هو بالمرحله الثالثه وحلوووو يجنن يشبه سلمان خان بس شنو الفايده ممعبرني عبالك ميشوفني هه
• بس هذا الحجي منحجي كدام خلود لان تسويها قضيه علينا..بس بينا اني وتبارك وتبارك تحب واحد بمرحلتنا وهو معجب بيها
• هيثم .طالب ويانا بالقسم وكلش حبوب ونعتبرنا اخونا الجبير
• هيثم .عيني ياحلوات عدنا سفره للحبانيه
• احنا كولنا صيحنا ياهووووو ومكيفين بدءنا نخطط كل وحده شتجيب وياها للسفره ..
• رجعت للبيت كولش تعبانه
• ماما ماما واينج
• امي .ها عيوني بالمطبخ دا اصب غده
• لمن ادخل اشوف مرت عمي جايه يمنا خطار ؟؟
• شعدها هاي صار كومه مجايه خير ان شاء الله
• شلمت عليها وبوستها وصعدت ابدل ملابسي وهناك
• امي.زينب زينب انزلي تغدي
• زينب .اي يوم..نازله نازله
• والله نزلنا وتغدينا وجنا كولش فرحانين بس اني مستغربه من جيت مرت عمي وجان للعصر تروح المره
• زينب .ها يوم شعدها مرت عمو جايه
• امي.تريد مره لابنها
• زينب.ههههههههه عابتلها هي وابنها
• انجبي وضبي السانج شبي ولد مهندس متعلم يسوه الدنيا
• اي ومعقد وشايف روحه
• حتى لو المهم الله مكنه وعنده وخصوصا بزمنا الاغبر هذا
• طبعا احنا جنا نهاية التسعينات والدنيا حصار وضيم والسبع الي يحمل بالسكله ركي
• هسه هذا مو موضوعنا
• هو عليمن جاي
• لتخافين مو عليج اريد ذكرى
• فتحت حلكي يوم ذكرى
• اي ذكرى
• يمعوده هاي جاهله بعدها اول اعدادي
• لامو جاهله والقسمه زينه وبعدين شدخلج انتي ابوها موجود وهي عدها لسان
• طبعا ذكرى من النوع الي تحب البيت وعايشه دور المره رغم صغر سنها بس تحسها تفتهم بالمره واجباتها
• اجى ابويه وامي اكيد كالتله
• وللعلم ذكرى طايره من الفرح وشكد نصحتها بعدج صغيره كوكو
• كوكو .لا عيني مو صغيره خلي اخذ رجال احسن وهالنوب عنده فلوس داشوفي حالنا بالكوة نشتري تنوره
• بابا مجان زنكيل رجال ع كد حاله وعنده محل صغير يبيع بي بس يحبنا ومدللنا ع كد الي يكدر عليه
• واخواني متزوجين يادوب كلمن ملحك ع الافه العنده
• واختي الجبيره احلام متزوجه بالكوت واين واين ياله تجي ...وللحكايه بقيه
اول مره اجرب اكتب قصه واتمنى راح تعجبكم
بوح الياسمين