الج الله ياروحي

بارت ١٥ والاخير

عمي اصلا رغض يقابلني هالنوب اكوله اريد الولد
مستحيل راح يقبل .عزيناهم ومشينا اني وخالي رجعنا الاربيل ومحمد اصلا مشفته دخلت الموجه من الحزن بس ليش ماعرف اني مشفت من هيثم ريك حلو ع شنو انقهر عليه احتمال اذكرت ايام الجامعه
احتمال جبيررر.
فد يوم فاتحه التانكو جنت ودخلي شاب تعرفت عليه وضلينا نسوالف اني وياه وطلب يشوفني اني بالاول رفضت وبعدين قبلت والمكان جان من اختياري ان اقابله مول عام بوسط العالم وتفقنا ع مكان وموعد
اجى ثاني يوم اتحظرت وبدلت ورحت ع الموعد قبل لا ادخل للباب اجاني شعور مخيف ان هذولي مالهم امان ورجعت وتراجعت ومرحت للموعد
ورجعت غلقت التانكو لان ماخذه عهد ع نفسي انو ماسوي علاقه ولا احب اي رجل بالدنيا صار عندي تجارب ثنين وفاشلات .احتاريت بعملي ودراستي .
واحاول واحاول اشغل نفسي باي شي
زينب تجين نروح للمول
اي يله لان ضايجه
رحنا للمول وتعشينا هناك واكلنا ايس كريم .رجعت فتحت الفيس مالتي جنت مسميته زهرة الصبار
لكن حتى اصدقاء مابي مجرد اتصفح منه وخلص ..
اباوع جتني رساله فتحتها من شخص يسألني تسمحين نتكلم
لا
ليش
ماعرفك
نتعرف
غلقت الفيس وكلت خلي احترم نفسي احسنلي
ورى يوم فتحت الفيس مرة ثانيه  لكيت رساله جديده
الو تسمحين نتكلم
وكلمته وصار بينا حوار
عرفني على اسمه
اسمه جمال  من بغداد وعمره 37 سنه استاذ جامعي وممتزوج ..عنده شقه بالكراده وعايش بيها وماعنده لا ام والا اب
وعرفته ع نفسي وعلى حياتي بس بدون ذكر حياتي السابقه ..
وبقينا نسولف ونحجي واذا يوم ميراسلني اضوج ارجع من الشغل كبل للفيس علمود اشوف رسائله بقينا على هذا الحال تقريبا سنه اصدقاء وبس ونضحك ونشاقه .. فد يوم
جمال اليوم استلمت اشياء للمدرسه باسمي
انتي مخبله لو مجنونه بابا هاي مسؤوليه شنو انتي شلون تقبلين
الو الو
زينب واينج
الو زينب ضجتي مني مجان قصدي اقلل من شأنك او اصرخ عليج بس اني اخاف عليج وهذه مسؤوليه
لابالعكس مضجت منك بس اجاني احساس جميل انو اكو شخص يخاف عليه ويهتم الامري
طبعا اهتم الامرج لان انتي صديقتي واني اعتز بيج
بعدين يامدام ليش ماكو جاي
جاي جاي شنو
اي طبعا واكل هن ماكو
وشسويلك اذا انت معايفلي فلوس منين اجيب اشتري
كومي سوي اكل
اوكف هسه رجعت من الدوام خلي ارتاح واكوم اسوي اكل
لا لا هيج شي ميعجبني راح اطلكج
لا
لا عفيه
اني مصدكت اتزةجت
ههههههههه
ههههههههه
دومها عليج شكرا
تصبح ع خير تصبحين ع خير
حسيت على نفسي اني ده اخدع رجل ماله ذنب بحياتي ولا الي عشته وبعدين اني مو صغيره ع هذه السوالف
باجر لازم اعترفله
الو جمال
هلو زنوبه
شلونك
الحمد لله
جمال ممكن تفتح كاميرا
اي تدللين..
بسم الله ماشاء الله تبارك الله هاي واين جنتي ضامه هالجمال عني
هه شكرا من ذوقك
لاشكرا شنو عمي تسودنين انتي 
اسمع جمال كل الي كلته الك عن حياتي كذب
اي ويعني انتي متزوجه
لا
ارمله
لا
مطلقه
اي
.....
ويعني كل كلامج عن حياتج كذب
لا كله صح واسمي صح بس اني شفت عذاب بحياتي اشكال واذا بعدك تحب تتعرف ع حياتي فاهلا بيك ياصديقي
كولي ست زينب كلي اذان صاغيه
وسردت كل حياتي الجمال عن حياة هيثم بدون ذكر محمد وذكرت ابني وشلون اهله مينطونياه وحجيتله عن كل شي وحتى ع تنازلي عن الولد ماعرف شنو السبب
لكن اعترفت
بقينا ع هاي الحاله والعلاقه اكثر من ثلاث سنوات
اصدقاء وعلاقتنا طيبه كولش وبمرور الوقت الصداقه تحولت الحب
حب متين حب صادق مابي غش وخلال الثلاث سنوات حجيت الجمال عن محمد والي سواه بيه
وبالعكس ساندني وكف جنبي وحسسني بالامان والطمأنينه..
حب بسن ناضج عمر يكفي انو يحب بمصداقيه ..
وصار كل ميجي الاربيل نتقابل اني وياه بمكان عام وسط الناس
زينب.
ها
اعتقد بعد كافي تعارف صار 3 سنوات
ههه ويعني ..
يعني لازم اتقدملج
صدوك
اي شبيج ممصدكه
هههه لا مصدكه ..
ديله لعد اخذيلي موعد من خالج
خالو
ها بنتي
اريد اكولك شي
اكو ولد يريد يتقدملي
وكعدت ويه خالي وسولفتله ع كل الصار وطلب مني ان انطي موعد يجي
خالي قبل مبدئيا
لا بالله عمي هو بس يريد يخلص منج
اخاف متقبل
لا اقبل
هههههه
اجى جمال وجايب عمه عنده رجال جبير وصارت القسمه والخطبه
وسوينا عرس ع كد حالنا
وصرت زوجة جمال الاستاذ الجامعي الانسان المثقف المؤدب الي اخذني بوعي وحب وعقل احتواني بكل الجوانب
وصار عندي بنت سميتها قمر واسم ع مسمى
وطبعا رحت سكنت بغداد ونقلت حالي
اما محمد فعمتي كامت تسمحلي اشوفه وكل عطله يجي يمنا
هذا بعد معاناة باقناع عمتي لان عمي توفى..
وجمال كلش يحب محمد ومحمد نفس الشي ويحب اخته قمر
والحمد لله الله عوض صبري خير والحد الان سعيده ويه زوجي واولادي وربي يحفظهم الي
قد نشعر بالضيق وقد نشعر بانتهاء ماحولنا ولكن ..
هناك رب .يقول
ادعوني فانا قريب اجيب دعوة الداعي اذا دعاني
اترككم بحفظ الرحمن
اتمنى ان تنال اعجابكم القصه هذه اول تجربه الي بالكتابه واذا عجبتكم فانا بحاجة الدعم لكي استمر في الكتابه.. لكم مني كل الود...بوح الياسمين🌷🌷