بيوم كعدت الصبح احس نفسي متعافيه نزلت جوة
صباح الخير عمه ..صباح النور حبيبه ها شلونج اليوم
الحمد لله بخير عمه سويت الريوك وتريكنا وغسلت المواعين
عمه تريدين مني شي اريد اصعد اعزل الغرفه
عمه هي مال تعزيل انتي بالسابع ..ميخالف عمه ع كيف هي ارتب كنتور
دروحي ولتعبين نفسج وشويه ونزلي لضلين فوك اعرفج من تعزلين متنزلين للغروب ..اي عمه من بطن عيني ..فعلا صعدت الغرفتي وبديت اعزل بالكنتور وارتب بي واعدل ملابس هيثم واحاجي شوكت الله يهديك عليه وتحن كملت الكنتور طبت مرت حمايه عليه اوف منج زينب متجوزين كل اسبوع تعزلين لو النونو شلون يمكن كل نص ساعه تعزيل ..لا بس اني احب كل شي بمكانه ومعدل اي صلاوات عليج معدله خلي انزل احظر الغده اجي اساعدج لا عيني خليج تعزلين بغرفتج ديري بالج
اي تسلمين ..ورجعت ارتب وانظف بدلت الفرشه والوجوه ونزلت البردات وخليت غيرهم وكنست ومسحت الاثاث وعطرت الغرفه صارت تبرج برج واخذت الجراجف ده انزلهن جوه للغساله ...
وهناك بين الصاحيه والنايمه افتح عيوني بالكوه ما اركز ع الاشخاص نظري مو تمام بس احس بوجع بطني ذبحني وكمت ابجي واعيط من الالم واريد امي ...ورى فتره من الزمن حسيت على نفسي ..اتلمس بطني ماكو واني ع جربايه كمت اصيح يمه يمه الحكيني
امي .ها عيوني ها عيوني هياتني عمري انتي عمت عيني يوم هاي منين اجتج
يوووم واين ابني يووم مات موته هيثم موووو واصرخ اصرخ باعلى صوت
دكتوره فدوه تهسترت بنتي ابوس ايدج ساعديها
يله بنتي اضربيها ابرة المهدء خلي تهداء وتنام
ماريد ماريد ابر اريد ابني
يمه ابنج موجود عيوني بس لتعيطين بنتي مو زين ع العمليه..يمه يمه هيثم شك بطني وكتل ابني وبدون وعي ماعرف شحجي وجان افقد ورجعت نمت
حسيت وجهه الصبح امي كاعده تصلي واشوف شخص نايم ع القنفه لمن انتبه هذا هيثم محجيت انتظر امي تكمل صلاة قبل الله يوم
باستني امي من راسي قبل الله اعمالج بنيتي هذا شيسوي هنا ماما عفيه طلعي بره ماريد اشوفه
لا بنتي لتحجين هالشكل تخبل عليج الولد للصبح سهران يمج منايم هذا هذا سهران عليه وتخبل ..
اي امي احتار شيسوي علمود واتبرعلج بالدم هو وبعد شويه يبجي من دخلوج للعمليه ومن طلعوج هو اول واحد اخذج منهم ودخلج للغرفه ..
عزه عزه يوم شحجيت من جنت بالبنج
والله بنتي ماعرف لان رجلج اخذج من ايديهم ودخلج للغرفه وقفل الباب مخلى ولاواحد بينا يدخل الا ان صحيتي
صدك يوم تحجين ...اي والله بنيتي
ماما شلون هيج صار بيه ..والله بنتي عمتج خابرت تبجي وتصرخ الحكوا زينب وكعت من الدرج ابوج ركض كال جذب هاي هو دافعها لمن نجي هو مجان موجود سألنا عمتج سولفت شلون انتي معزله ومنظفه وماعرف شنو وبنزلتج الجرجف صاير جوة رجلج وموكعج وهاي قدرات دنيا بنتي
وابني يوم واينه ..
لتخافين عيوني بالخدج موجود وشكد حلو فدوة العينه حمودي
حمودي منو ...هو ابنج ابوه سماه محمد يكول زينب تحب هذا الاسم
صباح الخير .ها زينب شلونج اليوم
هاي ليش مسمي ابني شنو حقك انت تسمي
ليش معجبج الاسم ادري بيج تعشقين هذا الاسم
صلوا ع محمد يوم شبيكم من الصبح مناكر وبعدين انتي تعبانه ومسويه عمليه لتتنرفزين بنتي وهو اكو احلى من اسم رسول الله
الف الصلاة والسلام عليك يارسول الله
اي همزين من صحيتي يله عمه اني اترخص
محروس باسم الله وليدي في امان الله
في امان الله...
ماما جيبي الولد اريد اشوفه
ميقبلون بنتي هسه شويه لاخ تتريكين واغسلج وابدل ملابسج وهم امشيج وهم اشوفج الولد
اي زين ..
رحت شفته يمه فدواته قطعه من الكلب يجننن ماما شكد حلو وصغيرون هاي شبي هيج ضعيف وتعبان ..
اي بنتي غير سبيعي طبعا تعبان وصغيرون هسه يكبر وينشنش..رجعنا للغرفه امي .الو ها هيثم يوم متجي طلعنا..اي زين لعد الله وياك منتظرين يوم
زينب. هاي ليش خابرتي
شنو ليش غير رجلج وابو ابنج وتعاي اكولج مو هو نفسه رفضتي ابن عمتج علموده شنو هسه صار كوخه
ماما تره مابيه حيل اتجادل وياج
اي لعد اسكتي ولتحجين وها للعلم عمج وعمتج ميقبلون تجين يمنا يكولون ترجع للبيت واحنا نداريها
شنو يعني تريدين تذليني يمهم .لج انتي صدك متستحين شنو اذلج بيت رجلج وعيالج وبعدين خاتون انتي هناك منو يداريج الجناين اني راح ابقى يم ابنج الا ان يطلعوا من المستشفى
شنو شنو ليش مراح اخذه ويايه لا ونلصمي وسكتي اجى رجلج...
للحكايه بقيه
أنت تقرأ
الج الله ياروحي
Чиклитقصه عن فتاة تشوف العجائب بحياتها وتشوف الخيانه والقهر والمجتمع التعبان جدا
