وطب هيثم وسكران طينه صاير ..
هيثم هاي شنو انت كلت اشرب خفيف مو هيج مسوي بروحك ..ااااسكتي ولاكلمه وياله كدامي انزعي هدومج .هيثم هاي شبيك انت شتحجي وجرني من شعري وسحلني للجربايه .عوفني عوف شعري وما احس الا راشديات وضرب ضرب بكل قوته وشك ملابسي واني اعيط واصيح واسمع عمي وعمتي يدكون الباب علينا وعمي يصيح
هيثم عوفني عوفني هاي شبيك وموتني كتل وذولاك فلشو الباب وهناك كمت ما اسمع شي ولا ادري بشي والي اتضح انو مو مكمت اسمع انما فقدت الوعي للمره الثانيه اغتصب لكن هالمره اغتصاب شرعي من قبل زوجي ...
احس واحد يذب عليه مي رفعت راسي عمتي وعمي ده يغطي بيه عمي. ابن الكلب هاي زوجتك مو صاحبتك ولافصليتك علمود هيج تعاملها حيوان وضرب هيثم راشدي صحا من سكره لكن... بعديش بعد خراب البصره وطبعا اني كالعاده بس ابجي وانوح ع حظي ...
عمي. هاي البنيه بعد مو من حقك وباجر اخذها الاهلها حرامات بيك وحرامات التربيه بيك وهيثم ساكت كلمه ميحجي ولاينطق
اخذتني عمتي يمها لبستني من دشاديشها ..
اكعدي يمه الله يصلحه والله حياته ممخلي المنكر بحالكه هاي شجاه هاي هم حظج يمعزايه بنتي لتسمعين العمج وكلامه ولترحين باجر الاهلج من اول مشكله دخلين اهلج حليها بيناتكم
زينب.عمه اريد اصعد الغرفتي
لايمه لا اخاف ياذيج وخصوصا بعد ما ابوه صار وياج
زينب. لا عمه عفيه خل اصعد..وفعلا صعدت عمي راد يحجي عمتي منعته عوفهم هم بيناتهم يحلون امورهم..
صعدت هيثم كاعد ع الجربايه ومخلي راسه بين رجليه..
شكرا يا رجال يا سبع انت متفرق عن ذاك الحيوان شي ثنينكم نفس العينه الفرق انت حلال وهو حرام
انجبي وكلمه لتحجين وفوكاها عندج عين تحجين ولسانج طويل
على شنو الساني طويل على شنو عندي عين كسرتوا عين بالاغتصاب وبالاكراه والكوه روح الله لايوفقك
اني اكرهك اموت منك قبل ايام جنت اشكر ربي خلاك بطريقي عبالي انسان ادمي ومنصدك تحبني طلعت انت هم يهمك بس تحصلني بس بصوره رسميه وانوب تحجي وعينه قويه اسمعي حلال حرام المهم الصار صاروعلى نفس الاتفاق باجر من الغبشه اوديج الاهلج لان بعد ما اتحمل اشوف خلقتج السفره
صار وتدلل ورغم الي سويته اني مديونتلك بعمري وفضلك ع راسي لان سترت عليه
اسكتي ولغوة ماريد يله طفي الضوة ونخمدي اريد انام..
طلعت الخبشه واني كاعده ع الجربايه جفني مضاك طعم النوم واذكر الصار احتقره اكثر من محمد باضعااااف..
لميت غراضي ونزلت جوة الكل جان نايم طلعت بره اخذت تكسي وعدل وكبل البيت اهلي...
دكيت الباب ابويه فتحه
ها بابا شبيج وشنو هاي وجهج وركضت طبيت جوه وابجي امي واخواني ونسوانهم كعدوا ع صوتي ..
وسولفتلهم الصار
الا اروح اذبحه هالنذل هالحقير عديم الاخلاق .لا بابا ابوس ايدك خلي يولي بس طلكوني ماريد شي ..كنالج منعرفه ابن عمتج ياكل لحمج ميكسر عضمج بس انتي تعاندين بسلامتج سمعين بس من راسج حل تستاهلين
يمه عزه بعيني هسه عماتج يشمتون بينا ع اسبوع وطلكت عزة صخام ..
كافي كافي عاد انتوا هيج ميهمكم بس الناس وكلام الناس واني خلي انداس بالرجلين واثناء صياحنه ولغوت اهلي واخواني ندكت الباب
اهلا عمي تفضل يابه يابه هذا الحجي ابو هيثم..
اسمع ابو هيثم مره ماعدكم يمنا ولهنا وانتهت
لابويه مو هيج الحجي واني جاي اوكع عليكم زنوبه بنيتي واني ما انطي بيها وهيثم واكف بالباب مخليته يطب الابعد اذنك حجي ابو حسين
اجى هيثم اول مطب كال اني ماريد بتكم تعاي زينب
وصارت لغوة من جديد وهيثم كام يعيب روحه اني رجال صاحب كاس وكل يوم من هذا ضرب واهانه والزمها الباب يعجبها اهلا وسهلا ميعجبها الله وياها
اسكت لك حقير ليش تبلي روحك عمي والله كلامه جذب ابني صايم مصلي بس مال البارحه صارت من حظ زينب جا طلع ويه صحبانه ..
هيثم .زينب انتي طالك ...
وعينكم لتشوف صارت بوكسيات وشلون نفضت ماعرف المهم صفينا احنا بالبيت وهم رجعوا بيتهم وامي تولول ع حجي الناس وشلون تخلص من حجي وشماتت عماتي وميهما اني
ومر اسبوع ..نزلت جوة احس نفسي دايخه وروحي رايحه .ماما احس بدوخه
ماما.صدوك تحجين يمه يوم المبارك ونخلص من شماتت العالم
شكو ليش يمه
يمه انتي حامل يعني وطلاك هيثم مياكل .نطيني خلي اخابر امه ...
يتبع
أنت تقرأ
الج الله ياروحي
Chick-Litقصه عن فتاة تشوف العجائب بحياتها وتشوف الخيانه والقهر والمجتمع التعبان جدا
