الج الله ياروحي

بارت 11

ومرت الايام واحنا على هذا الحال كام هيثم هو ينام بالهول لان محمد للصبح مينام ابن انفاس واني بالكوة اكوم عليه ولازمه عمليتي شفت الضيم بعيني
بالكوة اكعد ويه الولد وعمتي بس دكت صدر مثل ابنها ومخلتني اروح يم اهلي علمود كدام الناس هي شايله جنتها.واني اكيد بس ابجي
محمد يوم اعذرني جبتك الهاي الدنيا ولهيج حياة انت شكلك من اول يوم منبوذ فتاليتك شلون  يمه وليدي اخاف عليك من باجر اخاف اضلم ومن تعرف او تسمع الحجي تكرهني بس والله يمه انت ابن ابوك وحك انفاسي هاي
جان يطب هيثم
شكو شبيج
مابيه شي احاجي محمد ع حظه المصخم وهو بالكماط بعده
زينب
ها
باجر اريد اخذ محمد
واين
للمستشفى
يمه اسم الله ليش شبي
شبيج يمعوده هيج مابي اريد اسويله تحليل
صدك هيثم تريد تتاكد ان ابنك والله ابنك صدك بالله
هسه عود باجر تبين الحقيقه
وبهاي الاثناء نسمع صياح عمي ع الولد انزلوا لكم بابا انزلوا
يمه صخام شكو هيثم ..شكووو شبيج انتي من يمج
ها يابا شكو
شنو شكو حضروا جنطكم خلي نالكالنه ديره نل٥ي بيها امريكا راج تسقط بغداد وتكتل الريس
يبوو عزه شكاعد تحجي يارجال شنو اشاقه وياج
ديره هيثم اسمعوا الاخبار ..
والدنيا مكلوبه والعراق مهدد والطاغيه يهدد والبعثيه كاموا يفترون بالشوارع عمي. لا هاي مابيها لعب هسه يطبون ياخذون الولد للعسكريه
وبعدهم يسولفون ندكت الباب
منوووو
افتح الباب نضباطيه .
عزه يمه ولدي
هيثم هيثم تعال هنا اختل
اسكتي بابا شختل
اي اختل اسمع كلامها ونسمع رمي بالفرع وصياح نسوان وعياط وندفرت الباب وطبوا علينا اني مددت ع القنفه وتغطيت وابني بصفي فتشوا البيت ماو احد
واين ولدك مادري ابني الولد طالعين ولهسه مراجعين
هاي منو نايم
اوكف ابني هاي جنتي نفسه
خلي اشوف
عيب ابني
ودفع عمي وكشف الغطه شافني ورجع راح يمه كلبي وكف نومت هيثم جوه الدوشك ونمت فوكه وغطيته والله صدك مشك بينا والعالم والامه نخبصت
طالعوا بره ابن جيرانه قاتلي خطيه لان مقابل يروح وياهم وتسمعين بس العياط والصياح
دك التلفون
امي
ها يوم ابوج يكول خلي يجيبها هيثم علمود نطلع للشمال نروح يم خوالج
هسه اكوله
هيثم امي هيج تكول
عمي. لا بويه اني ولدي ميروحون الا اي مكان الا كلهم سوه نطيني السماعه
ميه هله اشكرك بويه متقصرون وتوصلون بسلامه مني زنوبه زنوبه بطن عيوني عمي تره هي بنتنا بعد مو بتكم ونغلق الخط ونغلقت حياتي بذاك اليوم..
من صباح الله خير اتصل خالي يعزينا باهلي كولهم مكلوبه بيهم السياره ومتوفين
عزة العزاج زينب عزه العزاج هسه نهجم بيتج هسه صفيت بلا معين بلاولي اهلي كلهم ماتوا
واندب والطم
بسج عاد يمه انتي نفسه
نفسه نفسه نهجم بيتي يانفسه واملخ واكطع بروحي وعمتي والبنات يلزمون بيه
عليمن ابجي ع امي ابويه اخوتي لو ع اختي هي ورجلها وابنها اويلي يااااابه
ما اوصفلكم شعوري لو الاحساس الي احسه .اصعب شي بالدنيا تحس نفسك غريب بوسط كل هاي العالم والناس تحس نفسك مالك قيمه وحيد غريب عن كل البشر والاشخاص بلحظه تفقد اغلى الناس ضحكت اخواني واولادهم وهدى حبيبتي
اوييييلي وامي ااااااامي
وابويه الغالي شمسويه يارب وكاعد تعاقبني شمسوووويه يارب وتختبرني بيهم ..
وكل شويه اتخربط وياخذوني للمستشفى ..
وعدت الايم وخلصت الفاتحه وصفيحت الام والا اب والاخ والااخت شلون ربي وحتى الرجال كارهني وميريدني واذا تخلص المده مالتي واين ادير وجههي قبل متحاميه ببويه واخوتي هسه بيمن اتحامه
يارب اني مخليه عيني بعينك وانت متقصر يارب
عمي.
لازم نطلع من بغداد الحديده حمت هينوب بعد ميفيد الكعده وحضرنا غراضنا ولملمنا اشيائنا الضروريه وعزمنا ع السفر للعماره يم اهل عمي يعني عمام هيثم..
ورغم معاناتي وهيثم مارف جفن عليه
امده بختي وحظي بوكت واحد
وللحديث بقيه.....