الج الله ياروحي

بارت 13

وطبعا صار هدوووء
عمي. اسمع هيثم البت هاي مرتك ع سنة الله ورسوله والولد ابنك
لا مو ابني هذا ابن حرام
ااااسكت ولتضل تمسلت
ما اسكت وماريد وسمعي اني اخذتج بس لان جنتي عاجبتني وذليتج لان فضلتي ذاك الساقطه عليه وراح ابقى اذلج فاذا عندج كرامه لزمي الباب
واني هم لازمته ومسلمتك بيد الله صح اهلي ماتوا بس عندي عمام وعندي خوال طلني يالله بعد خلقتك ماريد اشوفها
لاعمي الحجي مو هيج ابنه عندج
مو ابني هذا
شوف عمي هو ميريده يعني مو اني وذا ع الولد اخذوا ونطوني حريتي وبعد ماخاف من شي ولاعندي شي اخاف عليه جنت خايفه ع ابويه واخواني .وراحوا الدار حقهم
صعدت الغرفتي لميت غراضي بس مجبت غراض ابني ونزلت عمي ضل يصيح ورايه بس خلص قرار ولازم يتنفذ واواجهه الدنيا .
طلعت بره افر براسي واين اروح بيت ابويه ونهجم
لا لا زينب لتضعفين لتستسلمين.اجرت تكسي ورحت البيت عمي عمي هذا يمكن حياتي مشايفته اتخيل شكله من جنت صغيره لان العلاقات موزينه جانت
كاعد اباوع ع شوارع بغداد تبجي العين عليها اويلي عليج يابغداد همج اكبر من همي واولادج غدرو بيج اقلها اني الدنيا غدرت بيه.. الج الله يابغداد
بنتي بنتي
ها عمو
وصلنا للعنوان
ها اشكرك عمو شكد تأمر
بكيفج بنتي
ها عمو ترى ماعندي فلوس خلي بس ادك باب بيت عمي وانطيك فلوس منهم
اي بابا قابل نكطعت الدنيا بعدها بخير
دكيت الباب دكيت الباب اويلي محمد ماكووو حسيت روحي راحت
ها بابا شكو خاف طالعين
ها اي يمكن
عمو تعال باجر والله انطيك الكروة ..وبهاي الاثناء طلع جيران بيت عمي وسالته عليهم
بنتي ذوله هاجروا اول مصار السقوط راحوا المصر
بعد ميفيد نهاريت من البجي لايارب لتسدها بوجهي يارب يااارب
نزل الرجال ابو التكسي وجيران بيت عمي وطلعت مرته غسلوا وجهي ونطوني مي
انتي ماعندج احد يابنتي
شحجي شكوووول
هزيت راسي ااي بس بالشمال خوالي
واهلج وين بنتي
كلهم ماتوا عمو بهاي الاحداث
ابو التكسي .امشي ويايه بنتي
الجيران .لا خلي تبقى يمنا وباجر اوديها للكراج وادزها للشمال ولو الطريق مو زين بس لازم تروح الخوالها.
وقبلت ابات يم جيران عمي ونطى كروة للرجال ابو التكسي وشكرت منه هوايه ..
طبيت للبيت يججننن وجبير بس ميت مابي روح ولا حس بس هو ومرته
لتستغربين بنتي اولادي كلهم خارج العراق من هاي الظروف الصارت وصفينا اني وام محمد
خرب حظي شمكتوبلي ويه هالاسم يا الله واين ماروح يطلع بوجهي.
سألوني عن نفسي حاولت قدر الامكان انطيهم اسماء وعناوين خطأ لان ماعرف وبعد ماعندي ثقه باحد اطلاقا...
نمت ومن الصبح كعدتي المره واخذني الحجي للكراج مال النهضه وصدني سيارات اربيل
طبعا الشوارع مينمشي بيها والدمار بكل مكان متكولين هذا العراق الحلووو الجميل نهجم بليله ويوم
وصلت للسيطره الرئيسية ميقبلون ادخل الا كفيل
زين منين اجيب رقم خوالي بقيت كاعده بالسيطره لليل العالم كلها طبت وطلعت واني كاعده ابو السياره راح وعافني لان ويه ركاب..
اباوع جاني واحد من بعيد يحاجيني كردي
يبو يمعود ماعرف كردي اني
اني لعد يعرف شويونه عربي انت شنو اسمك
هههه اخ ياحظي اسمي زينب
انت منو عندك هينانه
خوالي هنا بس ماعرف تلفونهم
طبعا خاي بالكوة الحجي وياه اشارات ليكول طابه حدود دوله اوربيه هههه
والله .الله هدا عليه وطببني
بس اسمع باجر يجي انت وخالو تسوون دخولي
تدلل بس كون اطب
يله روح اصعد هاي تكسي
وكلت العنوان لابو التكسي
دكيت الباب وايدي ع كلبي بس لاذول هم هاجروا
منو
منو
اني اني .اني زينب خالو
لج اوف يابه اوف ريحت اختي الغاليه عمت عيني يابه وطبيت جوة واستقبلوني مرت خالي وبناتها والولد وابجي ويبجون ويايه
طبعا سقوط بغداد خله الاهل واحد ميعرف بخبار الثاني عبالك كل واحد عايش بمنفى
وجابولي عشى
اكلي خالوا اكلي حبيبتي
اريد جاي
اي من بطن عيوني
اباوع بيت خالي حلو ومرتب والبيت نظيف يبرج حسيت نفسيتي رتاحت
خالي.زينب هاي شبي وجهج...