الج الله ياروحي

بارت 10

اوكفي لتعبين نفسج خلي اجيبلج كرسي ينزلوج للكراج
لا اكدر امشي ..
اي مو انتي فاندام دكعدي واسكتي ..
على كيفج خاله ادفعيها عمليتها تكوم توجعها يااا خاله شني هذا رجلج هيج يحبج ويخاف عليج كون ابو جاسم هيج يحبني ..
وضحكت من كل كلبي رغم الم العمليه وحسيت احساس غريب حسيت هيثم فعلا خايف عليه
وصلنا للبيت وعمتي والاهل استقبلونه وعمي كال ما اذبح الطلي الا ع طبت محمد حفيدي الغالي اباوع ع هيثم شكله تبدل وكانما تحول شيطان من جديد وعافني وصعد فوك
عرفت راح يفرغ غضبه بالجكاير
ها حبيبتي مرتاحه اخلي بعد مخده وراج
لا عمه اشكرج مرتاحه بس عمه اريد اصعد الغرفتي اروحلي
لا بنتي ميصير وبعدين عالم تجيج شلون قابل يصعدون فوك انتي لو طبيعي جان شريد منج انتي تصعدين وتنزلين بس هاي عمليه
يابه هسه شنو عالم خلي هي ترتاح ..حجي الله يخليك لتدخل بشغل النسوان متعرف شلون يدردمون
خلي اروح اسويلها مركت لحم احسن شي
وكل واحد راح الشغله وبقيت وحدي بالهول اخذتني نومه كعدتني عمتي
زينب كعدي حبيبتي اكلي علمود تاخذين العلاج
كعدت واكلت شويه والبجيه حاصرتني عبالك مشلوله وهمه يساعدوني متت قهر وامي مو يمي طكت روحي اجتي جيرانه ضربتني ابره باليل الكل طب الغرفته وبقيت وحدي .. يمه زينب من تردين شي صيحي عليه عود ..اي عمه ..
اريد انام اريد انام مت وبطني توجعني الوب واريد اروح للتواليت شلون بيه ومحد ماكو اصيح عمتي مجاوب متت صار بيه هناك واشوف هيثم ع راسي تريدين شي
لا شكرا ماريد
لعد ليش منمتي لحد هسه يوجعج شي
لا مابيه شي هسه انام.
اي زين لعد تصبحين ع خير
صعد اول بايه
هيثم
ها
عفيه اريد اروح للتواليت
هههههه مو كلتلج محتاج شي اعوفج هسه ت....بروحج
انطيني ايدج ..وخر عني ماريد شي الله ليعوزني عليك
لابالله اخاف متقبلين كلج ع بعضج بعازتي وعايشه بجاهي ..اي افتهمنا افتهمنا وتره مالي خلك اتعارك لو اتلاغه وبطني توجعني فدخيل الله كف عني
دكومي اخذج للتواليت ماريد.كومي لتعاندين
تره صدكي اعوفج ماريد كلتلك
طبج مرض راح اروح
اووكف اوكف وديني
دكومي ..
واخذني للحمام وانتظرني ورجع رجعني ..ليش متصعدين فوك احسن والحمام قريب ع الغرفه واني ابقى سهران اقلها اذا تريدين شي اي عفيه صعدني
بيج حيل تصعدين
انت اعمى
فوكاها اللسانج طويل .موتشوفني عمليه شلون اصعد.يعني شنو المطلوب .شنو تشيلني غير لابالله اخاف متقبلين
يمعود متعوفني مطموره هنا خاطر ربك
لا يالله ت٧اي خطيه انتي ..
وشالني هيثم والدنيا مواسعتني كيفت بكد الدنيا فرحانه نزلني ع الجربايه ع كيف يمعود .ها فوكاها العفو مادري بيج متتحملين
تريدين شي لا تسلم شكرا هيثم
تدللين..
هيثم .
نعم
ليش سميت الولد محمد
نامي زينب ليش اغثج بهاليل واسمم بدنج وانتي تعبانه نامي احسنلج
والله ابنك ورب الكعبه منك
ناااااامي زينب
لو اكولج اني اعوف الغرفه واهج منج
لا لا راح اسكت بس لتعوفني الوحدي فدوة الله يخليك
وفعلا سكتت ونمت ..
ومشت الايام ومرن سبع ايام من عمري بالضيم من الالم والوجع ..اسمع صوت امي وهلاهل عرفت امي جابت محمد .
يمه كلبي كام يدك سريع شوكت تصعد امي واشوف ابني وارضعه فدوة لعيونه
ها بنيتي شلونج هلو يوم واين الولد عيني بحضن جده مقبل اصعده وراح يجيب الطلي ده يذبحوا قربان للولد رجلج واين
ماعرف كعدت مالكيته يجوز طالع للشارع
اكولج يمه اشو سبع ايام بالمستشفى بالجذب مامر علينا يشوف ابنه
امي مو كلتلج هيثم ميريدني يعني ميريد ابني فميريد يتعلق بي لان يعرف راح يعوفه
ليش بنتي هيج تحجين
ها عيوني ام زنوبه تعالي نزلي جبنا الطلي وخابري ع البيت لان معزمين ع العشى..
وصار الليل والكل موجود وامي نزلتني جوه وحمودي بحظني وعمي خابص الدنيا وده يشوي عبالك اول حفيد الا ماعرف لان ابن اصغر ولده يجوز هالشكل
وفضت العالم وراح كل حي البيته وصعدنا فوك
هيثم تعال شوفه
اسكتي ولتحجين وبعدين شوفيله حل مو يضل يبجي ع راسي
اريد انام زين لو لا
اي زين راح انزل للهول اني وياه
اوكفي انتي مابيج حيل
انت خبلتني شنريد منا انت فهمني
اريد تروحين الاهلج بس تشدين حيلج
ميخالف تدلل اروح وحياتك بعد متشوف وجهي
وللقصه بقيه...