الج الله ياروحي

بارت 14

شبي خالي
شنو شبي هاي منو هيج باسطج .هاي رجلي خالي وراح اطلك منه
هاي شنو صدك تحجين اي خالي وكمت ابجي واسولف الخالي ع معاملة هيثم وشلون جنت نفسه ومريضه وهو مارحمني واذاني
ولايهمج خالو انتي ام البيت واحنا الخطار وحقج يوصلج لحد عندج وميكون الاخاطرج طيب
خالي بس اني عندي حجي وياك
مرت خالي. احنا نستأذن روح نام وانتي هم نامي مبين تعبانه..
😭😭😭طلع خالي مرته كايدته
يبو ع حظج زنوبه يله ضلت عليهم نخمدت والله كريم
اصلا ادبغت ع الهم اذا تضحكلي الدنيا شويه اكول الثمن غالي حتى مخلتني احجيله شبيه مابيه
يعني ميفيدني بشي هذا ارجع البغداد احسن
صباح الخير
صباح النور خالو هانمتي زين
اي الحمد لله
اي مسولفتي البارحه شنو ردتي تكولين .
هه لا خالي سلامتك واني اريد ارجع البغداد
شنو ترجعين البارحه جيتي .
اي ارجع احسن
انتي مو تكولين موخوش رجال
اي خالي بس يبقى ابو وليدي
لا انتي تحجين بكيفج موعبالج لان البارحه خالتج صاحتني كمتي تفكرين وتقررين بكيفج .لابنتي هي صاحتني لان شافتج كولش متاذيه وتعبانه
والله شويه رتاحت نفسيتي
يعني خالي اكدر ارمي همومي عليك
انتي بس كولي
وكعدت سولفت الخالي كل القصه من اول للاخير
خالي. يصير خير
داليا بت خالي .تعالي زينب نروح للسوك شويه نشتري ملابس واشياء حلوة
اني شلون اروح وفلس ماعندي
خالي بعد ماريد اسمع هيج تكولين ونطاني فلوس ورحنا للسوك وفترينه وشكد تونست اربيل هيج مابيها عبالك غير دوله مو بالعراق ..
رجعت خالي كال زينب
ها خالي
باجر ننزل البغداد اطلكج وناخذ ابنج
لا خالي الولد ماريده اطلك وهاي هيه
وفعلا نزلنا اني وخالي ورحنا البيتهم وصارت مشاحنات ولغوة واراد هيثم يخزيني كدام خالي
خالي كله اسكت وحجايه لتحجي ع بنتي اعرف كل شي وباجر تجي للمحكمه طلك والولد منريد
واحنا هم منريد
زينب .اي عادي ذب لحمك بميتم
مو لحمي هذا نغلج
لا لحمك ورحت وتاكدت زين زين انو ابنك
عمي. لابويه زينب ماعرفتج هيج ذلين ضناج
ابنك كرهني بروحي مو بس بضنايه كرهني بالعالم كلها وضنه من هيثم ماريده لان كل حي يطلع ع اهله
هذا اخر حجي ا
.اي عمي...
طلعنا واحس اول مره منتصره ع هيثم واحجي واني شجاع وماخاف من شي الله شعور يجنن
يمكن راح تكوولون شلون استغني عن ابني
استغني لان ابن هيثم استغني لان عذر اقبح من ذنب هيثم كان بحياتي استغني لان نطفة غصب مو برضه صار ..
مرت الايام والاشهر وطلكت من هيثم وحسيت رجعت زينب مال اول كلي حيويه ونشاط
ومرت سنتين ع طلاكي وشتغلت وادرس رجعني خالي للدراسه طبينا 2006
كانت هاي السنه سنة المأسات ع العراقيين
صح يمنا ماكو شي بس بغداد جحيم وهوايه اجوي من بغداد ع اربيل وها نزلت الموبايلات للعراق😊😊واشتريت واحد ونصبنا ستلايت صار انفتاح مو طبيعي للعالم .بيوم كاعده اتفرج ع الاخبار واسمع انو صاير انفجار جبير بوسط بغدا د بالمكان الي هيثم جان يشتغل بي ماعرف شنو خلاني ادك ع تلفون اهل هيثم .
الو.....
بس اسمع صوت صريخ
من الخوف سديته ..
وبعد ايام وصلني الخبر ان هيثم استشهد بالانفجار
ان لله وان اليه راجعون
ماعرف انقهر عليه لو انقهر ع ابني الصار يتيم اب وام
خالي اريد اروح البغداد
ليش خالو
اروح اعزي بيت هيثم خالو واتوسل بعمي بالكي ينطيني محمد
محمد بعد مو من حقج زينب لتفتحين دفاتر عتيكه
بس اني امه
اي بس انتي تنازلتي عنه مو حقج
سديت الموضوع ويه خالي
ثاني يوم طلعنا من الخبشه ع بغداد
طبيت للبيت وطبت ويايه الذكريات والكتل والاهانه الي جنت اكلها بهذا البيت..
لج زنوبه يمه راح الحيد راح ابني الصغيرون
وعمتي دك وتلطم
عمه لتسوين هيج بروحج مو هو خيطه يتعذب بكبره اقريله سورة الفاتحه وترحمي ع روحه