ذكــريـات لا تـمـوت 💔 (روايات ليبية )

الــبــارت الاول ❤️✨

روايــة #ذكــريــات_لا_تـمــوت

"الــبــارت الاول "

-
-
1:30 مساءاا

انا : هييي وقت را نوضي
اميرة: اففففف منك
انا : لا مش اففف واكيده ميرال ح تخطم عليناا اليوم
ماما : حقاا من قالك
انا : الصبح كلمتني وقالت انها ح تمشي ل تسنيم وتجينا
ماما : اهااا زعما بنت ولا ولد
انا : كله من ربي نعمه المهم الصحه
ماما : اي والله الحمدلله ع كل حال
انا : هاا وين خالد
ماما : طلع من امبكري
انا : ان شاء الله خير
ماما : قال عمك يبيه
انا : من عمي
ماما : عمك عبدالباسط 
انا : اهاااا ومشى عقلي مع ريحة الاحباب " ي ربي رايفت عليه "
ماما : هدرزي مع وخيتك وشوفيهل خيرها مع راجلها ، عاد انتي بنتي العاقله والقريبه من ميرال ...
ماما : رتااال
انا : ايوا
ماما : لياا ساعه نكلم فيك وين مشيتي
انا : ارتبكت : هااا لالا بس نفكر
ماما : في شن تفكري
انا : لالا شي ي ماما شن بديري الغداء
ماما :خوك يبي رز
انا : تعرفيني مانحباش
ماما : شن تبي امالا
انا : جايه النية في رشده
ماما : مقطع "مبكبكه" ولا مسقي
انا : لا مقطع
ماما : ساهل غر يجي خوك ونشوفه
انا : باه خلي نمشي انضم
ومشيت نضم في الحوش
كملته وخشيت للمطبخ نساعد في ماما

.
.
اميره فتحت عيونها  وقفت غسلت وجهاا وصلت الصبح
وطلعت تتاوب : صبااح الخيرر
انا : صباح الخيرات
ماما : طيب فيك
اميره: تتاوب: جيعاااانه
ماما : اهو واتي الشاهي كنت نفطر انا واختك
اميره: ماعندكش كليه اليوم
انا : لالا بعدين
اميره: اهااا
انا : اي وانتي
اميره: لالا مش ماشيه الجوو الشتاء ومطر ووقت نوم
انا : هههههه والله حاله انتي
ماما : هيي انتي وياهاا وحده تقرض الخضره ووحده توتي الشاهي لخوتك 
انا : تمم هيي ت نقرض انا
اميره: وانا ت نوتي الشاهي

خش عمر : صباح الخير
انا واميره : صباح النور
عمر : جيعان
انا : هي ت توتيلك اميرة فطورك
قعمز عمر ع طاولة واميره تاكل ومش مدوره
عمر :نستنى لين تكملي يعني
اميره : عادي ماينقص منك شي
عمر : فنص فيها : والله
اميره : دارت روحها مش مدوره وشدت تلفونها فاتحه فيس
عمر : خدا منها تلفونها بسرعه
اميره : خافت : هات جاي ي حمار
عمر : قولي اسفه ووتي فطور بسرعه
اميره : اففف منك هات قبل
عمر: علاش خايفه وهن رافع حاجبه ..
اميره : ارتبكت : لالا هااات اهو بنوتيلك خدت تلفونها ومشت توتي في فطوره وهي ترعش 😹
اما انا فضحكت ع خوفها وبدآخلي نعرف ان عمر نية ومستحيل يفكر يشك فينا ..

.
.

اذن الظهر وجت ميرال مروحه ب رنا  من الكلية

ميرال : جييت
انا : ي هلا
ماما: كيف حالك
ميرال: الحمدلله وانتي وقربت سلمت ع ماما
وسلمت علينا
اميره: عاااد غاطسه وينك
انا : متزوجه مش كيفك
ميرال: ههههه
ماما : شن صار معاكم ي ميرال
ميرال : اممم ولد
ماما : مبروكك ي جهاد
جهاد : الله يبارك فيك عمتي
ماما : شن بتسموه
جهاد: ميرال تبيه سراج
الكل كانوا عيونهم ع ميرال
رنا : حبت تغير الموضوع : هيااااااا جيعااانه
ماما : هيي خش في الصاله بنحط الغداء
جهاد: حاضر هيي
خشو الكل
انا انتبهت ع ميرال كانت مش تمام
انا : ميرال
ميرال : فوتي رتال ومشت للحمام "اكرمكم الله "
اميره: فوتي ي رتال خليها ع راحتها
انا : تنهدت ومشيت مع ماما