ذكــريـات لا تـمـوت 💔 (روايات ليبية )

البــارت الــخــامـس ✨❤️

روآيــةةة

#ذكــريـات_لا_تـمـوت ✨

" الــبارت الـخــامــس " .....

.
.
.

ماما : تبكي : جوااد
جواد : ي عيونه
ماما : رايفت عليك ي وليدي ، وينــكك ماتسأل ععلياا ،
وين غايب وشن صاير فيك ..
جواد : ابتسم : قاعد يام والله ومافيا شي بس مشغول والتلفون ليه يومين ملوح في الدار
ماما : تمسح في دموعها : هكي ماتسأل ع امك وتحرقلي في قلبي عليك ...
جواد : سامحيني يام وراسي تمسحي دموعك ونوعدك كل يوم نتصل بيك ..
ماما : مسحت دموعها ،
جواد : هياا ي غاليةة وراسي ماعاد تبكي ..
ماما تمسح في دموعها وساكتهه ..
،

اخديت تلفون انا
انا : بفرحهه : جواااااااد
جواد : ههههه رايفتي عليا شكلك
انا : بزعل : اهاا والله رايفت عليك
جواد : امم وانا لا
انا : اخسس جواد ماتتغير انت 😭😭
جواد : ههههه طمنيني ي بقره شن جوك وشن جو خواتك
انا : كويسين نبو شوفتك بس
جواد : خلاص احجزو وندير يوم ونجيكم تعرفي حياة مشاهير صعبة
انا : ههههههه والله ماتتحشم
جواد : هاتي خواتك وخوتك نكلمهم
انا : اهوو عمر

عمر : ي هلا وغلا
جواد : اووو عمرر شن جوكك
عمر : كويس والله وانت
جواد : الحمدلله اهوو
عمر : وين ي الدلال عايش حياتك وناسينا
جواد : اما حياة تربح في صحراء را مش مسافر
عمر : ههههه اللي هوا مهم بعيد
جواد : وين ليث وسيف وخالد
عمر : اهو سيف هي

سيف: الو
جواد : صوتك غليظ شكلك كبرت
سيف: بارد كالعاده
جواد : شكلك مش مرايف ع خوك
سيف: بهدوء: لا
جواد : عارفك ماتتحشمش
سيف: ههههه وين محمد
جواد : قاعد معاي
سيف: سلملي عليه
جواد : يوصل

اميرة خشت : شن في من تكلمو

سيف: اهي اميرة
اميرة خدت تلفون وتكلمت بدون ماتعرف مني ؛
الوو اهلا مني !
جواد : له له درتي اسلوب وبديتي تتكلمي
اميرة : بصراخ وصدمة : جوااااااااد
جواد : ايييي وذني ي حماره
اميره : انفلقت ضحك : هههههههههه
جواد : شن جوكك ي بقره
اميرة : الحمدلله والله وانت
جواد : الحمدلله
اميرة : امته جاي
جواد : مزال شوية
اميرة : باه توصل بالسلامة
جواد : اعطيني رتال
اميرة : رتال يبيك
انا : ايوا
جواد : اسمعي نبي كيكة وبسبوسه  منك
انا : حاضر
جواد : الايامات جاية بنجي انا وتيهالي
انا :حاضر من عيوني

محمد : ت هيا ي راجل
جواد: هي جيتك ، خلاص ديري زي ماقتلك وسلميلي ع خوتك وامك وديري بالك ع روحك
انا : سمعت صوت حلو جنبه بس مادورت :
حاضر وانت دير بالك ع روحكك

سكرت وبدينا نسكتو في ماما ،
اميرة : خلاص ي ماما اهو كلمك وتمام حاله
ماما : تبكي : الحمدلله ي ربي  والله كنت مشغولة عليه ..

رهف : رتال وقت ع كورس
انا : هييي نسيته هي وتي روحك نمشو مع بعض
رهف : هيي
عمر : ت نوصلكم
.
.