ذكــريـات لا تـمـوت 💔 (روايات ليبية )

البارت التاني عشر ..

روايــة
#ذكــريــات_لا_تـمــوت

" الـبــارت الـتــانــي عـشــر "

__________

- النصيب أقوى من الحب .. النصيب رزق وأساسا هو  شيء مكتوب من ونحنا في بطون أمهاتنا " ،
صح ان مرات نزعلوا بسبب النصيب .. ومرات يوجعنا وننحرقوا لان النصيب فرقنا بس لما نتأمل
..{ وعسى أن تكرهوا شيئا وهو خيرا لكم ..}..
ترتاح نفسي هلباا يعني معقوله انا ح نزعل ع شيء اختاره آلله لياا حتى لو كان ح يفرقني عليك انا ثقتي بربي كبيره ثقتي بربي اكبر من كل شيء .. ❤️

سمعت ماما تنادي
انا /: نعم
ماما: تعالي
مشيت جنبهاا سلمت ع مرأة كانت تهدرز معاها
ماما : هادي خالة أمل مرت وليد
انا : ابتسمت : اهلا كيف حالك خالتي
خالة أمل : اهلين ي بنتي مشاااء الله كبرتي وليتي تهبلي
انا : ابتسمت : تسلمي
خالة أمل : ي فاطمه بنتك هادي ليا من توا
ماما : سامحيني ي عائشهه والله بنت اعطيتها
عائشه : لمن اعطيتيها
ماما : واحد معاها في الكليه
عائشه: خسارها خشت خاطري بنتك ..
انا : مشيت وانا نسمع في كلامهم .. مادورت الموضوع لان ماعاد تفرق عندي ..

.
.

بدت الدربوكهه واللي ع راسها اميرة وساره واسراء
انا قعمزت جنبهم نساير 💔..

اسراء: شورك ع الصلاية ديما حصلتي سمح التبسيمهه
اميره : ان غاب يغيب العقل معاه وان جا نتعارك نا وياه
انا : هههههه
رنا : نوضت ميرال ترقص
وبدت تغني : توحد لما تشوف الزين ، توحد لا تاخد بالعين
اسراء: اللي حازك ي ميرو ارتاح خلال ذهب في حجره طاح
اميره : روروروروروروري
ميرال : سلم الصقر اللي جابها ترقص في عرس أحبابها
اسراء: اللي حازك ي مبرك يومهه مايفكر كان دار عزومهه

ناضت ماما ترقص
اميرة : جيابت البنات غزلة ان شاء الله ماتمرض ب علة
ربيعه : ي سعدودي درت نسابه ناس ذهب ماهم كذابه
ماما : هو ريم وهي ريمه ان شاء الله عشرة عمره ديما
ربيعه : جيراني جيران الفلة لا فيهم عيب ولا ذلة ..

انا كنت نصفق وسارحهه مش معاهم بكل ..
ساره : نوضتني نرقص
انا : مانبيش
ساره : تحركي
وقفت وبديت نرقص بالسيف
اميرة : العقبه ليها هالحفيانهه وتجيها قوفهه مليانهه
ساره: العقبه ليها هالحبوبةة وتجيها كسوى بالنوبه
👏👏👏👏👏👏👏👏👏👏👏👏👏👏👏👏

جواد : جيتك اهو
محمد : عطلت
جواد : كان عندي مشوار
محمد : اه باه كويس
جواد : الجمعه بنولي راه
محمد : اي حتى انا
جواد : باه تم
هي تعاله خش الداخل
- خش سيف وجواد ومحمد
المربوعهه ..

.
.

جت 12:00
بدو الناس يروحو
قعدو البنات بس كسدنا نغنوو ..