#ذكريات_لا_تموت
" البارت الواحد والثلاثون " ❤️ء ....
________________
طلعو كلهم اخديت تلفوني واتصلت بـ محمد
محمد : ايوا
انا : اهلا
محمد : اهلين
انا : بصوت ياذوب طالع : شكرا محمد
محمد : ع شنو
انا : لانك انقدت حياتي وبديت نبكي 💔
محمد : بحنيه وجعه حالي : اسسس رتاال معاش تبكي
انا : والله ندعيلك من كل قلبي ربي يسعدك
محمد : خلاص ماتبكيش رتال عشاني
انا : مسحت دموعي
وقعدت نهدرز مع محمد وبداخلي ناار لان مش قادره نحكيله ع مشاعري ،
محمد : رتال
انا : بهمس : ي قلبها
محمد : شن
انا : انتبهت ع روحي شن قولت قعدت ساكته
محمد : تأحمم : بنسألك وجاوبيني بكل صراحهه
انا : نعم تفضل
محمد : انتِ ووسام كنتوا علاقة وهك ولا
انا : تبكي : والله لا
محمد : بحنان : باه علاش الدموع توا
انا : انا والله كنت مغصوبه عليه
محمد : بصدمه: علاش
انا : اذكرت اللي صار وكيف ح نقوله يعني نقوله ع قصة وليد ، لا مستحيل وسرحت تفكر
محمد : تأحمم : ت وين مشيتي
انا : اه لالا شي
محمد : لهدرجه سؤالي صعب
انا : لا بسـ
محمد : رتال احكي
انا : تنهدت : ماما غصبتني عليه
محمد : بإستغراب : علاش
انا : بلعت ريقي : لان عاجبها وانا رفضته فـ غصبتني عليه
محمد : باه منين تعرفيه انتي
انا : من الكلية كان ديما يلحق فيا ويحاول يكلمني وانا ماعطيته وجه لعند تقدملي وماما وافقت عليه
محمد : اممم تحبيه ؟
انا : سكتت
محمد : السكوت علامة الرضا
انا : تكلمت بسرعه وبدون تفكير : لالاا والله مانحبه وراسك انت
محمد : اممم معناها راسي غالي عندك
انا : تنهدت ولعنت نفسي : طبعا لانك انقذتني انا مش ح ننسالك جميلك والله
محمد : تنهد : رتال
انا : نعم
محمد : نبـ
خشت فرح ع محمد
فرح : حمود
محمد : قال لرتال خليك شويه
فرح : اووو من تكلم
محمد : ابتسم : وحده
فرح : وعيونك يلمعوا شكلها الكبيده
محمد : ابتسم : اي
فرح : اممم هات نكلمها
محمد : شن تبي فرح
فرح : اوو خلاص شيء قتلك تبي تتعشى
محمد : خلي بعدين
فرح : تمام
محمد : ايوا
انا : نعم
محمد : اي قتلك رتال
انا : نعم
محمد : بهدوء : نبي نشوفك
انا : باستغراب : علاش
محمد : في كلام نبي نقولهولك
انا : بس وين
محمد : تعالي لحوشنا
انا : بس مانقدر
محمد : انا ت نقول لجواد يجيبكم ونقول لفرح تعزمكم
انا : تنهدت : ان شاء الله
محمد : يتاوب : هي جري لنوم
انا : ابتسمت : حاضر
محمد : ديري بالك ع روحك
انا : ان شاء الله حتى انت
محمد : استودعك الله
انا : استودعك الله
" حطيت راسي ع وسادتي وارقدت وانا نذكر في كلام محمد " ....
.
******************************
.
.
امجد : اها معناها ي فرحة محمد
رنا : اي والله حتى انا فرحتلها
امجد : احسن خلي نديرو بيان اني ومحمد مع بعض
رنا : زعما توافق هي
امجد : مش مره قولتيلي تحبه
رنا : مش عارفه عليها
امجد : خليني فيك توا
رنا : بخجل : نعم
امجد :نحبك راني
رنا : حليلي
امجد : حليلي منكك
رنا : هي حبيبي خليني نرقد وراي كلية غدوه
امجد : باه ي قلبي
أنت تقرأ
ذكــريـات لا تـمـوت 💔 (روايات ليبية )
Romanceذكــريــات لا تـمـوت .. تحكي ع قصص حقيقية .. مجموعةة ذكريات عالقةة 💔، مستقبل مجهول ووآقع مخيف ، كذبة الحب الشهيره ، الباقي حح تعرفوه في الحلقات 🖤، 💔.. ان شاء الله تنال إعجابككم .. الرواية باللهجة الليبية ❤️ مع تحياتي الكاتبة #رورو_عاشور
