ذكــريـات لا تـمـوت 💔 (روايات ليبية )

الــبــارت الــتــانــي ❤️✨

روايــة
#ذكــريــات_لا_تــمــوت
" الــبـــارت الــتــانــي "

——————-

انا في الكلية
رهف : تحكي من جدك
انا : اهااا
رهف : وين هو
انا : مش عارفه ي رهف بس انا ماعاد عندي حيل نتحمل اكثر
رهف : لو تحبيه لازم تصارحيه ..
انا : انا كنت نحبه اوك بس هو مش فاهمني هو بااارد وانا ماعاد فهمت مشاعري ، بعدين مانقدر نصارحه وهو قلبه مع غيري ..
رهف: اخخ وخلاص
انا : خيرك
رهف: تعاركت انا وعمر
انا : وعلاش
رهف: هو غيور ويغار هلباا من ابسط شي نلقاه مداير مشكلة
انا : اهاا خوي ونعرفه غيور فعلاا
رهف: تنهدت : بس والله نحبه
انا : ههههه حليلي ع الحب ❤️

" ملاحظة "
رهف تكون بنت عمي وانا وهي صديقات من كنا صغار
من الطفوله وكنا مع بعض ع طول "
عائلة عمي فرج تتكون من :
مرت عمي عفاف
ساره : م 95
رهف : م99
وائل : م 93

.
.

عند ميرال 💔،
بعد بكـااء طويل تنهددت تنهيده من أعماقهاا
فقدت شعورها وهي تتدكر كلامه
"
سراج : مش قاادر نعيش من غيرك والله
ميرال: تبكي : نتمنى لوو نمووت لوو تنشق الارض وتبلعني بس مانعيش من غيرك
سراج : تهربي معاي !
ميرال : بصدمه : هييييي من جدك تحكي
سراج : تنهد : شن تبيني ندير
ميرال : سكتت :
سراج : بهمس : نحبببك نحببببببك
ميرال : تتنفس بصعوبه مع الدموع : ارجووك اسكتت ماعاد تقولهاا ارجووك "

سمعت صوته في المطبخ
وهي كانت في زاوية الدار مش قادره تتحرك حتى 💔
قررت تشوفه 💔
وقفت وطلعت للمطبخ : تبي تفطر
جهاد : اهاا
ميرال وقفت ع الثلاجه
طلعت حاجات الفطور وحطتهم ع الطاوله
ساوت الصفره وقعمزت
جهاد : قعمز يفطر ، نبي قهوه
ميرال : حاضر وقفت ودارت قهوه
وسخنت الشاهي وحطتهم
جهاد : يشوفلها وكانه يتأمل في تفاصيلها :
ميرال : نزلت عيونها :
جهاد بحركةة سريعهه حضنهاا :
ميرال حضناته بقوة وهيي تبكي 💔..
جهاد: اسسسس لا تبكي
ميرال : جهاد حرام عليك الله يخليك انا نبي نقرا
جهاد : تنهد : ميرال اي شي تبيه حاضر بس مش توا انتي حامل وانا نبيك تجيبي وبعدها تكملي
ميرال : بس عادي هلبا حوامل ويقرو وبعدين انا مزال في بداية
جهاد : نظام بطنك قدامك وطالعه يمشيش معاي انا جيبي وبعدها اقري .
ميرال : تنهدت سكتت  لان حست ان الحوار عقيم 💔..

.
.
.
روحت وكان الجوو صقعع
خشيت ولقيت ماما مطيبه الغداء
صليت ووتيت معاها الغداء
.
.

في الكلية
اميره : اففف جعت
ساره: ههههه احرف منك
اميره : عندك فلوس
ساره : اي عندي
اميره : بري جيبي سكالوب ولا بيتزا
ساره : هههه لا بنجيب شاورما
اميره : باه
ساره : هي بري معاي
اميره : لاا وين عبدو جاي يقتلني كان هذا
ساره: من عقلك انتي قاعده تحكي معاه
اميره :ساره لو سمحتي هذا حبيبي وانا نحبه
ساره: ت راه بروحه هو انتي تهبلي تجنني وهو اسود
اميره: لو سمحتي ماتغلطي فيه وبعدين انا نحبه وهذا خلق الله
ساره : اوك اوك شيختنا انا ماشيه
ومشت ساره
اميره كسدت ع فونها حست بحد واقف قدامها
ابتسمت :حبيبي
عبدو : كيف حالك حبي
اميره : تمام وانت
عبدو : تمام رايفت عليك بس
اميره : وانا اكثر والله
عبدو : يقلبي وقعمز جنبها : هاا ماعندكش محاضرات
اميره : لالا مزال
عبدو :كليتي
اميره : مشت ساره بتجيب شاورما
عبدو : شاورما بس
اميره : اي
عبدو : خليك لحظه ومشى