ذكــريـات لا تـمـوت 💔 (روايات ليبية )

الــبــارت 35 🖤✨..

#ذكريات_لا_تموت ✨💜..
• " الـبارت الـخامــس والثلاثون " ....

الكاتبةة #رحاب_عاشور 📝✨
#روايات_ليبيةة ✨
*******  ***********

مشت الايام ..
وجي يوم الخميس ..

رنا : كل سنة وانتي طيبهه
انا : وكل سنهه وانتي طيبهه حضنا بعض واحنى فرحانيين ..
اميرة : من لاخير اجرو كان بتجرو را الناس متفاهمين مع امي واليوم بيجوكم .
انا ورنا : شنيييي
انا : حي علينا
رنا : ماعنديش حتى شن نلبس
اميرة : ميرال مشت بتشريلكم قفاطين وساره ورهف جايين في طريق بش يساعدوني
ور امي منادية ع خالتي وعمتي حواء وامل وربيعه واسراء فقط ..
رنا : من بيرفعنا للمزين باه
اميرة : اهي تسنيم لوطه انزلوا جري
انا : باه عي
دوشنا بسرعهه واتجهنا للمزين وكانت تسنيم حاجزه ليناا ..

رن تلفوني وكان محمد
انا : ايوا
محمد : ابتسم : صباحح الورد
انا : علااش ماقوتليش معقوله من نومي نجري للمزين
محمد : هههههه في مزين توا انتي
انا : اي
محمد : اعطيني العنوان
انا : في #####
محمد : تمام شوي ونجيكك ..
سكر

شوي وجي محمد كان جايبلي قفطان " فستان " ..

انا طلعت قدام المزين
محمد : فنص عيونه ودخلني الداخل ..
انا : شن هذا
محمد : وعيونهه ناار : افرضي حد شافك هي
انا : تي صبح عارفه انه فاضي انا ..

طبعا المزينهه كانت تمكيج في حوشها يعني وقفنا في جنان حوش المزينهه ..

محمد : تي شن فاضي خيرك انتي
انا : خلاص حمودي ☹️
محمد : معاش تعاوديها خير مانقعد قدام مزين لين تروحي ..
انا : لالا خلاص 😹
محمد : شوفي القفطان وقوليلي رايكك وهاك ارفعي الفطور ..
انا : باه شكرا حبيبي
محمد : عاوديها
انا : حبيبي
محمد : ابتسم : مش حلوه
انا : بغيض : شن البارد هذا
محمد : ههههه انبصر عليكك
انا : هي امشي وقت
محمد : باه نحبكك
انا : نموت فيكك ، في امان الله ..

خشيت بالفطور والقفطان 
كان يهبببل
" طبعاا هو لقطةة قونةة وسديري والقماش امريكي واقف ومخصر  ،،
والسديري سيور و فيه شوية  من البطن تبان وضابط  
لونهه  اوفف وايت " ابيض امسخ " ، 

تسنيم : محلااه
انا : ابتسمت
المزينةة : ربي ايهنيكمم
انا : تسلمي
رنا : كلميلي ميرال
انا : باه هي

ميرال : اهو جايه را جهاد بيحطني عندكم وقالي قولي لتسنيم تروح بيكك
انا : باه غر تعالي انتي بس
ميرال : هي اهو وصلت

وخشت ميرال ..

جايبه معاها قفاطنين