رواية
#ذكــريــات_لا_تــموت
" البارت الرابع عشر "
_________________
يلي كنت نـــفرح في زهــــاك ...
كـــنى اليوم في فرحـك حزين !!
كـيف أتكــــون هي ساعة هــناك...
سـاعة جـرح في صدري مكـين
كـفك لان وارتخــــين عضـاك...
وكـان لغـــيــر كــفى ما أيلـين
وأنـــت اليـوم تقـهـر في أعداك...
وأنا فًي بــاتــوا شـامـتين
وأسمـي طـال من طولت جفاك...
أقـرن بالياس تما فأل شين
"راضي الفاخري"
رنا : هي تعالوا نرفععو الحاجات لحوش وليد
اسراء: هي
طلعو البنات وانا قعدت مقعمزه ..
ماما : رتال تحركي معاهم
انا : تاعبه نحس في روحي
ماما : نوضي امشي ت في الحوش ناشطه واهني
انا وقفت وطلعت
ربيعه: خليها ع راحتها اكيده تاعبه
ماما : لالا خلي تعاونهم
انا ركبت الدروج وصلت قدام الباب
وقفت نشوف للباب سمعت البنات يهدرزو
ساره: مابعدها ربي يصبرها
رنا : حرام ماتستاهلش يصيرلها هكي
اميرة : الله غالب ي بنات نصيبات
اسراء: وحق ربي ي بنات اعيت وانا نقوله ع رتال هو شيء مسكر راسه عليها أمل امل تقول مدايرتله سحر
اميرة : خلاص سكرو ع الموضوعع
انا مسحت دموعي وخشيت
ابتسمت : شن اديرو
البنات يشوفولي مصدومين
اميرة : علاش جيتي
انا : هك
رهف: ت تبكي ي رتال
انا : وعلاش بنبكي
اسراء: خلاص خلوها بنات
ساره: شدتني من ايدي ومشينا الداخل
انا نتفرج ع الحوش كان الديكور كله ع حرفها A
والحوش مزين ورد وشموعع وبالونات 💔..
واضح الفرحهه من باب الحوش ،
انا بداخلي " مبروك ي امل انتي اللي فزتي، ربي يهنيكم "
انا : بنات بنخش نرقد انا
كانت الدنيا زحمه ،
ربيعه: مش ح تقدري ترقدي خشي دار وليد هو مش ح يروح لليل
انا : لا ت يفهوا غلط
ربيعه: اسكتي انتي اختهه خشي وماعليك في الناس
خشيت لداره سكرتها
قعمزت ع سريره نتفرج عليهه ،،
" علاااش ي وليد علااش بس 💔.. انا في شن غلطت معاك بش اخترتها ، شن الغلط اللي درته بش تعاقبني هكي ي ربي 💔،، تمنيت نموت ومانحضر ععرسكك،،
والله صعبه عليااا 💔..
حراااااام علييييك حس بيااا نار تحرق فيااا نار والله 💔..
فقت لنفسي وانا زي المختشهه نكلم في سريره وحوايجهه ونتفرج ع دولابهه نتأمل في كل جزء في الدار ..
ماحسيت بنفسي الا وانا راقده ع سريره ودموعي ع خدي ..
.
.
عند وليد
أنت تقرأ
ذكــريـات لا تـمـوت 💔 (روايات ليبية )
Romanceذكــريــات لا تـمـوت .. تحكي ع قصص حقيقية .. مجموعةة ذكريات عالقةة 💔، مستقبل مجهول ووآقع مخيف ، كذبة الحب الشهيره ، الباقي حح تعرفوه في الحلقات 🖤، 💔.. ان شاء الله تنال إعجابككم .. الرواية باللهجة الليبية ❤️ مع تحياتي الكاتبة #رورو_عاشور
