I hate my community (أكرهك مجتمعي)

🎭👌

جاءت ريم مسرعة متجه إلى المطبخ ف اصطدمت ب سارة
.........
سارة بنبرة استهزاء : ما عندك عيون بهالشيء اللي اسمه رأس؟
ريم : رعبتيني انتِ وشعرك المنكوش كأنك شعشبونه
........
جاءتهم جنى حامله صفرة العصير تسأل ريم
......
جنى : ها شنو تغير خالي كيف شفتيه؟؟
ريم : سنه عشان اتجيبي العصير عموما ما اتعبي نفسك خالي طلع
سارة : وليش ماقالي حد إنه خالي جاء عندنا
جنى : يا خساره هاذ كله من الغبيه نور كانت تسحب في الصفرة مني عشان تدخل وتسلم على خالي و يادوبك قدرت ناخذها و جيت😖😞
.......
اقتربت ريم من جنى و همست لها في أذنها فإبتسمت جنى ونظرت إلى ريم و أومأت رأسها بالقبول
.......
ريم : عموما جابلكم هدايا تعالي انشوفها و نختارو هديتنا قبل ما يهجمو علينا
جنى : تعالي
...........
خرجت نور من المطبخ متجه إلى غرفة الجلوس رأت سارة تمشط شعرها أمام المرآه
فهربت مسرعه منها تحاول أن لا تراها سارة
........

نور
هآاه ما بعدي منهم مافيش رحمه يا همي وااه
يلاّ انشوف شنو جايب خالو مستحيل يجينا فاضي أكيد جابلي الساعه اللي حكيتله عليها يا بخته سافر وعايش حياته لو مثله مستحيل نتجور ها وليش هاذ لو تجوز يابختهم صغاره ما راح يخلي شيء بخاطرهم يكفي إنه انسان راقي ومتعلم يا بختها اللي ابتتجوزه بس نبي نعرف ليش أمي ما صارت مثله للأسف 😞 يلاّ اللي صار صار خلاص توا خلينا بالمهم 😆يا ترا كم هديه و رووعه رووعات لو يجيب الشكولاته اللي في الدعاية خاطرني فيها بس أتمنى ما حد يسبقني عليهم
..........................

ريم : راقبي لي بالك حد يجي يكشفنا و ننفضح
جنى : باهي قولي لي شنو جايب
ريم : خليني لحظه انشوف وانقولك
جنى : هاها ع بالك غبيه لا ياحلوه حتى أنا بنفتش معاك مرات تاخذي الأشياء اللي احبها
ريم : لا راح نتفاهم ع كل شيء انتي بس راقبي لي
جنى : لا لو تبي تراقبي راقبي لنفسك بنفسك أنا بناخذ هديتي و ابنختفي

..........
خففت نور من سرعتها لتمشيء ببطئ لكي لا تصدر صوت وبعد عدت خطوات وصلت نور إلى باب الغرفة ف نظرت و رأت ريم و جنى يفتحان الهدايا ف دخلت عليهم بغضب و بسرعة لدرجة أنها افزعتهم ف غضبو منها فتعالت أصواتهم إلى أن دخلت سارة ومعها أمهم
.......
.

سارة بنبرة غضب : ها شفتي بناتك وين هايمين وانتِ ما خلّيتي وحده إلا وسألتيني عليها
الأم بصوت عالٍ ونبرة غاضبه : شنو خيركم شن جاكم يلاّ اطلعو و سيبو اللي في إيدْكُم و ألحقوني ع المطبخ
ريم : ماماتي بناخذ هديتي وحاآظر من عيوني
الأم صرخت على البنات مشيرة بإصبعها إلى الباب: قداآاامي

........
دخل الأب عليهم بعد أن أوصل خالهم إلى سيارته
........

الأب بملامح غاضبه و نبرة غضب: خيركم صواتكم لآخر الشارع