انانية
البارت 21
حسيت ايد كمشتني وجرتني حيل اله...
اديه صارت على صدره...
باوعتله وعيوني مليانه دموع...كال بخوف مبين من صوته..
ليلي شبيج وهو يتلمس خدودي ويمسح دموعي..
ليش تبجين...
اباوعله واتخيل لو اني متزوجته..وهسه دا نحتفل بخبر حملي..
بس لا بعد متصير..حرام اخرب حياه طفل وادخل بين ابو وامه...
دفعته من صدره حيل ووخرت اديه من اخدودي...
واني بلكوه احجي...درت وجهي واني اكله من بين دموعي الي ما اكدر اسيطر عليها...
ما بيه شي ...باوعتله وعيوني كلها قهر ...ما بيه شي
بس ابتعد عني واصير بخير...افتهمت
يباوعلي بصدمه تحولت الي غضب فحاولت اوخر منه بسرعه ..اعرفه ميتفاهم من يعصب..
مشيت من كباله بسرعه ...
اني ترد اطلع محسيت غير جسمي انضرب بالحايط واديه لازمه ايدي قوي...
قابض عليهم بقوه ...حجه بصوت خله عضامي ترجف ...
واحس بانفاسه تضرب وجهي...
باعي لج..احجي عدل لتخليني اتخبل عليج هسه والله
عصر زندي حيل وخشمه يطخ بخشمي...
يحجي وهو صار سنونه من العصبيه...
شنو مو رجال شايفتني وتعوفيني واني احاجيج لو مو بعينج...
خلفله عليج صار فراكي راحه ...وج عيوني الليل كله متنام
اتاني لحضه بلحضه ...
المج بحضني وارتاح من تعب السنين واني انطرج...
وتاليها تكليلي ببعدي راحتج...
عاط حيل وهو يعصرني من اديه حيل ويهزني من العصبيه...
لعد اني ليش بفراكج ما شفت الراحه ..
اعصابي تلفت كمت احجي واني ابجي وادفع بي ...
وخر مني ما ريدك ...رروح الها رووح
راح تجيبلك طفل ...شتريد مني بعد شتسوي بيه..
اذا انته هيج تحبها وراح تسوي منها طفل..
عليمن مدخلني بحياتك واني مالي دور بيها..
اني مو هامش افتهم..ما ريد بيوم اكرهك واني اشوفك وياها...
تعرف شنو من انته تحب شي تعشقه وتتمنه يصير الك وهذه الشي توكف عليه حياتك ... وبكل سهوله وتشوفه بادين احد ثاني ...ملكه واله حق بي اكثر منك..
بهاي اللحضه تحس روحك نكره...ولا شي
مالك اي حق اطالب بي...مالك حق تكول هذه مالتي
عوفني يا اخي اعتقني لله...
ما ريدك بعد ...انته الها مو الي ..
روح الها ليش عفتها واجيتني ...
وخر اديه مني ...قبض اديه بقوه الشرايين برزت من العصبيه
وجه صار احمر كام يتنفس بقوه..
خليت اديه فجأ على وجهي من الخوف ...
حسبالي حيضربني...
سمعت صوت ضربتين قويات..
وخرت اديه واني دموعي متوكف ...
اباوعله ضرب الحايط بصف راسي بقوه ...
اديه كامت تجري دم...
كام يعيط وبعده يضرب علحايط...
كافي ...كافي خبلتيني شسويلج حاربت الدنيا علمودج
لزمت اديه امنعه يربي شسويت...
دفعني حيل ...رجعت شبكته حيل ..
ما اتحمل اشوفه بهل حاله ..اديه تجري دم ...
كعد بالكاع وضهره علحايط من شبكتي اله ..وبعدني شابكته...
وج حاربت العشيره واهلي واهلج...حته اخذج
وانتي ...وحده انانيه متفكر غير بنفسها وبس
لويش حبيتج...على شنو
اشو مشفت من وراج غير التعب والذل ..
هاي التحجين عنها...انتي جبتيها
انتي السبب ..مردت ادخل لحياتي الي تكولين
مالج دور بيها وانتي تدرين ..حياتي انتي
متهمني لا هيه ولا الي ابطنها ...
وج افتهمي مو خبلتيني لخاطر محمد ...
انتي الي ...ليش تسودنيني بحجيج...
وين هذه حجيج من اجيت خطبتج ..وبكل صلافه رفضتي
جرحتي رجولتي ...
وحاولت ادوس على قلبي وكلت الما يريدني ما ريده ...
وماكو واحد وره واحد مات..
وحاولت اعيش ...بس جنتي غصه بقلبي
كلما اشوفج ...يرجع قلبي يحن الج وبقه عشكي الج متغير ولا شويه...بلعكس جنت ازيد هوس بيج اكثر واكثر...
ولا جنج انتي الرخصتي حبي الج...ولشنو لسبب تافه
وج اني وحش ويه الكل ...
بس طفل باديج انتي وحدج ...
كام يهمس بتعب وهو مرجع راسه للحايط
كافي رحمه الله والله تعبت ...تعبت
حسي بيه شويه ...
يحجي واحس بروحي شكد انانيه صدق وما استاهل ...ذره من حبي اله...
أنت تقرأ
عشك الجبل
ChickLit#ْعشِڴ_الُجْبّلُ🔞🔞🔞 #الجزء_الٲول يهمس بحده وغضب ولكن بنبره خلت روحهه تموع بمكانها متعرف شنو الي صار بيهه وهي ضهرهه لازق بصدره وتحس بتقلص عضلات من يتنفس ، وهو يمرر انفه علي ركبتهه... وج ما عاشت ولا كانت الي ترفض الشيخ جبل، وهو يمرر اصابيعه عخصرهه،...
