عشك الجبل

البارت 26

26

وره شويه بلكوه گمنه تريگنه...
ووداني للبيت ...

............✨
جبل:
اليوم كله عيني علساعه ...احاول اشغل نفسي باي شي
احاول اقنع نفسي مو علمودها...
سويت قضايا اسبوع بس اريد يمشي الوكت
...
اشتاكيتها..احس روحي فاكدتها
شويه وضربت علمكتب حيل وعطت
..
اي شنو شوكت تجي السبعه مو متت...

من الانتظار...تالي عمري انتضرها
واني الي الكل ينتضرني ..هاي حالتي
ليگول مراهق ..مواعد حبيبته
كمت من المكتب ...ضليت اروح واجي بلغرفه
الجكاره ممفاركتني ...
باوعت للساعه 6ونص ...
بعد ما اتحمل ...مخلصه ممخلصه مشكلتها
بعد ما عندي صبر...
بسررعه اخذت المحفظه والسويج وباكيت الجگاره...
ونزلت ...
رحت طاير بالسياره..
وصلت لباب المستشفى الساعه 7 الاربع
نزلت من السياره ..وعيني على باب المستشفى
شوكت تطلع منها...
دگيت عليها ...مره مرتين ..الثالثه اجاني
صوتها الناعم..االو
..خرب اهلج على هل نبره ..موعت قلبي
كتلها واعصابي كوه لازمها...
انتي ياهو ليخابرج..اجاوبي بهل مياعه
كالت باستغراب...
جبل..
كتلها وصبري نفذ...اي زفت جبل
شنو انتي اي رقم غريب اجاوبي عادي
كالت بهدؤء...
شبيك معصب...لا ما اجاوب اي رقم
بس شفتك لحيت بالاتصال...گلت اكيد شي مهم

كتلها واني اسحب نفس من الجكاره بقهر...
وج وهذه صوتج يسبي عشاير ...لتتموعين لاحد
وعلي اسوي سوايه محد مسويها..
ديم باستغراب...شبيك جاسر شنو متموعه ..والله
دا احجي طبيعي وبعدين اني هلكانه ويني وين الدلع
حالتي صايره دمار هسه طلعت من اخر عمليه ...
بعدين انته شبيك مخابرني معصب..
جاسر بأمر...تعاي نزلي اني جوه انتضرج بعدين نتفاهم..
هاا..وتنزلين وانتي لابسه الصدريه اياج احد يشوفج بالتنوره

ديم وشويه وتبجي...جبل شبيك شنو انزلك بالصدريه
شيكولون عليه ...وبعدين بعدني ممخلصه
لازم اتفقد جرح المريض خاف يلتهب..لان منتطقه العمليه
خطره...

جبل خلصت الجاره ودستها بجذائي كتلها بنبره تهديد...
لانعل ابو المريض لابو المستشفى...ثواني والگاج كدامي
بسرعه..وبالصدريه دخل المح التنوره لاهجم المستشفى على راسج اليوم...
سديته قبل ما اسمع ردها..
اني انتظرها الخاتونه اليوم كله وابو ابوي مسموط ...
وهيه ابرد من الثلج...
ورثت جكاره بلكت تبرد نار گلبي...
هسه انه شورطت روحي ...مو جنت مرتاح لاهم ولا شلعان گلب...
شبيك حنيت متگلي شبيك...طول عمري محد هزني ولا حركك شجاك هسه فهيت عليها ...واني اضرب على گلبي
...
ثواني وشفتها نازله بالصدريه البيضه ..ولابسه على كتفها جنطه الابتوب ...وبالايد الثانيه جنطه ايد.ومبينه ضايجه من وجهها.. لان جبرتها علنزله بالصدريه
عادي اهم اجتلي..اني اراضيها بطريقتي..
وصلت يمي..
كالت من وره خشمها...
هسه ارتاحيت ..من اتفشلت واني نازله مبهذله
اخذت الابتوب من اديها..
لزمت ايدها..
ااشتعلوو..ودور تگلي مبهذله..
وج وعلي گمر ...
اتمنه اضمج عن عيون الكل..
ما ريد احد يشوفج مثل متشوفج عيني..
ديم يربي هسه جنت ناويه اتعارك وياه ...كلامه گلبني
180درجه ...
صحت بصدمه...منين تجيب هذه الحجي ليدوخ
خليت ايدها على كلبي..
منا ..هو يطلع وحده
يله امشي ميت جوع...لاحگين علحجي
اهم شي صرتي يمي...
فتحت الها الباب
..اتفضلي اميرتي
ديم راح يخبلني بحركاته...شيخ وعصبي وجنتل
ورمانس ورتبه يربي هذه الرجال لغزز..
كل ساعه يفاجئني...
صعدت ..سد الباب وراح صعد بجهته
بده يسوق ...وعينه لكدام
واني صافنه عليه...
صحاني صوته يحجي بغرور...
ادري حلو واخبل...بس ارحمي عيونج
كتله واني اسوي نفسي مجنت اباوعله..
مجنت اباوع الك...جنت صافنه وصارت عيوني بوجهك
...
التفت عليه وهو يبتسم بطرف شفته ويحجي بكل ثقه...
عيونج تعرف وين توجه نضرها صح...
لان عيونج كل الوقت تبقه الي وبس...

ديم اباوع لعيونه ما اعرف ليش ارتبك ..وما سيطر على
دكات گلبي گدامه...
كتله ..وين موديني
گال بحماس...مو تردين سمج...راح اوكلج اطيب سمج بالبصره كلها...
كتله واني ارجع راسي علكشن واغمض عيوني ...
حمستني ..لان جوعانه كلش
شغل اغنيه..عشگ مجنون
وبقه يدندن ويه الاغنيه عشگ مجنون..
صوته رجولي وخشن ...
التفتت عليه ...مندمج ويه الاغنيه
ملامحه حاده وقاسيه ...
عيونه السود ...باول نضره الهم
تحسهم بحر من القساوه ..بس من تتمعن بالنضر
تشوف شخص كله حنيه ...
خصله من شعره نازله على جبهته...
منطيته جاذبيه اكثر ويه لبسه العسكري..
احس سمع دكات كلبي ...
الظاهر هذه الرجال ..خطر واحد يقترب منه
جاذبيته قويه حيل..حيل
وملازم اقرب اكثر منه..
لازم ابتعد ..احس روحي بخطر ومدا سيطر على كلبي ..
صحيت على صوته وهوو يگلي ببحه رجوليه ... وعيونه كلها حنيه وشوگ
احس كلمات طالعه من كلبه
..
عشگتك عشگ مجنون ..ويا عاشگ عشگ عشگي
وهو هويتك لان حبك
...نصيبي بدنيتي وحگي

وصلنه ..كال نزلي..
نزلت ..اباوع للمكان شط والاجواء تجنن
اجه لزم ايدي وكال...
هذه شط العرب ... هنا يسوون اطيب سمج راح تاكلي بحياتج تعاي امشي..
سحبني وياه...
نزلنه جوه قريب علشط مثل كعدات الديوان..
واضح المكان كلش راقي وحلو بس استغربت
بلجها الكعدنه بيها ...ماكو احد
مع انو اول مدخلنه ..هوسه فوق بلمطعم
نزلنه گعدنه قريبين علشط ريحه المي ترد الروح ومخلين اضواء وجو رومانسي ...
گعدت وگعد بصفي ..
گلي عجبج المكان...
كتله وعيوني بعدها متعجبه من الي تشوفه
...جبل االمكان يجنن
گال وهو يباوع علشط...هذه المكان
لا ضاكت بيه الدنيا وحبيت افكر لو اضل وحدي
اجي هنا ومرات انام بي ...
كتله باستغراب..هاي ااكعدات البقيه
شعجب محد موجود هنا ..
گال وعيونه بعيوني...
حجزته كله ومنعت احد ييجي هنا حته النادل...
كتله واني متفاجئه...
شنو ولويش بلعكس وجود الناس حلو ...
وبعدين منو حيجيب الاكل...
...
كال وهو يخزرني..
وتردين الناس تباوعلج حضرتج مو...
حجزت المكان حته تاخذين راحتج ..وميضل بالي خاف
اخد يشوفج...
والاكل موصيهم يسوو واني اجيبه
...
ديم ..يمه من غيرته ناار بوجوده احس يريد يخفيني عن الكل
كتله واني اباوع لعيونه...
تعرف بوجودك ..احس روحي شي ثمين
تريد تخفي عن الكل ...ويبقى بس الك
احس روحي اميره بحضرتك...
رغم عصبيتك الي اموتتني ...
اني طبعي ما حب احد يأمرني ،بس انته غير ..
تجبر الكل..
يتبعك بدون جدال..
ورغم عنفك ...وجرائتك من اول لقاء بينه ..
اول مره بحياتي احد يجرء وياي هيج ...

بس احسك رجال مختلف ...
...............
مساكم خير ...
والله هسه يله اجه النت...
بزع روحي ...بلليل ينزل البارت الثاني ويجوز ثالث
لان دا اكتب من البارحه