البارت 42
طلعنا بسرعه بلسيارات
وبلغت الحرس يدورون ...
الطريق اظلم والدنيا ليل الشارع ما ينشاف لان المنطقه زراعيه ...
وصلت للطريق العاام ...ابااوع من بعيد سيارات متجمعه وضوه قوي...
لازم قلبي بيدي واتمنه البالي غلط...
وصلت يمهم نزلت ركض من السياره ...
الناس متكومه ...
مشيت الهم واحس رجليه تثكل كلما قرب عليهم..
وادعي ربي كون مو جااسر...ربي لا تفجعني بخويي وعضيدي..
ملتمين على سياره ...دخلت بينهم
وجاان اشوف سياره جااسر مكلوبه كلب من الحادث والناس تريد اطلعه من السياره ميكدرون ويخافون لا تنفجر السياره..
وكلها تصيح خطيه ماات ...الى رحمه الله
ونااس تكول الله يصبر اهله ..
كمت ادفع بالناس ناار بقلبي سعرت واشوف جااسر بالسياره ودمه بطوله ...
والسياره مشتعله ناار واذا ما طلع راح تنفجر عليه...
اتخبلت وااني اشوف ابن عمي واخويه الما جابته امي
بهل حاله ...
رفعت دشداشتي ...ونزعت عكالي لفيته بيدي
صرخت عليهم ..ما ريد واحد يقترب منه ..
ااالكل يوخرر...
هذه عضيدي اااني...ااني الاطلعه هذه حصتي
كسرت الجامه بيدي ما خفت ولوو لحظه على روحي ..
واشوف جااسر وجها ما بيبن من الدم وشضايا الكزاز ماليته ...
الله وااكبر اني موجود وعضيدي بهل حاله يصير ...
كمت اصيح ...جااسر وسفه عليه يسموني زلمه
اذا ما طلعتك ..لو انموت اهنا اثنينه..
مديت ايدي اريد افتح الباب لاطشه من الحراره ...
جبت عمدو حشكته بلباب ودفعتها وااني اصيح...
علي ...علي نخيتك ياا علي
احمي الي...
صرت مخبل بس اريد اطلعه ..
فتحت الباب ..
كمت اتلمس وجها ميبين من الدم ...اتلمست نبضه
مااكو ...
ربي ...ربي لا تاخذ عضيدي ربي الااا جااسر
والله مو وكته ...بعدني ما شايفه عريس
ارد اشيله داخله كزازه بكلبه
رجعت الكشن مال السايق ليوره
وكوه شلته وركضت بي لسيارتي ..نومته بلكشن الورا
صعدت وكمت اسوق بي ...طااير بس اريد اوصل للمستشفى حسيت الطريق ميخلص..
كل ما اله ويزيد ..
كل نقط التفتيش عبرتها ...
وااني كل ساع ادير وجهي اله
واصيح ...جاسر يبعد ااخوك لا تستسلم
...وين عايف خويك وحده..وغزل بنتك ما فكرت بيها
تدري بيها تموت بليااك ...
جاااسر ...
وصلت للمستشفى وكفت ابابها.. نزلت وااني اصيح
دكااتره وين ...اريد دكتور بسرعه
شلته واركض بي لباب المستشفى ...
الناس مكومه والدكاتره والموضفين يتمخطرون وعلى كيفهم ...
ااني منااا فاير وروحي طالعه ...جااسر راح يموت وذوله محد مهتم...
خليته علسديا ...
وركضت لدكتور كاعد يشرب جااي الحقير والناس راح تموت ..سحبته من ياخته ...
كاال ..شبيك انته عوفني..متعرفني منو
كتله وعيوني حمر من العصبيه:انعل ابوك لاابو كلمن يطلع وراك...ارهابيه
وعطت بيهم...
انعل ابوكم لااابو كل دكتور بلمستشفى ..
حقراء ...الدكاتره كلها اريدها هناا بسرعه
ماا ريد واحد بمكتبا.. يله
لا والله اسجنكم كلكم ...
كاامو يرجفون ...
شمرت الدكتور كدام سديه جاسر...
اتكومو عليه واخذوو كبل لغرفه العمليات ...
يمشوو وااني وياا ...لازم ايده
كتلهم وكلبي ناار عليه ...
اليطلع من الغرفه وما كايلي حمد الله على سلامته
...
والله اخذ روحه وراا ...
الدكتور :اتركه ابني واستهدي بالله ...وادعيله
خلي نشوف شغلنه ..كل شي بيد ربك
عفت ايده واحس كلبي المصوب مو كلبه ...
دخلو وسدو الغرفه ...
انهد حيلي ابااوع الروحي هدومي مليانات بدمه ...
كعدت بلكاع وراسي علحايط ...
اتذكرت ما بلغت احد..
خابرت فهد ..جاوبني بخوف
هاا..جبل بشر لكيته
كلبي يصيح ..وياا ريتني ما لاكي
يا ريتني ميت ولا شوف جاسر بهل حاله
كتله بصوت مخنوك ومكسور ..فهد جاسر راح يروح منه
كمت ابجي بحركه ...
ولك خويي راح من اديه ...
فهد واني كل شي ما مفتهم ..بس اتخبلت من شفت جبل هيج مكسور ...
وكفت سيارتي بلطريق ...
كتله...شبيك جبل شبي جاسر
لا تخبلني ...اكيد ما بي شي
جاسر قوي ...
جبل :ولك جااسر شلته بيدي دمه بطوله
...
كتله والله ..والله لو صاار على جاسر شي
لاحرك الاخضر واليابس ...
والله لاخذ حقك يخووي ..من حلك السبع
فهد:دكلي انته وين هسه ..
جبل :بلمستشفى ...بلغ عمي ولحد يجيب طاري لجدتي ولعمتي ام جاسر وغزل ..دير بالك احد يكلهن
ما يتحملن ..
سديته منه ...شفت دكتور والدكاتره مخبوصين طلع ووجها ميبشر بالخير
ركضت اله ...هاا دكتور بشرر جااسر
الدكتور وهو يريد يروح مستعجل:ما اجذب عليك شيخ
انته جايبه شبه ميت ...نبضه ميت والشضيه داخله بمكان حرج ...
وفاقد دم هواي ...
كتله :دكتور دمي كله اله ...شتريدون دم سحبو مني
شتحتاحون اجيبلكم ...
بس خلو يعيش ومن بااجر اسفره
الدكتور وهو يخلي ايده على جتفي...والله كاعد نسوي النكدر عليه ...ميفيده هسه غير الدعاء
ادعيله شيخ
أنت تقرأ
عشك الجبل
ChickLit#ْعشِڴ_الُجْبّلُ🔞🔞🔞 #الجزء_الٲول يهمس بحده وغضب ولكن بنبره خلت روحهه تموع بمكانها متعرف شنو الي صار بيهه وهي ضهرهه لازق بصدره وتحس بتقلص عضلات من يتنفس ، وهو يمرر انفه علي ركبتهه... وج ما عاشت ولا كانت الي ترفض الشيخ جبل، وهو يمرر اصابيعه عخصرهه،...
