#ْعشِڴ_الُجْبّلُ 🔞🔞🔞
البارت 43
حوَر | ђấĨdẹṜ
#عشك الجبل
#حور حيدر
ماازن بتعب:اتعده مرحله الخطر ...جاان شبه ميت
لان فاقد دم هواي ...والشضيه الداخله لقلبه كدرنه نطلعها...بس اكو مضاعفات لان حالته ممستقره واذا مرت الاربعه وعشرين ساعه ومصار عنده مضاعفات اعتبروه اتعده الخطر..
جبل كاام يبجي وسجد لربه ...
ااني كمت ابجي واشهق بقوه ..
شبكت امي من غير ما فكر باي شي ...غير جاسر يمي
ما عافني...
كمت ابجي بحركه ..اول مره اعيش هذه الشعور
رغم كل اهلي يمي...
بس حسيت اني يتيمه بدونه ..
جني وحده مكسوره لجناح ...
نسيت خيانته ونسيت كل شي..بس اريد
اشوفه كدامي بطوله ..
وخل يسوي ليريده ...
بس كون اشوف ضحكته لترد روحي...
كل شي بعد ما ريد منه...
عمي مازن :كعدتكم هنا متفيد ..ادري مراح تقبلون تعوفو...
بس اكعدو علاقل بلاستراحه..
لان راح ينقلو للجناح الخاص ...
جبل واني مجبور اكون قوي مع انو احس روحي ضعيف وحيلي مهدود كتلهم بأمر:
محد يبقه هناا...فهد اخذ غزل وامي للبيت كعدتهم متفيد..
غزل وكمت ابجي اكثر ركضت لجبل :لا جبل فدوه ..
خليني يمه والله اموت اذا بعدت عنه ...
جبل انمرد كلبي وااني اشوف حال اختي هيج ...
ولك جااسر شنو الجبرك تسوي هيج بروحك ..
وااني ادري غزل اعز شي عندك..
ما فكرت بيها...
كاافي لتبجين بعد ...
كتلهم امشو الكل للاستراحه بين ما ابدل دشداشتي واجي ...واريد افهم شنو الصاار بلضبط...
كعدنه بلاستراحه ..الولد طلعتهم بره المستشفى بقو بس عمامي وابوي وجدي وفهد وغزل وامي ..
كتلهم وااني ابااوع الهم ...
هسه اريد واحد يكلي ...شنو الصاار
وشنو خله جااسر يطلع بهل حاله من البيت ..
جدي وهو متكي على عصاته :مو وكتها السالفه جبل ...
خل يكوم لوليد ...وبعدين لكل حادث حديث
كتله واحس دمي يفور :شنو مو وكتها ...
جااسر بين الحياه والموت ...
اخويه تعرف شنو اخويه الما جابته امي ..
ابو جبل بحده وهو يشوف جبل يحجي ويه جده بصياح : جبل شمالك تصيح على جدك...شو ما تحشم احد انته...
جبل وروحه طاكه :كاافي الخاطر محمد عوفلي الحشيمه والاحترام تره روحي واصله اهنا وهو ياشر على خشمه...
غزل واني اسمعهم يصيحون والموقف ينعاد كدامي
ودموعي تجري كتله بضعف :
شفته ويه فرح سويه بالغرفه ...
الكل سكت فجأا..
جبل بعدم فهم:شنو شفتي ويه فرح..
غزل واحس سجاجين تدوس قلبي وااني احجيله علصاار ...
جبل بعصبيه وصياح :وانتي يا غبيه شلون تصدكين جااسر يكدر يخونج...
وج خابرني مثل الطفل فرحان وومصدك ...
من قبلتي تحددين العرس ...
شلون بنفس اليوم وبقدره قاادر ..يخونج
وويه منو ويه فررح ...
اابو جبل :ميحتاج تبرر احنه شفنه كل شي بعينه ...
ودخلت عليهم وهمه استغفر الله ..
جبل ااحس راح اتخبل ادري من سابع المستحيلات جااسر يباوع لوحده غير غزل :
اكيد اكو لعبه ...او انتو فاهمين غلط
الجد بحده:مااكو شي فاهمينه غلط...الولد غلط
ومن يكوم بسلامه ..يصلح غلطه
ابو جااسر وهو مصدوم :يابه انته شتحجي ..
جاسر ميسوي هيج سوايه...
جبل جاان اكو خيط صبر واحد وطق عندي كتلهم والشياطين تطفر كدامي:والله ثم والله ثم والله
اذا صار شي لجااسر ..ما ارحم احد
وفرح الي حساب وياها خاص...
ابو جبل بعصبيه :شنو تهدد ابوك وجدك ..الظاهر
ما وكف بعينك ولا النه هيبه واحترام عندك..
جبل وبنفس العصبيه وتوعد:اعتبرو مثل ما تعتبرو ...
مثل ما انتم حكمتم على جاسر بالباطل ..
ااني هم راح اصير مثلكم ...
وحق السماني جبل وحق الله ...
اله اجيب دليل برائته بيدي...وساعتها
اخليكم تعضون اديكم ندم وحسره ...
محد حجه كلمه وحده ...
لان يعرفون جبل اذا عصب ما يشوف كدامه احد..
واانتي واني اباوع الغزل :شكد جنت اكله لدللها
عوفها ولترجع تراضيها وانتي على اقل شي زعلانه منه..
جاان يكولي ...شلون ترضه اخلي بنتي تنام الليل وهيه زعلانه مني ...
وج والله حرام بيج...
ومو ردتي الطلاق ...بس يصحى بعون الله
بيدي راح اطلقج ...
لان انتي متستاهلين تكونين زوجه لجاسر ...
عفتهم ورحت واحس الدنيا ادور بيه ..
ما طايق احد ...
ياا حيف عليكم ...
امشي وانتجي علحايط ...
حسيت بأيد حضنت ايدي ...
باوعت شفتها ديم ...
كالت تعاال ويايه ...
سحبتني وياها
لغرفه ...
نومتني علسديه ...
كتلها واني ارد اكوم...عوفيني ديم ما ريد اانام
أنت تقرأ
عشك الجبل
ChickLit#ْعشِڴ_الُجْبّلُ🔞🔞🔞 #الجزء_الٲول يهمس بحده وغضب ولكن بنبره خلت روحهه تموع بمكانها متعرف شنو الي صار بيهه وهي ضهرهه لازق بصدره وتحس بتقلص عضلات من يتنفس ، وهو يمرر انفه علي ركبتهه... وج ما عاشت ولا كانت الي ترفض الشيخ جبل، وهو يمرر اصابيعه عخصرهه،...
