عشك الجبل

البارت 36

36

ضرغام لتوكع نفسك بمشكله ويه بابا ورجعني...
كال وهو واثق...
محد اله شي عندي...مرتي وماخذها ائدبها بطريقتي
...ليلو انتي ملكي الي وحدي
بعد مااكو بابا وماما...اكوو بس ضرغام
افتهمتي ضرغام وبس...
....
ليلى والدمعه بعيني  :لااا ضرغام اني مو الك ولا انته الي ..صارت بينه فجوه   ...كتلك ما ريدك
وين كلامك هذه من ضربتني ...وجسمي يون عليه طول الليل...

عاط بيه وهو يضرب علستيرن بعصبيه...
ليلو لتخبليني وج..كافي مو ادمرت
ارحميني ...
وج تدرين بيه تنكسر ايدي وما مدها عليج...ليكول ضارب روحي وعلي ..
بس انتي دستي ابطني ...وج انه زلمه العرب تهابني
ولي هيبتي ...حده زلمه ابن امه وابو يوكف بوجهي

ووياج طفل حاير شلون يرضيج...

..كاافي ولج كاافي

ليلى وويه كل حرف كلبي يرف اله مشتاقتله اكثر منه ...
كلبي يرجف لحضنه ..بس ما ريد اضعف اكثر
..هسه يله عرفت من كد ما حبه لازم اعوفه
اني بس شفت اثر لمستها عليه انجنيت ...
لعد لو يتم زواجنه ويبلش يقسم بينه ويروح يمها...
شيصير بيه ..والله اتخبل والله كلبي احسه ينعصر
بس مجرد اتخيل هو ينام وياها ...
كتله بصوت مخنوك واني كوه لازمه دموعي...
احس لو اريد ابجي واعيط ...حسره بقلبي
ما لها حل اله بحضنه ...اعرف هوو مرضي ودواي ...
بس لازم امنع نفسي منه..

ضرغام  ...ادري تعبتك ومللتك بس احنه
منكدر نستمر سوه ...احبك واموت بيك
بس الحب مو كافي حته ينجح علاقه ..
ويكون زواج ناجح...
اذا احنه من اول مشكله ..جانت هيه سبب
ومن جبت طاريها ضربتني ..لعد اذا ازوجنه
وانته تعرف امك ضدي وصافه ويه مرتك..
واكيد مراح يجيبنها البر ويسكتن ..راح يسولي مشاكل...وممكن تصير وياي بوحده باثنين .بس بالاخير راح تمل ...واذا مصفيت وياهم ضدي فراح تكون..
اهانتي وعذابي شي ميهمك ...
اباوعله طول ما احجي ...هو يباوع لكدام وراص بسنونه وفكه يتحرك من العصبيه ...
وراص ايده علستيرن بقوه صارت حمره ..

كملت وحاولت اتشجع واني ابلع ريكي من الخوف من شكله...
فرجائا ضرغام اذا انته صدق تحبني او حبيتني فد يوم
ولو شويه طلكني ...
وخلينه نرتاح...وكل واحد يشوف حياته
انته عندك مرتك وجايك طفل ...
فدوه ضرغام خلينا ولد عم ...وخلي ننفصل بهدوء
احنه سوه والله مكاعد نتراهم...
مدام بعدنه بلبر وبس عقدنه...لتضلمني ويااك
احجي وهو ساكت فجا..
....
كااام يسوق بسرعه ...وبجنون
كمت ارجف..ض ضرغام بله خبال هدي السرعه
زادها حيل ...وكام يسابق بين السيارات..
والسياره كامت تشحط من السرعه ..
اركبي كامت ترجف ...كمشت ايده حيل باثنين اديه
وحضنتها...
دحست راسي بركبته...
كاافي فدوه..متت خوف
ميحجي بس صوت انفاسه العاليه من العصبيه ...
هو اليصدح بلسياره...

دموعي بللت ايده...
كتله بتوسل...ضرغام  عليك الله كافي،،لتسوي هيج
بس خفف السرعه..خلي نتفاهم
....
كل ما احجي يزيد بسرعته ..
اتخبل كلش...
حضنت ايده حيل ووجهي دحسته بركبته صار ضهري علجامه مصرت اشوف شي  ..
سكتت لان اذا حجيت كلمه راح نموت ...
....
وره شويه حسيت السياره وكفت ...
سحب ايده مني بقوه ...
ركع الباب فزيت من قوه الركعه..
اباوع للمكان مزارع فارغه ...متت بدمي من الخوف
جسمي كله يرجف
اتوجه لبابي ..فتحه ووجها متفسر من العصبيه
سحبني بقوه وشالني على جتافه ...
عطت من شالني ...
ضرغام...وين موديني ضررغااام
ماكو ليمول احاجي حايط..
دفع الباب الرئيسيه  برجله ...
وصلنه لباب طلع مفتاح من جيبه فتح الباب ..
دخلني لبيت ..اول مره اشوفه
كلما يتقدم يزيد خوفي كمت اقره شكو ايه حافظتها..
مشه بيه شويه ..
دفع باب غرفه ذبني حيل على جربايه ...
ودار وجها وطلع ..كمت الحكه بسرعه
قفل الباب...
يربي شيريد يسوي بيه ..
كمت ادك الباب باقوى ما عندي ..واني اصرخ من البجي والخوف..
ضررغام...شتريد مني
فدوه افتح الباب ...ولك ضررغام
ماكو رد ..صرت مثل لمخبله اضرب بلباب
الى ان مليت ...
....
كعدت يم الباب خليت راسي بين ركبي ...
كمت ابجي بقهر على حالي ...
شراح يسوي بيه ...يربي انته تعلم الحب
لبكلبي اله...ربي نجيني ونجيه من هل شده
هذه مخبل من يعصب ميشوف كدامه 
...ما اكدر اكرها برغم كل السواه بيه
كلبي يرجف لحضنه لشوفته..
رفعت راسي ..اباوع للغرفه انصدمت واني اشوف

صوره اليه لابسه بيها فستان احمر قصير اتذكر اخذتها بيوم عرسه من نسرين  تقريبا مغطيه نص الحايط ...
انصدمت منين جابها ...
كمت على حيلي ...صعدت علجربايه كمت اتلمسها
بيها مثل الخدوش والضربات ...
وبصفها هوايه صور اليه باعمار مختلفه من جان عمري سنه ..ولهذه عمري.
لفتت نضري صوره اليه من جنت صغيره ..
جان هو شايلني على جتافه واني منزله راسي وابوسه من شفته ...وهو مبين عليه متفاجئ..

اتلمس الصور بيدي واني ممصدكه...منين جابهم
اكثر هاي الصور ماخذتها بفوني ...وبس عندي
سمعت صوت القفل ينفتح...
بسرعه نزلت من الجربايه وكفت بارتباك ..وعيوني علباب...
دخل حالته تخوف ...عيونه حمره
شعره مخبوص ودكم دشداشته مفتوحه ...
وحزام المسدس بعده لابسه ...
يباوعلي بنضرات غريبه احاول اتهرب من نضراته  ...اول مشفته دمعتي نزلت
ما ادري ليش كلبي يوجعني ...شوصلنه لهل حال

يباوعلي بنفس النضره وعيونه بيها هواي حجي  وكال
بهدوء بصوته الخشن بنبره غريبه بيها وجع عتب ندم تعب ...
تريدين اطلكج...
تريدين تعوفيني ...
تردين تعيشين حياتج ويه غيري ...
ااني سبب اذيتج ..مو اني ضالمج
مو ااني سبب كل شي سئ صار بحياتج..
راف اديه للهوه وابتسم بوجع...
ابشرج راح تخلصين مني..راح احررج مني
بعد مااكو بحياتج ضرغام...
كاام يضحك بقوه...بس ويه كل ضحكه نزلت دمعه من عيونه...
اول مره بحياتي اشوف ضرغام يبجي..
يضحك واني دموعي تنزل وياه...
كال وهو يحجي بجنون  ...لاول مره ولاخر مره راح ادخلين هااي الغرفه
جنت ناوي اجيبج الها بيوم عرسنا ...
هااي الغرفه بيها عمري ...هااي الغرفه
جانت راحتي ...
رفع نضره للصور اشر على صورتي بعرسه...
تعرفين جنت كل ما اشوفج وما اكدر المسج ...كل ما اشتاك الج ...اجي لهنا
انام هنا على هاي الجربايه الجان المفروض تكون بيها اسعد يوم بعمري  ...
اضل اشم بهدومج ...واباوع لصورج
واتخيلج بحضني ...
تدرين انتي بلنسبه اليه هوس...
بهاي الغرفه كل شي يخصج من جنتي صغيره...
ولهسه ...
هااي الغرفه شهدت على كل دقيقه جنت اموت بدونج...
على كل عذابي...

وهسه بنفس الغرفه الجان لازم تبدي بيها حياتي..
راح تنتهي ...
يحجي واني مدا استوعب ...ضرغام يحجي بغرابه
شنو تنتهي...
الى ان طلع سلاحه من حزامه...
انجنيت من شفته كمت ابجي حيل ...
كال ...كتلج بعمري مراح انطق كلمه الطلاق على لساني
...بس راح تخلصين مني وتتحرين بغير طريقه
ااموت ولا شوف ايدج بيد غيري ...
اليوم لتصرين بي لغيري
لازم اكون جوه لتراب ...
سحب اقسام وخله المسدس على قلبه...
اباوع واني ممصدكه ..صحيت على روحي
واني اركضله واعيط...
ضررغام ..ضررغام لاا فدوه يرروحي لااا
عااط بيه ..لتتقربين ما ريد شفقه منج
مو ضرغام ليذله احد...ولذلني هذه
وهو يضرب بلمسدس على كلبه...
ضل ينبض الج..وهو يدري انتي سبب عذابي
انتي سبب موتي  وانتي سبب موته...
راح اسكته بيدي...مو ينبض الج
راح اخلي يوقف ...
حبج راح يموت وياه ...
اليوم راح ارتاح ...واعلن انتصاري على حبج
بموت كلبي ...

#عشك الجبل
#حور حيدر
..............👑