حساب
البارت ٢٢
تقبلين ..بضرغام محمد عبد الله زوجا لكي...
للمره الثالثه يردد الشيخ ...واني واكفه ابره باب الاستقبال مفتوح شويه حته اسمع صوت الشيخ ...
واحس روحي بحلم
ما بين الفرحانه وممصدكه حصير مرت ضرغام وباسمه..
ويصير اليه وبين الخايفه من كوني مو الوحيده بحياته..
وكدامي حرب جبيره ..اولا مرته ولي مبين انو مراح تسكت وتعديه البر وامه الي تكرهني من دومها واكيد حتصف ويه بنت اخوها
صحيت عكرصت ازل..
ثوله احجي راح ييجي ضرغام يفرمج هنا...فول
الشيخ يكول شنو مغصوبه...
امي:وج يمه عيب الزلم تنتضر شتكول علينه هسه ،احجي مو وكت ثولج
ارد انطق بس احس روحي بردانه وحرانه بنفس الوكت ..
شكو احساس اجمع بيه بهل لحضه..
حسيت بانفاس ضرغام وصلت لهنا من العصبيه ..
كلت صدق مو وكت ثولي خل احجي لا ينفجر والله يستر..
سميت باسم الله ..وحجيت وصوتي كوه ينسمع..
ن ننعم وانت وكيلي...
حضنتني ازل واني اسمع صوته الخشن واضح عليه
العصبيه كامت عضامي ترجف...
شبكتها حيل...وهو يردد بصوته الحاد الكله رجوله ..
نعم اقبل...
علت صوت الهلاهل...
اول تفرني واحنه وحده شابكه الثانيه:مبرروك مبروك.واخيرا خلصت منج..
عيوني دمعت وهيه على ماما الي تهلهل وجوارينه يباركن الها :انجبي خبله ما ادري شون حفاركم
ازل وهيه تضحك:عساس رايحه لامريكا ..همه ذوله بيت عمي بنفس فرعنه ..عليمن هل افلام الهنديه
ليلى وخرت منها :ولطم لازم هسه انتي التبجين عوبه.. راح ازوج وعوفج وحيده مثل اليتيم..
ازل :تره هو كطعان مهر خبصتيني..ودكيتي اليتيمه يمي
ليلى :ولي مني اني الثوله الي احاجيج..
شبكتني ماما ودموع الفرح ملت عيونها:الف مبروك بنيتي منه المال ومنج العيال..اريدج ترفعين راسنه وراس ابوج..
وتصيرين سباعيه وتشيلين رجلج وبيتج..واتحملي الضره ولا يعله صوتج على عمتج واعتبريها امج الثانيه..
ليلى شبكت ماما ..الي بكلامها حسيت تعرف بشنو اني داخله
ولشنو رايحه وانو حياتي مراح تكون سهله...
حاضر ماما...
باركولي النسوان..وسط الهوسه دخل فارس اخويه
رحت ركضت اله ...
شبكني ..وباس راسي الف مبروك يا روح اخوج
رفعت راسي ..يبارك بيك حبيبي
لزم ايدي وكال ..يله تعاي هذه المخبل خبصنه ..
خزانه اريد مرتي واريد مرتي
كلش استحيت ونزلت راسي..صدق مخبل ولا يستحي شكد عيب من بابا وعمي ..
امي كالت..يمه فارس وين ماخذ اختك..
رفع راسه لامي يضحك..يمه العريس خبصنه ..يريد مرته
يكول تره اخذها لبيتي هسه والله..
كلها كامت تضحك واني ما ادري وين انطي وجهي ..من الخجل ...شكد ميستحي
امي وهيه ميته ضحك:حقه يمه مريته ويريد يشوفها..روحي يمه ويه اخوج وهله هله بضرغام.
كامشه ايد فارس حيل ..ومنزله راسي
ازل..اخذها راح تسيح ..اهنا
اني الج ازل ..كلت بقلبي
واني امشي ويه فارس ..وصلنه لباب الديوان
رفعت راسي اجت عيني بعينه خزرني ..كلت شبي اكيد ضايج من مساعه ..
اشو ياشر علي واني كل شي مدا افهم...
نزلت راسي بسرعه من شفت بابا وعمي جايين باتجاهنا..
عمي باس راسي...الف مبروك بنيتي ..من اليوم انتي بنتي
مو بنت ابو احمد احسبي حسابج..ولي يمسج بكلمه كانما مسني..
منزله راسي لاول مره انحط بهذه الموقف .. قمه الاحراج
بابا ..ما تقصر يبو ضرغام ..وانشا الله تكون نعم الجنه الك ولم ضرغام ..
شبكت بابا...باسني ..مبروك بنيتي ما وصيج على ضرغام ..
وانته ابني ليلى اريدها بعيونك تخليها هاي العزيزه
رفعت نضري واني بحضن بابا لضرغام ...
اشو هذه معصب وقابظ ايده شبي ...
صدق ضجت ...مبوز لعد وينه المتلهف الشوفتي ..
اباوعله اشو هذه اجاني طاير وعيونه تجدح نار ..
كمت ما اعرف شكول البابا جلبت بي قوي ...
...
ما حسيت الا وهو جارني من حضن بابا ..
يحجي وهو يتصنع الضحك ..وراص على اديه حيل ..
ما اكدر احجي او اعيط ...حيل وجعني
لا توصيني على عيوني عمي ...ليلى بقلبي قبل عيوني
يحجي ويزيد ضغطه على ايدي ..
عمي بخصوص العرس ..اريده باقرب وقت ...
بابا:هاي الامور بعدين نحجي بيها ابني...خلينه بهاي الفرحه..
حجيه مناقض لفعله ..اكو واحد مصاله نص ساعه من عقدو..
هيج يعامل مرته...
ضرغام..يله عمي مرخصتك ..اريد احاجي مرتي
فارس بخباثه...حاجيها حبيبي منو لازمك كلنه نسمعك..
ضرغام وهو يباوع لفارس ويعض شفايفه اله ...
كلت مرتي وبس انته حاشر نفسك شكو ...
فارس والوضع عجبه من شاف ضرغام معصب:ضرغام حبيبي..ليش معصب غير اريد مصلحه اختي ..مو اخاف على اختي منك..
عمي وبابا كامو يضحكون على ضرغام ..
بابا:فارس عوف ابن عمك ويه مريته ...بعد صارت اله
وهو حر بيها...
يله امشونه وهو يمشي ويه عمي وفارس الي يغمز لضرغام ويضحك...
أنت تقرأ
عشك الجبل
أدب نسائي#ْعشِڴ_الُجْبّلُ🔞🔞🔞 #الجزء_الٲول يهمس بحده وغضب ولكن بنبره خلت روحهه تموع بمكانها متعرف شنو الي صار بيهه وهي ضهرهه لازق بصدره وتحس بتقلص عضلات من يتنفس ، وهو يمرر انفه علي ركبتهه... وج ما عاشت ولا كانت الي ترفض الشيخ جبل، وهو يمرر اصابيعه عخصرهه،...
