عشك الجبل

البارت 24

24   صداقة

شبكته حيل وصرت فوكاه ..ممصدكه كل هذه يسوي عمودي..
اديه تحاوط خصري ...واني محاوطه وجهه باديه ...
همست بعشك مقابيل شفايفه ...
ربي شمسويه بدنياي ..وجازاني بيك
انته نعمه من ربي ...ولو اسجد لله العمر كله
اشكره عليك...هماتين قليل..
خليت جبهتي على جبهتا ...انفساسه اتسارعت ...
وهمس بخشونه ...
واديه تعصر بجسمي ...
وج انتي النفس الي بريتي ..واني وكل شي املكه
تحت طوعج...
يرويحتي ...ارد اضمج ألي وماتركج لاخر نفس ..

يحجي واني جسمي يرجف معقوله يحبني لهل درجه..
دموعي لوحدهم كامو يجرون على خدوده ..
بست خشمه وهمست بين دموعي..
معقوله تحبني لهل درجه...
همس بشغف وبخشونه وبجنون بنبره عاشك مجنون  وهو يبوس شفافي ...
واكثر ..واكثر
انتي بنيتي ..حبج احلى شي صار بحياتي
فجا ..
كلبني وصار فوكاي ...
خله راسه على صدري ...يتنفس بسرعه وبثكل
وشابكني حيل ..
وج اموت والله انجن ..لو يوم ما شوفج
احس الهوه انقطع عني ..
صارلي اسبوع بلشركه..
شغلي لراسي وحاير بيج شوكي ذبحني ...وكل دقيقه اطلع صورتج بالتليفون وابوس بيها..
واول ما خلصت المناقصه ..
بوجهي اجيت الج اهلي مشايفيني صار اسبوع بس اني مرحت لاهلي ... بدون تفكير اجيتج..
كلت لو وين مجنتي تجين وياي ...وج محتاجج ارد ارتاح من تعبي وياج..
انتي راحتي بالدنيا...
همس بتعب وشوك...
احضنيني حيل ...اريد اصير اقرب الج من ملابسج الي على جسمج...

حاوطته باديه وقربته اليه اكثر ما اكدر احجي ربع حجيه عفت حضني يعبر بشوكي وحبي اله كلامه شي اكبر من استيعابي ...
اعشق جنونه هوسه ...تملكه ...
وهو نايم على صدري  وشابكني حيل وثكل جسمه عليه  ...
مبين كلش تعبان ..مكتله لا ولا شي بقيت
اتلمش شعره ...وامسح على ضهره
شويه وحسيت بانتظام انفاسه ...
اباوع الوجه فاتح شفايفه بتعب جنه طفل...
ردت اسحب نفسي حته يرتاح بلنومه ...
اني اتحركت ...
زمجر بغضب وانزعاج ...
وعصرتي اكثر بين اديه ..وغرس وجها بصدري ...
استسلمت اله ...شبكته وغمضت عيوني ...
اتمنه ابقه لطول العمر باحضانه ...

..........👑
كالت بسرعه وعيونها مشت على
طول جسمي يمكن لان جاي بلزي العسكري ..
اهلا حضره الرائد اتفضل ...
رفعت حاجبي الها...
من كالت حضره الرائد ...وابتسمت بطرف شفتي ..
كالت الدكتوره الي كاعده  مقابيلها وتباوع عليه بقوه واعجاب...
كالت..
عرفينه دكتوره ديم...
منو سيادته ..
اني ساكت ارد انتضر شراح تكللها...
باوعتلي وعينها بعيني ...
ابن عمي الشيخ جبل ...
وبمثابه اخ عزيز ..
نهت كلامها  وابتسمت بخبث ..
كوه لازم اعصابي ...قابظ ايدي حيل..
اخوج ..سهله
ابتسمت بغضب ...
ودرت وجهي منها ...باوعت للدكتوره الي مشالت عينها مني
شكلها حلو ولبسها نازك ..
كالت بصوت ناعم وهيه تكوم ومدت ايدها الي ..
واخيرا شفتك ...
مديت ادي الها ..كتلها بصوت خشن
مفهمت تعرفيني من قبل...
اديها بعدها باديه ..
شلون ما اعرفك ...
ومنو ميعرف شيخ جبل ..
بس لانو لابس عسكري متغير شكلك
كتلها وانس اسحب ايدي وابتسم..
يعني محلو بالزي  ..
كالت بسرعه بدون متحس ..
بالعكس تخبل طالع هيبه...
خلت اديها بسرعه على حلكها ..اتفاجئت من الحجته وانحرجت...
كمت اضحك ...
كتلها ...عيونج الحلوات دكتورتنا معرفت اسمج..
كالت وهيه خجلانه وخدودها حمر ..روئ
قاطعنا صوت ديم وواضح عليه الانزعاج  ...
اتفضل ...جبل ليش واكف
باوعتلها اول مره تنطق اسمي ...
معقوله غارت عليه ...
الدكتور الكاعد كام ..واتجه الي مد ايده..
دكتور كرار ...اتشرفت بيك شيخ