الفصل الخامس
تاله:يلا يا مكه علشان نلحق نلبس
مكه:انا لبسه اطلعي البسي انت
نظرت تاله الي مكه فوجدتها ترتدي فستان بسيط جدا من اللون الازرق وحجاب بالون الابيض
تاله بإستنكار:انت هتروحي الخطوبه كده
مكه بحرج:اه
احس ليث بحرج شقيقته
ليث:ومالوا كدا مهو شكلها حلو
تاله موضحه:انا مقولتش شكلها وحش بس ده بسيط اوي مش مناسب للخطوبه والفساتين دي مش بيلبسها غير الخدامين هناك فأنا كنت بتكلم علشان مصلحتها ومحدش يفتكرها خدامه
شعرت مكه بحرج كبير ونزلت دموعها
فريد بغضب :تاله ايه الي انت بتقوليه ده
نظرت تاله الي فريد
تاله:انا بقول الحقيقه يا فريد مكه تعالي معايا اجبلك فستان من عندي البسيه
فريد بغضب:تاله اعتذري من مكه دلوقتي حالا
تاله بغضب :انا معملتش حاجه غلط علشان اعتذر عليها
اقترب منها فريد بشده وامسك يدها بقوه تأوهت تاله ونزلت دموعها
فريد ولا غاضبا:اعتذري حالا لاما مش. هتروحي معانا وهبتعك علي اول طياره لمامتك انا خلاص مش قادر استحمل تصرفاتك دي اكتر من كده
نظرت له تاله بدهشه مما سمعته اباتت لا تعني له الي هذا الحد هل اصبحت مكه الان هي مدللته الوحيده تتذكر منذ خمسه ايام حين تقدم فريد الي مكه ومن هنا بات يهملها ولا يجلس معاها كثيرا حتي انه كان يرسل ليث كي يأخذها من الجامعه ليوصلها الي البيت والان يريد فريد ان يبعدها عنه نهائيا
:اسفه
قالتها تاله ثم ذهبت الي غرفتها بسرعه
ظل فريد ينظر الي مكانها لا يعلم كيف فعل ذلك ولكن اقنع نفسه بسرعه انها اجبرته علي فعل ذلك
التفت الي مكه الذي لازلت دموعها في عينيها اقترب منها
فريد:انا اسف مش عارف تاله مالها الايام دي
ثم اقترب منها اكثر وهمس في اذنها
:علفكره شكلك حلو جدا واحلي حاجه فيكي البساطه
ابتسمت مكه بخجل
شد ليث فريد من يده بعيدا عن مكه وقال بضيق
ليث:واد انت خالي مسافه بينك وبين اختي مش علشان قرأت فتحتها تزودها اوي كده
فريد بضحك :وانت مالك مراتي المستقبليه اقرب منها براحتي
ليث:لما تبقي مراتك يا اخويا ابقي اتكلم
⇩⇩⇩⇩⇩⇩⇩⇩⇩⇩⇩
انتهت تاله من ارتداء ملابسها ثم مسحت دموعها ونظرت الي المرأة
تاله:ماشي يا فريد مش انا مبقتش افرق معاك وانت كمان مش هتفرق معايا
نزلت تاله ووقفت امامهم نظر لها الجميع بصدمه حتي فريد من جمالها الصارخ ولاول مره يراها فريد كأنثي ناضجه فكانت تاله ترتدي فستان اسود طويل بأكمام مقفول من عند الرقبه ويوجد فتحه طويل من قبل الركبه بقليل اظهرت جمال بشرتها البيضاء رشاقت ساقيها ووضعت احمر شفاه واطلقت لشعرها الناري العنان ولكنها لازلت تحتفظ بملامحها الطفوليه
تاله :يلا
فاق الجميع علي صوت تاله
ليث:يلا
جاء فريد كي يمسك يدها ولكنها سبقته وامسكت بيد ليث
تاله:يلا يا ابيه فريد علشان منتأخرش
وشددت علي كلمه ابيه كي توصل له انه اصبح مثل جود بالنسبة لها
وفريد فهم رسالتها جيدا
........................
في حفل الخطوبه
جلسوا جميعهم حول المائده كانت تاله تلتف حولها كثيرا بخوف ظاهر علي ملامحها لاحظ ليث ذلك
ليث:مالك يا تاله
تاله:مفيش
رن هاتف تاله فنظرت له
تاله :هرد علي التلفون وجايه
ابتعدت تاله عن الحفل وردت
تاله:ماما انا عايزه اجي اعيش معاكي
لارا:ليه يا حببتي في حاجه
تاله :لا انت واحشتيني ولا انت كمان مش عايزاني
لارا بفرحه:لا طبعا تعالي يا حببتي
تاله:بكره هاخد اول طياره وهاجي
اغلقت تاله والتفتت ورأها فرأت فريد ينظر لها ويبدوا علي ملامحه انه استمع الي كلامها اقتربت منه تاله
فريد:هتمشى
تاله بحزن :كلها كام ساعه واريحك مني ومن تصرفاتي فمعلش استحملني فيهم
تركته وذهبت بإتجاه الحفل تركته بصدمته علي صغيرته التي سوف تبعد عنه هل اغضبها الي هذه الدرجه
فاق علي صوت مكه
مكه:مالك يا فريد
فريد:تاله زعلت اوي وهتسافر بكره انا لازم امنعها انا مش هقدر اعيش من غيرها دي اختي وكل عيلتي
مكه بخبث:بس انت بقا بالنسبه ليها كده فريد:اصدك ايه
مكه :هي لو كانت بتحبك ما كنتش اختارت انها تبعد ولا ايه
نظر لها فريد ولم ينطق وذهب الي الحفل وهي خلفه
اثناء سيرهم
:انت روحي جبيلي كوبايه عصير
مكه:نعم
فريد:في ايه حضرتك
الرجل:في ايه بقولها تجبلي كوبايه عصير
فريد:وهي تجبلك ليه
الرجل:هي مش خدامه هنا ومفروض تخدمنا
فريد:بغضب :لا مش خدامه دي خطيبتي
الرجل بإحراج:انا اسف
وتركهم وذهب نظر فريد الي مكه فوجدها تبكي
مكه:بدموع :انا عملتها ايه علشان تعمل فيا كده وتتعمد انها تحرجني
فريد:هي مين
مكه :تاله هي قالتلي في البيت ان شبه الخدامين ودلوقتي بعتت واحد يأكدلي ده يعني معقوله اصلا مش هيعرف يفرق وبعدين من امتي الخدامين بيلبسوا فساتين وهما بيحضروا الحفل
اقتنع فريد بكلام مكه ووظهرت علامات الغضب علي ملامحه امسك فريد بيد مكه وذهب مسرعا بإتجاه تاله
فريد وهو يتكلم بغضب وينظر الي تاله
فريد:استفدتي ايه ها استفدتي ايه لما احرجتيها
تاله بعدم فهم:احرجتها ازاي
ترك فريد يد مكه وامسك كتف ملاك بغضب وبقوه فتألمت ونزلت دموعها
فريد:فكراني مش عارف انك بعدتي الراجل علشان يقول لمكه انها خدامه بس الي مستغربه انت اتعلمتي فين تعملي الحركات دي
تاله بدموع:انا يا فريد اعمل كده انت تصدق اني اعمل كده
فريد بغضب :تاله انت هتسافري دلوقتي لمامتك مش هعرف حتي استحملك او ابصلك لحد بكره وهدومك هبقا ابعتهالك انت خيبتي ظني فيكي كنت فاكرك لسه بريئه مكنتش اتصور ان يطلع منك كده
ذهبت تاله من امامه وهي تبكي وركبت السياه التي سوف تقودها للمطار
بعد قليل جاء ليث
ليث:مكه تعالي انا جبتلك فستان علشان تغيري بسرعه
فريد: تغير ليه
ليث:مريم طلعت ملبسه الخدامين فساتين بسيطه زي فستان مكه هديه علشان اتخطبت لحب حياتها وكمان علشان يكون مظهرهم حلو
ثم سكت لدقيقه كأنه استوعب شيئاً
:علشان كده تاله قالت لمكه انها هتكون شبه الخدامين صحيح امال فين تاله
كان كلام ليث كأحد قام بضرب فريد مئه قلم علي وجه
اسرع فريد اتجاه سيارته
كان يقود بسرعه كبيره ولكن تبا ليس هذا وقت زحام ظل يدعى بداخله ان يكون معاد الطائره متأخرا
بعد وقت قليل وصل فريد الي المطار وذهب الي موظفه الاستعلام
فريد:لو سمحت الطياره الي روسيا طلعت ولا لسه
الموظفه :طلعت يا فندم من ربع ساعه
ترك فريد الموظفه بعد ان شكرها واتجه ناحيه سيارته وهو يتذكر كيف اتهامها وهي لم تفعل شيئا كيف كان يؤلمها ولم يتأثر بدموعها وتأوهاتها قاد سيارته واتجه الي قصره
دلف فريد الي القصر بحزن وندم عما فعله تذكر عندما كان يأتي الي القصر ويجدها في انتظاره
:اهلا
فريد بصدمه:جود انت بتعمل ايه هنا وجيت امتى
........ ..................
هيثم:ايه يا قلبي مالك فرحانه كده ليه
لارا بفرحه:انت عارف مين جي دلوقتي في الطريق
هيثم:مين
لارا:تاله
هيثم:بتهزري جايه ليه
لارا:مش عارفه كانت اتصلت من ساعتين وقالت هتيجي بكره ومن نص ساعه :تقريبا اتصلت وقالت انها حاليا طالعه الطياره
هيثم بخبث :تنور
...................................
رأيكم وتوقعاتكم
وتقيمكم للروايه لحد دلوقتي كام من عشره
وهتقبل النقض
