وهااادى الحلقة جاااهزة وانشاء الله تعجبكم ❤
الحلقة 12
خشش فتحى قصي للصالون وقال لنادية تدير قهوة واول معرفت شهد ان قصي عندهم طول مشت تتصنت عليهم وهيا واقفة تسمع
قصي : انى ياعمى طالب ايد شهد
انصدمت شهد هلباااااااا متوقعتش ان قصي يدييييير هكى بكللللل وقريب فقدت توازنها وفي اخر لحضة شدت في الباب
وانصدمت اكتر لما سمعت بوها
فتحى : والله يا ولدى البنت معطية
قصي انصدم : كيف معطية وامتى صااار اصلا
فتحى : من مدة جانى واحد صاحبي طلبها منى وانى وافقت بينى وبينك يا ولدى الراجل حالته كويسة وكله بيديره هوا
قصي : عمى انى مستعد نتكلف بكل شئ واللى تبيه انى جاهز
فتحى : لاكن انى عطيت كلمة للراجل
قصي : ياعمى صاحبك كبييير عليها ومش حيسعدها صدقنى
فتحى بعد تفكير طوييل : تمااام موافق
قصي : العرس نبيه في اقرب فرصة
فتحى : بعد شهر لين تكمل امتحاناتها
قصي : تمااام كويس وطلع
اما شهد فتعفلقت هلبااااا واضاايقت وحست ان هيا سلعة تنباع وتنشري وقررت ان هيا متوافقش على قصي
اما عند قصي كان فرحان ان فتحى وافق لاكن مش ناسي موضوع شهد والولد اللى كبسها تكلم فيه وكان متحلف فيها ( طبعا الولد هوا عصام لاكن شهد تعمدت انها متقولش لقصي انه ولد خالتى ومافي بينا شئ والغرض انها تحرقله دمممه لاكن جت على راسها لان قصي ميلتعبش معااه )
خش قصي لامه وقاللها انه خطب شهد
خ نعيمة : العفووو يا ولدى تمشي وتخطب والدير كل شئ من راااسك انشاء الله غر تعزمنى عالعرس بس
قصي ضحك : مش هكى يااام لاكن كل شئ صار بسرعة بسرعة والبنت جايينها خطاب وانخافها تضيع منى وانى مناقصنى شئ الحمد لله كل شئ موجود حتى الحوش واتى
خ نعيمة : باهى يا ولدى ربي يهنيك
قصي : مش تمشى غضوة تحددى لبيان الاسبوع الجاى لان العرس بعد شهر
وتخش نسرين
نسرين : عرس منى اللى بعد شهر
قصي بسخف : عرس بوي
خ نعيمة ضربت ولدها على ظهره : نووض تحرك من مكانك يافرخ
نسرين تضحك : جوووو معناها بولى عندى مرت اب
خ نعيمة تخبط على وجها : حييي علييييك يا نعيييمة صغاااارك يبو بووهم يتزوج واجيبلهم مرت اب يا كيتى كييية وشمتت عدوينى فيا
قصي ونسرين ميتين بالضحك
ويخش بوهم سالم
ع سالم : خييرك يا نعيمة تعيطى شن في
قصي كيف بيتكلم قطعت عليه نعيمة طول
خ نعيمة : نحطلك غداك يا سالم
قصي : ردي بالك يا امى تتعبي لبطينه تزهى لعوينه رااااه
خ نعيمة فنصت فيه تفنيصة لين قصى خاف
قصى : خلاص سكتت غر فكينا من تفنيصاتك اقسم بالله بالعمر هدا قاعد نخاف منهم
نسرين : تى انت تفنيصتك احررف تجيب السكر ازززح
قصي : كان ما الديري شئ مستحييل انفنص فيك
نسرين : حقااا مقلتوليش منو اللى عرسه بعد شهر
قصي : عرسي انى
نسرين ضحكت : وعلى منو انشاء الله واهم حاجة متنساش تعزمنا عالعرس بسس
قصى : بنتزوج شهد
نسرين انصدمت : من شهد
قصي : شن من شهد شهد صاحبتك بنت عمى فتحى
نسرين تفلقهااا ضحكة تووصل لاخر جاااار
قصي تعفلق : خييىر جدك تعيطى زي المهبووولة
نسرين تضحك وتخبط على رجليها : منتخيلش انكم تتزوجو تى انتم هكى واربعة وعشرين ساعة تتعاركو يبال تتزوجو انحس ان الحوش بيصير فيه ماصة
قصي : تعرفي تسكتى والا نجى نعجنك توا
نسرين قلبت عيونها
فات اليوم وناضت شهد تانى يوم بكري وبدلت ولبست
شهد : شدى سكري الباب
شدى : علاش
شهد : تى سكري وانتى ساكته
سكرت شدى الباب ومشت شهد دفت الدولاب وطلعت شنطة فيها .......
شدى حطت ايدها على فمها : هييي هبلتى انتى كان يشووفك بوي لما يقتللللك
يتبع ........
#ادمن_Esraa
