الحلقة 6
شهد زلقت في الدوة : وااااك نهرب من قصي تجينى انت
الكل انصدم من قصي هداااا ؟؟!!
وشهد حطت ايدها على فمها حست روحها عجنت وبلت
احمد ضاغط على سنونه : من يكوون قصي هدا يا أنسة ؟؟
شهد خافت : ه د ا اااااا
علاء : شهد تكلللمى
شهد : هدا ولد جيرانه وزى خوى وهوا مداير باله عليا ويرفع فيا للمدرسة مع اخته
احمد بعدم تصديق : اهاا باهى باه
عصام : انى جييييييت
مروة : حااااجة والله كبيييرة
عصام : باااايخة شهوودتى خييرك ساكتة
شهد : اااه لا شئ عطينى الشكارة
عصام : باهى تعالى معاى نبيك شويه
مشت شهد مع عصام
عصام : خيرك شهد شن فيييك
شهد حكتله
عصام : اممممم يعنى مفييش حاجة تانية
شهد : حاجة تانية زي شنوو عصاام خييرك
عصام : لا شئ لاكن ردى بالك يكون في شئ تانى لانه وقتها ماحد حيرحممك واولهم انى
شهد : عصووم قصدك لو طحت في مشكلة حتوقف ضدى !!؟؟
عصام : على حسب المشكلة يعنى
شهد : امممم لو كانت المشكلة ولد !!؟
شبحلها شبحه تخوووف : وقتها حنعطييك على راسك ونساعدك مش تطلعى من المشكلة
شهد : اهاااا شن بالديرلي متلا
عصام جبد شهد من شعرها وقعد يحرك فيه يمين يسار
شهد تعيط : ااااااه عصاااااام حووول شعري قطعتتته خلاااااااص معش نبي نعررررف يا خااااالوووو
جو كلهم على حس شهد تعيط
احمد : عصاااااام خيييرك هبلت اطلق البنت قووولى شن دااارت وانى نحاسبها
عصام طلق شعر شهد : لا شئ هيا سئلتنى قتلى شن الديرلي لو في يوم غلطت وانى وريتها شووووية من لبنديره
علاء : تى والله انتم الزوز عقولكم احررف من بعض
شهد تبكى : اااااي راسي يووجع فيااا شعري قطعهولى يا خااالو هالمتوحش
احمد وجعاته بنت اخته ومايتحمل فيها شئ
احمد : ايمن ومحمود كتفو عصام
عصام : شنوووو
محمود : حااااضر ياخااال الف طلب زي هالطلب
احمد : خاالد جيبلي الفلقة
عصام حل فمه من الصدمة : تى فلقة شنوو يا رااااجل خييرك نديدك انى رااااه
احمد : انشاء الله حتى اكبررر منى اللى يضرب وحدة من لبناااات ايديه نكسرهم
شهد وصفاء ومروة واقفين متشمتين
جاب خالد الفلقة وعلقووه وشد محمود وايمن عصام واحمد يضرب
عصام : ااااااااااه
صفاء تصفر : الله حيووو خااالوو
احمد : اسكتى انتى خيييير ما نحطك بدله
صفاء : لااااالاااا سكتت
وقعد احمد يضرب وعصام يعيط
شهد وجعها عصام : خااالووو خلااااص يااااسره
احمد : احمد ربك كااان مش شهد قتلى ياااسره رانى كسسرتكلك رجلييييك
عصام متعفلق : باااارك الله فيييك يا شهد جميييلك فووق راسي وخدى مفاتحيه وولع السيارة وطللع
علاء : مفروووض مدرتش هكى
احمد : امااارة تبينى انصفقله وانتى يا شهد معش تدوى معااااه في مواااضيع مليهاااش معنى هدا مجنووون وقت يضرب معش يرحم حتى لو كان بصااارة
شهد : باااه
خشو لبنات رقدو وناضو تانى يوم فطرو وضمو الحوش
شهد : زعما وين مشو عصوومى
مروة : فووتييه
شهد : قلبي يووجع فيااا على خاااطره
صفاء : سلامة قلبك تى نوووضي عفريييت
شهد : يكسسر رقبتك
وناضت كلمت عصام وميردش عليها وقعدت تعاودله لين في الاخير رد
شهد : عصوووومى
عصام : نعم
شهد : اسسسسفة
عصام : شهدددد تبي حاااااجة والا نسكررر
شهد بدت تبكى : وراااس عصااام لما تجى ونتفاهمو
عصام سخف عليها : باااهى انى جاااى
جى عصام وطلعتله شهد تجري
شهد : عصووومى اسسسسفة
عصام : وشن فايدته الاسف تواااا
شهد عيونها تعبو دموووع : قصدك مسامحتنيش
عصام : لاااااا ومنييش مساااامحك باااهى
شهد جت اضبطاطه : اسسسفة عصووومى حقك عليااااا معش نعاااودها واللله اخرررر مرة ومرة تااانية حتى تقتلنى مش حنتكلم
عصام يشبحلها وساااكت
شهد : منعرفكش قااااسي للهدرجة
عصام : مش قاااااسى لاكن انتى خليتى احمد يضربنى قداااام الصغيير والكبييير
شهد : اولا انت اللى بديييت تانيا انى مقتلاش يضربك
عصام : باهى خللااص لاكن مزااال حسااااب صفااااء تو نوريييها الكلبة
شهد بفرحة : قصدك سامحتنى
عصام : اييه سامحتك ومعش تعاوديها
شهد : حااااااضر توووووبه معش تتعاود
خشت شهد فرحانه وباتت وتانى يووم روحت هيا وشدى في الليل
يوم الاحد الصبح
شهد ناضت الصبح وهيا متحلفة في قصي وقعدت تلبس بالشويا وكل مرة تطلع وشاح لين اختارت واحد لونه احممر ومعاه شوز احمر واكسسوار عالاحمر ( تحسيها ماشية لحفله ) وبخت عطر
طبعا شهد متحبش تخالف الزى او تؤوڤر لاكن دارت هكى مش تحرق لقصي دمه وبعدين تسمع في كلاكس قصي
شهد في خاطرها ( انشاء الله تطربق تو نوريييك تسكييير الراس معاى كيف شكله )
وبعدها شهد طلعت وركبت في السيارة
قصي انفجر : ............
يتبع ........
#ادمن_Esraa
