اهليين حبايبي كييفكم ؟
الحلقة 19
شهد : لازم نحجز في مزين ومفيش مزينة تطلع لعروسة في الحوش
قصي : لا لا لا
شهد : علااااش خاااطرى نفهم
قصي : من غير علاش قلت لا يعنى لا
شهد تعفلقت : حتى انى غبية نشاور فيك ماهو نمشي زي لبيان ومنعدلش عليك
قصي : اقسسسسم بالله ياشهههههد جربي ديييرييييها تى والله لما نديييرلك العاااار ونطلعك من شعررررك من المزين وانتى تعررررفينى وانى حدرتك
شهد خافت : انبصر عليك معقولة
قصي : لا عاااارف
شهد : احم باهى عادى نحني ؟
قصي : براحتك عادي
شهد : اكييد براحتى امارة براحتك
قصي عض شاربه : تجيبي الضغط انتى لاكن لسانك هدا نعرف كيف نخفيهولك
شهد تقووة : بلكي تحسابنى خايفة منك لا يابابا راه تتفلحش عليا شن مقطوعة من شجرة انى والا لقيتنى في الميتم والا
وقطع عليها قصي وهوا راااقيتله : ضمي فمممك خيييرلك
شهد : والنبي اطلع من راسي درهتلي كبدي ترااا وسكرت عليه وحطاته في قائمة الرفض
(ولعت ياحي عليها ولعت وييش يطفيها 😂👏👏 )
اما قصي اول ماسكرت عليه
(لا هاااادى تمااااادت هادى المرة التالتة الديير فيها بااااهي ياشهد انى نربييييك )
وقعد يتصل بيها وعرف ان حطاته في قائمة الرفض
( تماااام زييييدى زييييدى كبر حسااابك )
ورقد وهوا متغلل عليها
تانى يوم كان اول يوم في الامتحانات ناضت شهد صلت وبدلت وفطرت وطلعت بكري خايفة تلقا قصي ومتبيش تمشي معاه لان كان هدا بيستفرد بيها في السيارة 😂😂
اما قصي ناض وبدل وطلع لقي نسرين تراجي فيه وتقرا
نسرين : صباحو
قصي : صباح النور هي نوضي وقت خلي نشوفو المطفوشة هديكا
نسرين : هي
طلعو ولقو شدي كيف طالعة من حوشهم
شدي : صباح الخييرات
نسرين وقصي : صبااح النووؤر
قصي : شن ويينها الانسة مزال مطولة
شدي سكتت
قصي : نكلم فيك
شدي : شهد مشت امبكري على رجليها
قصي عض شاااربه بقووة وخبط الباب بأييده
وركب السيااارة ومشي بسسسرعة
قصي يخبط عالدومان : قووليييلها قااالك قصي والله لما الندمك ومش ناسيييلك شئ من اللى درتييييه واسبوووعييين بسسس وتكوووني عندى وحتشوووفي ايااااماااات اسووود من شعر راسك نعن #_&--$&+
نسرين ترعش وخايفة : ح اااضىر
وصلت نسرين ولقت شهد مقعمزة تراجع
نسرين : انتى اهني يامدهوووبة الشيييرة نهااارك احرررف حي علييك حي من قصي تي اقسم بالله لما يقتلللللك
شهد خافت لاكن مبتش تبين: يملح ماعنده مايدير
نسرين : دبري راسك انتى وياه
شهد : خشي خشي الامتحان بيبدا
خشو امتحنوو وطلعوو
نسرين : خساااارة عندى غلطة وانتى شهودة
شهد : عندى غلطاات
نسرين : يابروودة اعصابك ياختى
شهد كيف بترد عليها شافت سيارة قصي جمدت في مكانها ووقف الدم في عروقها
شهد : حي عليااا حي تى يوومي احررف
نسرين : خير بلوتك
شهد : خووك خووك والنبي اطلعيله وكان سألك عليا قوليله طلعت بكري من الامتحان وروحت
نسرين : هيييييي لا نخاف تى كان يكشفني يقددني
شهد : وراااسي انى كان تعزيينى
نسرين : حنطلع وربي يسترنى
طلعت نسرين وركبت في السيارة
قصي : ويييينها ؟؟
نسرين بخوف : طلعت بكري من الامتحان وروحت
قصي عض شاربه بقووة : بااااهي ياشهد تلعبي معاي انى تى ندووووبك
روح قصي وخش رقد طول وهوا يتوعد في شهد
اما شهد روحت بدلت وصلت وتغدت وقعمزت تقرا لحد ماأدن العصر وسمعت الباب يطقطق
مصطفي : اهليين قصي تفضل ياولدى
قصي : كيف حالك ياعمى
مصطفي : الحمدلله بخير دامك بخير تفضل خش
خش قصي مع مصطفي للمربوعة
شهد تندب على وجها : حي علياااا هدااا شن جيبه زعما شن بدير
شدى : شن دايرة من فالطة ياهم
شهد : اقلبي وجهك من عليا و بعدين خيرك مبدلة
شدى : بنطلعو نشرو حاجات لعرسك انى ونادية وبابا
شهد : امممم
قصي : بالله ياعمى انى جاي نبي نشوف شهد وندوي معاها كلمتين بعد ادنك
مصطفي : خود راحتك يا ولدى اصلا احنى كنا طالعين وشهد بتقرا وانا عندى فيك تقة احكو وبعدين توكل
قصي في خاطره ( وهدا المطلووب ) بارك الله فيك ياعمي
خش مصطفي لداخل : نااادية شدى هياااا
شهد : مشي قصي بابا
مصطفي : لا قاعد يبيك واحنى بنطلعو وانا واتق فيكم ردى بالك من الغلط
شهد والا وجها اصفر زي الليمة ( حي علياااا لما يستفرد بيا حتى الحزان مانلقي من يحز عليا )
طلعو نادية وشدي ومصطفي وخلو شهد بتمووت من الخوووف ( تستاهل هدا نتيجة تسكير الراس 😂😂👌 )
خشت شهد للمربوعة ورجل تقدم ورجل توخر
قصي قام عيونه وشبحلها شبحة حااادة : خشي قعمزي خيرك خايفة
خشت شهد وقعمزت بعيييد عليييه وهوا ناض سكر الباب
شهد شبحتله بخوووف : علاش سكرت الباب
قصي شبحلها وقرب جيهتها ..........
يتبع .........
#ادمن_Esraa
