الحلقة 15
خشت شهد رقدت وناضت تانى يوم الجمعة على صوت التلفون
واول ماردت انصدمت باللى متصل بيها
شهد : الوو
قصي : انتى كيف تردى على رقم غريب !؟
شهد انصدمت وتضربيها بمووس ما تنزل منها قطرة دم
شهد : صبحححح يا فتااااح شن حااالم بيا والا كييف وبعديين منيين جبت رقمى انت !؟
قصي : جبته من ويين ما جبته مدخلكش
شهد : والله كييف مدخلنييش متصل بياااا قبل الشحاته وبنتها ويقولك مدخلكش
قصي : تعرفي تسكري فمك
شهد : لا والله نعرف نفتحه بسس
قصي : الله يجيبك يا طووولة البااال
شهد : اوووف منك هي لخص شن تبي ؟!
قصي : متصل بيك عندى شروط بنقولهملك
شهد : صبح يا فتاح غر خلينى حتى انصحصح اتصل بيا بعدين توا بنرقد مش فاضية وسكرت عليه
وعمكم قصي يسسسحن ويتحلف فيها وايعاود
اما شهد كملت باقيت نومها وبعدين فطرت وناضت دارت شاور عالسريييع وبدلت مش تمشي لحوش جدها ورفعها بوها هيا وشدى
واول ما وصلو مشو يجريو سلمو على خالهم
شدى : خالو استحشتك
احمد : انى اكتر يا حبيبتى كيف حالكم
شهد : باهى مليح وين عصووم
ايمن ومحمود وخالد : وخييرنا احنى مش عاجبينك والا كيف
شهد : هاهاها لا مش عاجبينى عاجبنى عصومى بس
علاء : نهاارك يا بنت اعقلى مزالك شهر بس وتتزوجى راه مش عارفة بوك شن جاه مش يعطيك تى قاعدة عيلة الزززفت
شهد : عيلة في عيينك شن هااازى علياااا
علاء : لا مش هازى عليك بري سلم بنتى دورى عصومك والعبو بعيد
شهد قلبتله عيونها ومشت وفاتاته
وخشت سلمت على خالاتها ومروة وصفاء وطلعت الدور في عصام
ولقاته واقف بحدا الشجرة يتكلم بالتلفون
شهد مشت بحداه ونخصاته في جنبه
عصام انخلع : ووووووه يا نعن &$#&#@&
شهد : هيييي استغفر الله ماتتحشمش على وجهك
عصام : تعرفي كان مش عرسك قرييب رانى دورتلك جرييييدة خضراااا وضربتك بيها وانخليلك جسمك كله الوان الوان
شهد : هاهاها بايخة زي وجهك المهم في من كنت تكلم ومتقوليش صاحبك لانها بنت سمعتك تقولها متمشيش انتى تو نمشي انى
عصام : على خلعتك ليا وقريب جبتيلي السكر منييش مقايلك وموووتى بقهررتك
شهد : امم خلاص اسسسفة هيااااقوولى
عصام : الااااا
شهد بتسخيف : عصووومى
عصام : اوووف منك ياسيدى هادى بنت نحبها وليا سنة انكلم فيها
شهد تصفق : الله حيووووو
عصام سكرلها فمها بأيده : ضمى فسختك خير ما يسمعنا حد
شهد نحتله ايده : باهى شن اسمها
عصام : وردة
شهد انفلقت بالضحك : هههههههههههههههههههههههههههههههههههههههه
عصام تعفلق : خيير فيتك قلت حاجة اتضحك انى ؟!
شهد تحاول تسكت ومش قادرة : ههههههه اسمها ههههههه وردة ههههههههههههههه
عصام ضربها عنفقة : ايييه بلكى مش عاجبك
شهد : ااااااي عطك كسسرة مقلت شئ انى غر ضحكنى الاسم بس
عصام : باهى اقلبي وجههك
شهد ناضت : قالباته حتى انى بلكى تحسابتى ميته على شبح وجهك
عصام كانت بحداه رشادة صغيرة حدفها بيها
شهد : ااااااي خاااااالى
عصام ناض يجري سكرلها فمها : اسسسس خلاص سامحينى معش نعاودها
شهد : هههههههههه تستاهل الخووووف باااهى
عصام : انتلفي
خشت شهد لداخل ولقتهم كيف بيحطو الغداء وتغدو وغسلو لماعين
مروة : ملللل
شدى : هلبااااا
شهد : خاطري اندير مغامرة
صفاء : وراااس امممك فكنا من مغامراتك اللى بودروونا
مروة : باهى شن ندييرو
شهد : شن رأيكم ناخدو سيارة عصووم ونطلعو بيها ( طبعا شهد تعرف تسوق )
مروة : هيييي فكيينا منه كان يندري علينا يقطعناااااااا
شهد : لالا عصوووم طيب
صفاء : لا يماما طيب غر معاك انتى احنى كان نديروو حاجة يقتلنااااا
شدى : فكوونا تره خيير ما يشدوونا
شهد : تى خييركم خوافين توا الساعة 2 قبل الساعة 6 انكونو في الحوش اصلا هما راقدين
صفاء : باهى نوضو هي وانشاء الله ربي يسترنا
ناضو كلهم بدلو عالسريع وخنبت شهد مفتاح السيارة وطلعو بيها
شهد تسوق : هي ويين نمشوو
شدى : مصح خليقتك منبوش انبعدو رااه
شهد : باااهى واااك
صفاء : اسمعى بري لسينابون امتع السياحية
شدى : هيييي طيح سعدكم بعيييد
مروة : والنبي فكينا منك هيا انحسبت علينا طلعة يا نمشو لمكان مقوم يا لا
مشو لسينابون وكل وحدة طلبت شن تبي وكلو وصورو وهيجو وكان احلى يوم بالنسبة ليهم
صفاء : هيااااا نوووضو وقت الساعة 5:30
ناضو وطلعو وللاسف حصلو في الزحمة 💔
شهد : يا والله خيييدة حرررفة
شدى : انها النهاااية 😢
مروة : غبررررت
فاتت ربع ساعة وهما حاصلين في الزحمة وفجأة شرين تلفون صفاء
صفاء : حيييييي علييييينا هداااا عصاااام
شهد : ردى عليه وافتحى السبيكر
صفاء ردت عليه وهيا تررعش
صفاء : الو
عصام واضح من صوته انه معصب : ويييييينك يا كللللبة انتى ويااااااهاااااا
صفاء : ا ا ا ا اه
عصام يعيط بأعلى حسسه : رووووحوووو تواااا وتو نورييييكم الطلووووع من ورااااانا وخنبة السيااااارة كيييف شكلها وسكر عليها
مروة وصفاء يندبو : حي عليييينا لما يقتلنااااااا يا رزييييناااااا في السااااعة اللى طلعنا فيها وووووه عليينا يااااريييته والله نقصو رجلييييناااا ولا درنا هالعملة
شهد تضحك بدمووعها : هههههههههههههههههههههه ووووه جناااااابي من الضححححك
شدى تبكى : وقت ضحكك توا يا مصيبة الهى في السواقة خير ما تودرينا
شهد قعدت تسوق بسرعة وطوول الطرييق وهيا تضحك عليهم كيف يندبو زي لعزايز
ومع زحمة الطريق وصلو السااعة 7
واول مادرست شهد السيارة لقت .... .........
يتبع..ً......
#ادمن_Esraa
