اسسسفة هلباااا عالتقصيير واهو طولتهالكم كأعتدار وتعويض ❤💋
الحلقة. 18
روح بيهم عصام وشهد ركبت القدام لان شدى تتحشم وكيف وصلو ونزلت شهد من السيارة اتجى عينها في عين قصي
شهد في سرها ( حى علياااا حى )
شدى : باااااي عصووم
خشو للحوش ولقو نادية
نادية : طيب فييكم لى روحتو
شهد : علاش استاحشتينا
نادية : استاحشت عينك هي نكتو الحوش كله وفى الليل نطلعو نحجزو كل شئ مش نكملو
شدى : حاضر
شهد شرين تلفونها لقاته قصى ماتت من الخوف وردت
قصي بهدوء مستطنع : شن مقايل انى ؟
شهد : والله مفيش حل تانى خالى مش فاضي وبابا ميحبش يمشيلهم
قصي : مرررررة تااااانية تتصلي تشاااااورى هادى اول نقطة تاااانى نقطة شن ركبك القداااام قااااارى فيييك فااااتحة !؟
شهد : ياارييت خيير من وجهك
قصي : نعممممم عاااااودى مسمعتش
شهد : انبصرررر والله انبصررر ركبت القدام ماهو شدى تتحشم تركب القدام وعيب نركبو احنى الزوز التالى شن سواق بونا هوا
قصي : صااار تعرفيييه العييب اسمعى هادى اخر مرة تديرى حاجة من غير علمى
شهد : باه اسمع
قصي : هااا
شهد : عطك عصااا قول نعم
قصي : هممم لعصاااا بنكسرها علييك غر توصلي فياا
شهد والا وجهاا اصفرررر : هاهاهاه باردة زى وجهك
قصي :, تكلمى من غير دوة زايدة
شهد : بنطلع اليوم نحجز
قصي : انتى تستأدنى والا تعطى في علم
شهد تفكر ( كان قلت نعطى في علم حيعصب ويقول لا خلى نسايره وخلاص )
قصي : شههد ويين مشيتى
شهد : قاعدة انى نشاور فيك
قصى :, باه مفيش مشي
شهد : علااااش
قصي : شن علاش قلت لا انى والا معناها متناقشينيش
شهد تحاول تهدى نفسها : كيف لازم نحجز حاجات العرس بالله علييك
قصي : باهى بري والبسي عباااية
شهد : باه
قصي : قوولى حاااضر مش بااه
شهد : منحبهاش
قصي : بتناقشي هلبا ؟
شهد :, لا سكتت
قصي :, اجيب ربي نلقاك حاطة حاجة على وجهك
شهد : وااااااااااك
قصي : على رااااسك معش تعيطى لما نكلمك فاهمة
شهد : حاااضر
قصي : اييييوه محلاك وانتى تسمعى في لكلام
شهد : هي باى
وسكرت عليه 😂😂
شدى : اااه ضهرى تكسسر وييينك خيييره مجيتيش عاونتينى
شهد : كنت نكلم في قصي
شدى : يااعينى انتى غاارقة في لعسل وانى نحرت زى الشغالة
شهد في خاطرها ( اما عسل قصدك بصل )
شدى : هي نوضي. بدلى بنمشو
ناضت شهد لبست عباية ومعاها وشاح عنابي وشنطة عنابية فيها خطوط بيض وشوز ابيض ودارت كريمة ومسكرا وكحل ( على قد ماوصي قصي شئ راس مسكر 😂 )
شدى :, حمااااار من بموووت شهد لابسة عبااااية ومش مكترة لبز في وجها
شهد : اطلعى بلا تفتفيت
طلعو ولقو قصي واقف قدام الحوش
شدى توشوش لشهد : اهونى يستنا فيك
شهد : يراقب فيا وانتى الصادقة
قصي يأشرلها وشهد مفهمتاش لين التصل بيها
قصي : خششي شفاشيفك
شهد :, وين مش مطلعة شئ
قصي : اللى يتطايرو في الهوا والا مش تبعك هادو
شهد : واااو على التركييز
قصي : منحبش العوج واسمعى كترة دوة مع مولات المحل منبيش
شهد تتسهوك : حاااااضر شن عندى انى غير نسمع فى كلامك
قصى عاض شاربه : بااهى باااه زييدى تسهوكى اسبوووعين بس وتكونى عندى وحنوريك الزنباع وين ينباع و
مخلتاش يكمل كلامه سكرت عليه 😂😂
قصي ( بااااهى ياشهد هااادى مش اول مرة لما نشعفك عليها الحركة هادى )
مشت شهد وحجزت لحلاوات والباكوات ولعشي وكل شئ لان معش تقدر تطلع امتحانات
وروحت مع الساعة 11 لقت قصي باعتلها لما تروحى كلمينى
شهد ( روح نكلم عينك وانت لاصق فيا )
والساعة 12 شرين تلفونها وهيا في عز نومها
وردت من غير ماتشوف حتى منى
شهد : واااو شن قلت الدووق هااادى متفهمووش في الاتيكيت في انسااان عاااقل يتصل في عقااب الليل لاتقوولو ناس راقدة لاناس مدمدرة لا شئ
قصي : عطك قصة في هاللسان وهوا ديما يلقح
اهنى شهد فاقت وجت مقعمزة
شهد : اااا قصي
قصي : لا غولته
شهد : اسسفة والله منحسابك انت
قصي : يارووح امك علاش من تحسابي
شهد بتحرقله دمه : حبيبي عصوومى
اهنى قصي والا وجهه احممر وتعفلق : شن مقااااايلك انى مش قتللللك اسممممم الشياطيين هدا معش تدكريييه قدااامى والا خييرك انتى كل يووم تخلى فيا نزييد نحطك في راسي تعرفي ياشهد هااااادى اخررر مرة وانى حدرتك واعدر من اندر فاااهمة والا
شهد خااافت والا وجها اصفر : فاااهمة واللله الا انبصر اسسسفة لا تحطنى في راسك لا في رجليك
قصي : شهددد
شهد بصوت هادى : عيوونها
قصي استاكة وقعد هايم فيها بعدين قاللها : فقصة في عيونك
شهد : قصي نبي نفتح معاك موضوع
قصي : شنو
شهد : اوعدنى متقولش لا
قصي : منوعدكش على حسب اللى بتقوليه
شهد : مش العرس قرب
قصي : اي
شهد : لازم نحجز في مزين ومفيش مزينة تطلع لعروسة في الحوش
قصي : لا لا لا
شهد : علااااش خاااطرى نفهم
قصي : من غير علاش قلت لا يعنى لا
شهد تعفلقت : حتى انى غبية نشاور فيك ماهو نمشي زي لبيان ومنعدلش عليك
قصي : ...........
يتبع........
#ادمن_Esraa
