الحلقة 13
شهد : شدى سكري الباب
شدى : علاش
شهد : تى سكري وانتى ساكته
سكرت شدى الباب ومشت شهد دفت الدولاب وطلعت شنطة فيها ميك اب
شدى حطت ايدها على فمها : هييي هبلتى انتى كان يشووفك بوي لما يقتللللك
شهد : فكينى منك ترااا
وطلعت الشنطة وقعدت تدير ودكنت الروج شوية
شهد : وراااس شدوو سكري الشنطة ورديها في مكانها غر بنطلع قبل ما يجى قصي
شدى : اووف باهى بري
طلعت شهد ولقت قصي يراجى فيها هالمرة ( مش كل مرة تسلم الجرة )
طبعا انصدمت لما شافاته
قصي : خييرك انصدمتى شن شفتى عزرائيل قدامك
شهد : ياااريييت شفت اللى احرررف من عزرائيل
قصي : اركبي السيارة وانتى سااااكته وامس مشيتك للمدرسة على رجليك مش حنفوتهالك بالساهل
شهد : وااااااك خييرك عششش انت يا اخى اعتقنى في حااالى
قصي : معش تقوولى اخى لانى مش خووك وبنولى راااجلك
شهد : كااانش في الحلم بس تولى راجلى
قصي : حنولى راااجلك وغصباااا عنك والايام بيناتنا
شبحتله شهد من فوق للوطة وكيف بتركب للسيارة ناداها قصي
شهد : يانعممم
قصي بتفنيصة : شن اللى مدايرتيه في وجهك
شهد باستعباط : شئ مش مدايرة شئ
ضربها قصى بكتفه ولصقها عالسيارة وقرب منها
شهد : قصييي حووول متقربش منى شن بالدييير
قصى : متخااافيش مش مدايرلك شئ منييش ميت علييييك
انحرجت شهد مكانش قصدها زى ما فهمها قصي
قرب قصي منها ومسح الروج بصبعه شواربها قريب طارووو
شهد : ااااي شواربي فتفتتهم شن متعرفش الا العنف انت
قصي : هادى تانى مرة نمسحهولك والتالته مش حنمسحه بصبعى حنمسحه بحاجة تانية وغمزلها
شهد فهمت قصده وتعفلقت : احتررم نفسسك يا صاااايع
قصي ضحك : ما الصايعة الا انتى اللى تفكييرك سطررب بعيييد
شهد : براااا من عليااا ونادى على نسريين وقت
قصي : حااااضر أي اوامر تانية
شهد : لااا انتلف
قصي عض شاربه : غر توصلي عندى بسسس المهم وتى روحك الاسبوع الجاي لبيان ومشي وخلاها مصدوومة
شهد ( هدااا شن يقووول مصرررع الللطف خيييره مستعجل لاكن كاااااان انى مندمكش منوليش شهد بنت ندى بعدييين انى نربيك يا قصي )
قصي يضبح : شهددددد يا شهدددد
شهد : هااااا خيير جدك خلعتنى
قصي : اركبي انطمري في السيارة ليا ساعة انادى فيك
ركبت شهد وهيا التمتم ( واااااك منه الولد هدا همجى ميعرفش يقوول كلمة حلوة بكللل )
قصي سمعها : نعممم عاودى شن قلتى ؟!!
شهد : شئ نقرا في ادكار الصباح ممنوووع
قصي : لا مش ممنوووع
وصل قصي شهد ونسرين لمدرستهم ومشي لخدمته
وفات اسبوع وشهد تبضع وتشري وتوتى وهيا خااايفة من حياتها مع قصي حاسة ان قصي بيتزوجها كأنتقام وبسس )
قبل لبيان بيوم في حوش نسرين
نسرين : قصدى مش مصدقة شهد بتتزوج خوى قصي تى انتم تكرهووو بعض في الدمم لاكن صدق اللى قال ما بعد عداوه الا حب
شهد : وحياااتك الا العداااااوه مزاااال مستمرة تى اصلا خووك ينحب هواااا وبعدين متنسيش انه كسرلى ايدى وغضوة بنطلع للناس وايدى مجبسة
نسرين : يلايلا تحشمى على وجهههك خيره وخى غزاااال وبعدين انتى اللى طولتى لسانك
شهد : ايه غزال في الشكل حمار في الطبع
وعلى الكلمة هادى يخش قصي
قصي : وبلكى مش عاجبك
شهد انسمطت : وووووه شنى انت مخاوى والا كيف كل ما نقول عليك كلمة نلقاك في جرتى
قصي : لا مخاوى لا شئ هدا ربي يكشف فيك قدامى لاكن تو يبالنلك غر ناخدك بسسس صوتك هدا حنخفيهوولك
شهد خافت ووجها والا اصفر ( ياااربي خييره هدا متحلف فيااااا ووووه حسنى خفت غباااارتى وخلااااااص )
شهد : هي باااااي نتلاقو غضوة واسمعى لازم تمشي معاى للمزين راه
قصي حل عيووونه على وسعهم : نعممم مزين شنو اللى بتمشييله يا فالحة
شهد ( وووووه ما غبانى حتى انى نتكلم قدامه اراااالى بكشششة اووووف توا شن بنقوله هالعقدة )
شهد : تى مش غضوة لبيان طبيعى بنمشي للمزين شن انديير بروووحى متلا
قصي فنص فيها : مشي للمزينات لا ناقص غر نخلى مرتى تمشي للمزين تجيك هيا في الحوش اوكى غير هكى لا
شهد : كييف لا هااادى حلوة وبعدييين انى مزاال موليتش مرررتك هادى نقطة تانى نقطة علاش رافض المزينات بسلامتك
قصي ضاغط على سنونه : من غيير علاش لا وخلاص عجبك باهى معجبكش انطمري
شهد شبحتله بعناد : بنمشي غصبا عننك وكان بتفسخ احسسسن لانى نرااااجى فيها الحاجة هادى من زمان وطلعت تجري من الحوش لانه عيوون قصي لا تبشر بخيير
قصي بتهديد وتوعيد : باااااهى ياشهد انتى بري وحتشووووفي شن ندييير فييييك
طلعت شهد وهيا مش معدلة عليه
وجى تانى يوم
شهد : هي باي وقت عالمزين
نسرين : فكيك يا شهد تى والله قصي يقتلك بعديين
شهد : طززززز
وطلعت رفعها بوها للمزين وهيا في المزين تمكيج توصلها رسالة من قصي
واول ما قرت الرسالة خااااااافت وحست برعشة في رجليها وحست انه هيا فتحت على روحها باب من ابواب العداب
يتبع .......
#ادمن_Esraa😊
