الحلقه 25 والاخيرة
قصي ناض غسل وصلي ومشي يفطر معاها
قصي : مش عارفه خيرها الشفرة معش بت تطلع
شهد : هات انطلعهالك اني بظوافري
قصي : تعرفي تكسريييها انكسرررك
شهد : بااهي وخدتها وقعدت تحاول معاها لين اطربقت علي زوز الشفرة
قصي : يااااحي علييك حييي
شهد لوووحت التلفوون والشفرة ونااضت تجرري وناض قصي في جرتها
شهد : اسسفه والله اسفه متمسنييش
قصي : اسفه صار صار اسفه وقرب منها وجبدها من يدها
شهد صيحت : ووووووه يعطييك قصه في يدك
قصي يزيد يلويلها فيها : ياويلك مزااال اتمسي حاجاتي
شهد : باااهي الحق عليااا لي نساعد فيك
قصي : منبيش مساعدتك فاهمه مبرد دمك رزيتيني في الشفرة
شهد قلبتله عيونها وفاتاته
خشت شهد دوشت وطلعت لابسه روب الحمام
وخش عليها قصي من غير سابق اندار
شهد صيحت فييييه : اطللللللع براااا
قصي قعد مستوه فيها :( ارحميني خلاص معش نقدر ) وقرب منها وشدلها ايدها
وشهد قلبها يدق يدق
قصي يهمس في ودنها : انحبك والله انحبك وهبلتيني في جرتك فرخه صغيرة طيرتلي عقلي
شهد وجها احمر وتتنفس بقوة
باسها قصي وسحبها ووووووو....
ناضت شهد تاني يوم لقت روحها في حضن قصي
شهد قعدت تشبحله وسارحه فيه
لين ناض قصي
قصي : صبااح الورد يا مدامتي الحلوة وغمزلها
شهدد تحشمت وخدت الشرشاف لفت روحها بيه وناضت تجري بتخش للحمام
قصي ميت بالضحك : زعمييتك اتحشمتييي يعنييي تييى لهناك شفته امس وغمزلها 😉😂
شهد : صاايع وحق ربي الا صايع
قصي يضحك : مع حلالي وحبي بس
ضحكت شهد وخشت الدوش وهيا بالطيييير من الفرحه
وطلعت لبست قفطان ضيق وقصير ورفعت شعرها بطريقه عشوائية ودارت روج احمرر ومسكرا ورسمة عين وطلعت توتي في لفطور
قصي مقعمز يتفرج : لا هكي شكله مش حيصير من لفطور
شهد : هنيلي روحك تربح مش فااضيتلك بنوتي لفطور وبنوتي روحي بعدها
قصي : لالا عريس اني مفيش مشي
شهد : عريس حناك تعالي كم تفطر سقدني
قصي فنص : شن قلتي
شهد : قتلك تعالي كم تفطر حبيبي
قصي : اييواه ناس متجيش الا بالعين الحمرا
شهد بالشويه : لا زرقا
وفطرو ومشت شهد بدلت لبست سروال قماش بوردي وسوريه بيضا فيها ورد عالوردي ووشاح حرير مخلط الوان وكندرة بيضا ودارت مسكرا وروج وردي هااادي وطلعت طررف امطوورف
قصي دوش ولبس حوايجه
طلعت شهد : هيييي انييي واتيه
قصي شبحلها وقام حاجبه : اولا وين العبايه وتانيا وين الخمار
شهد قعدت تسبله في عيونها : بالله علييك فكيني منه الخمااار يغم فيا وشووف ها لبستي مستورة
قصي قعد يحك في لحيته ويشبحلها : مستورة عينك مفيش طلوع من غير عبايه الخمار ماشي بس عبايه تحلميش
مشت شهد كبشت في رقبته زي القردة 😂 ورااسي ورااسي علي خااطري خلييني نمشي المرة هادي بسسس بعدين اني من السيارة للحوش طول
قصي باسها : ماشي المرة هادي بس
شهد : ييييس
قصي : تعالي تعالي قربي
شهد : هاا شن في
قرب قصي منها ومسحلها روجها بفمه
شهد : مبرردك يابااارد علاش هكي
قصي فنص فيها : تحركي قدامي ناقص غر رووج
ومشي يغسل في فمه
شهد تتسهوك عليه : اسسسمع راهو روج 24 ساعه هدا 😂😂
قصي ولالها يجري : بجدياااات
شهد ماتت بالضحك : هههههههههههه ضحكت عليييك 😂😂
قصي قرصها من خدها : ياباردة خلعتيني
طلعت شهد وقصي ومشو لحوش جدها
شهد اول ما نزلت لقت عصام
عصام : شهووووودتيييي
شهد : اوووو عصووووم ومدتله يدها وهوا جبدها وحضنها
وقصيي نااااار وشااعله فييه كان يلقااا ينط علييهم
وطلعوو ايمن واحمد
ايمن : شفشه جيييتي
شهد سلمت عليه وضرباته : ما الشفش الا انت يا قرد
احمد : خالو حبيبتي
شهد اضبطاته : استاااحشتك خالو
وقصي واقف يشبحلهم ومش عاجبه الجو
وبعديين خشت للحوش سلمت علي حناها وخالاتها وقعدو يهدرزو وحطو لغدي وتغدو
وبعدين كلمها قصي قاللها هيااا بنروحو
طلعت ركبت معاه فيى السيارة ومن ملامح قصي باين انه متنرفز
شهد : قصي خيرك
قصي : انروحو للحوش ونتفاهمو
شهد (ووووه ربي يسترررر)
وصلو للحوش ونزلو
قصي : شن لي شفته يا مدام
شهد : شن شفت
قصي : لااا شي غرررر وااخدة ولاد خالتك بالاحضااااان ناااقص غرررر تبوسيهم
شهد : تييي زي خوووتي يا همي
قصي : منفهمش اني معش تقربي منهم فاهمه
شهد : فااهمه فااهمه وقربت منه باساته وقامها قصي ووووووو...
بعد مرور 4 سنوات
ماريا تبكي : ماما ماما اويس ضربني
شهد : اوووويس كان نجييك نوريييك وانت طبعك يا لطييف زي بووك
قصي سمعها : اي اي جيبي وحطي العيب فيا
شهد : والله هدا الحق 😂
#النهاية
#ادمن_Esraa😊😊نتمنى عجبتكم الروايه كان لقيت تفاعل نزل وحده تانيه😊👍👏👏👏
