أنثى في فم ذئب

أنثى في فم ذئب الجزء ١١

(أنثى في فم ذئب )الجزء ١١ للكاتبة ياسمين العزي

صحيت الصبح عليه وهوه يبوسني بخدي
سويت روحي نايمه استحين اوجه وهوه يبوسني
طب للحمام اني كعدت شلون بالله اريد اسبح بعد ماتحمل
متعوده يوميه اسبح ومرات اسبح مرتين باليوم
طلع كلي شبيج حايره
اريد اسبح ماكدر بعد
اخاف مو زين
لا حتى لو  اغسل بس جسمي
ماشي فوتي اسبحي تردين اساعدج
يمامه...عزه بشنو تساعدني
عمر..  .هههههههاااي انتي تفكيرج راح بعيد اقصد تردين اكومج
يمامه...من الفشله والله اتمنيت الكاع تنشك وتبلعني
عمر...كومي يابه كومي
يمامه...كمت طلعت ملابس ودخلت للحمام حيل ارتاحيت
مي دافي حسيت ريح جسمي
سبحت بدون ما اغسل شعري
طلعت مالكيته ظجت لان هوه ماكو اريده دايمن وياي
بالبيت الكل مايحجي وياي
بس حارث وحارث قليل موجود
لبست حجابي ونزلت
ام عمر...ليش نزلتي مو بعدج تعبانه
يمامه...لا صرت احسن وكلت اساعدج
ام عمر...لا حبيبتي كملت
يمامه...اتفاجئت من رده هيه كاعده ع الكرسي كعدت يم رجليه اتمنى تسمعيني لو لمره وحده
ام عمر...احجي شعندج
يمامه...اني كلبي ينزف مو راسي بكل دقيقه وبكل لحظه
تعرفين شنو انو انتي مظلومه ومحد يصدكج
وفوك هذا انتي تتعاقبين والمجرم دايح ومتونس
ام عمر...بس انتي محد منه دا يئذيج بالعكس عمر محترمج
عمج ساكت حارث يحبج بس ذولاك ماخذين موقف وحقهم
يمامه...الكل ماخذ مني موقف ليش محد اخذ موقف من
مهند
ام عمر...لان ماكو دليل على مهند ومحد يصدك واحد يسوي ابنت عمه هيج
يمامه...واني شنو ذنبي يعني معقوله ادمر حياتي بيدي
يعني حلو ازوجت واحد ميريدني وجامعتي راحت
مني مستقبلي ضاع
ام عمر...يمامه اتمنى انتي مظلومه
يمامه...اقسم بالقرآن اني مظلومه
ام عمر...ليش ماحجيتي من البدايه ليش ماحجيتي ع اقل لامج
يمامه...والله خفت منه لان امي مو حنونه وامي ماتتفهم
وابويه اخاف منه صعبه احجيله هيج شي
ام عمر...جان جيتي حجتيلي لو لعمج اكيد جان ساعدنج
بس هسه فان الاوان محد يصدكج
يمامه...كليلي شسوي والله تعبت اريد اعيش
ام عمر...ادعي ربج يكشف الحق والحق عمره وميضيع
والحق على امج شلون هيج حال بنته ومانتبهت
يمامه...كمت واني كلي خيبة امل شلون راح ينكشف مهند
صعدت فوك مددت وادموعي تجري
دخل عمر
هاي شبيج يمامه ليش تبجين منو وياج
يمامه...عمر تعبت اريد احد يرحم حالي محد دا يصدكني
عمر...مو كتلج اصبري اني اساعدج
يمامه... شوكت شوكت بعد ماتحمل اريد اموت شلون ينكشف كلي شلون
عمر....اششش اشو تعالي بحظني
يمامه....خليت راسي على صدره بدون تفكير وابجي
وهوه يبوس براسي ماعرف هوه هيج حنين لو يمكن يحبني ......مرت ايام واني صرت زينه وماكو شي
جديد
بيوم اجه عمر كلي
فدوه يمامه اليوم اريد همتج عندي عزيمه جبيره واريد تساعدين امي
يمامه...اكيد من عيوني شكد عزمت
عمر...يطلعون ٧٥
يمامه...عزه وبس اني وعمتي شنو هذول
عمر...هذول اصدقائي المقربين معليج امي تطبخ متعوده
انتي بس اوكفي على ايده
يمامه...ماشي نزلت جوه طلعنه الكدور دا اغسلهن وعمتي
تغسل التمن وعمر وحارث راحو يسوكون
يمامه...اكلج عمه شنو هاي العزيمه
ام عمر...هاي عمر كل فتره يعزم متعوده اني على عزايمه
عنده اصدقاء ومعارف هواي ويكول عندي أشغال ماعرف
شنو هل اشغال بس عمر الناس كله تحبه
يمامه....بكلبي ومنو مايكدر مايحبه وابتسمت
ام عمر...شبيج يحظي تظحكين ويه روحج
يمامه...هاا لا ماكو شي  عزه اني ابد ماعرف اكون طبيعيه
كملنه العشه والناس بدت تجي
اشو اباوع تبارك واخته وامه دخلن كلبي وجعني وعماتي
ثنين
باوعت على عمتي ذول شكو جايين
ام عمر..اسكتي يمكن عمج دز عليهم
يمامه...اختنكت حيل والله ماتحمل اشوفهم
بس ماشفت مهند
اجن للمطبخ حيل ظجت سلمت عليهن بس من فوك المعده
عمتي اخت ابويه الي حيل اكره وهيه تكره امي
كالت والله بخت تروح تلعب على حد شعره وتجي ع الحاظر تاخذ عمر الورده وصايره ام بيت
ام عمر...خيتي اسكتي مو وقته
يمامه...باوعت عمر يفرك بلحيته اواكف ع الباب
دخل بدون ميحجي وهنه يباوعن عليه جرني من ايدي
تعاي يمامه فوك رايدج بشغله
بقن هنه بس يعوجن بحلكهن
يمامه...هاا عمر متشوف صايره هوسه جوه
عمر...وخلي يحترك الجوه ماتحمل احد يسمعج كلام
يمامه...اتعودت عمر اتعودت وكلبي صار حجر
عمر...اسس معليج اني سويت خطه وراح ينكشف مهند
يمامه...فتحت عيوني على كبرهن صدددددك تحجي عمر
وحظنته حييل
عمر...على كيفج راح تكسرين اعضامي
يمامه..اسفه بس من الفرحه يعني راح تساعدني
عمر...اذا ما اني اساعدج لعد منو
يمامه...رفعت نفسي وبسته من خده هوه ابتسم ردت اطلع
عمر...كملي شغلج واصعدي بدلي من يرحون الولد نطلع
يمامه...يااا وين نطلع مايبقى وقت
عمر...اسمعي الكلام معليج
يمامه...نزلت واني فرحانه حتى ابي يسمعني كلام ماهتم
اهم شي عمر صدكني تبارك حاولت تتقرب مني
ماحجيت وياها صح ماله ذنب بس نفسي ماتتقبلهم
كملنه العشه كلت لعمتي اني اصعد فوك تبعت كالت روحي
طبيت سبحت وبدلت خليت شويه مكياج خفيف حيل
باوعت الساعه ١٠ اله ربع عزه هاي شوكت الي يطلع
هسه حتى يجوز ميقبلون
كعدت ع القفنه واني انتضر احس روحي تعبت ونعست
طب عمر هااا متحظره خوش هسه اني بسرعه اسبح ونطلع
يمامه...عمر الجو بارد والساعه صارا ١٠ ونص والله ماكو وقت خليه غير يوم
عمر...لا اله اليوم واليوم جمعه عطله غير يوم ماكدر
حظريلي ملابسي على ما اسبح
يمامه...من كال حظريلي ملابسي كانو كالي احبج من الفرحه حسيت روحي زوجته صدك بسرعه كمت للكنتور
طلعتله ملابس وطلعت حذائه
انداريت صار وجهي وبس بالشورت عزززه هذا شجاه رأسن رحت سويت روحي اعدل حجابي يمه والله فشله
وهوه ولا مهتم كانو مامسوي شي
بدل هوه ونزلنه امه طلعت بوجهنه هاي وين بنص هل ليل
عمر...يمه مخنتك ويمامه هم خطيه ابد ماطالعه صار شهر
ام عمر...يايمه بس مو بهل ليل
عمر...لا يمه عادي الله مع السلامه
يمامه...مشيت وراه محد يكدر يكله لا مو لان يخوف
لا لان الكل يحبه ويحترمه
وهوه يحب ويحترم الكل
عمر...وين نروح
يمامه...بكيفك
عمر...تحبين مدينة اللعاب
يمامه...يااااي اكيد يلا خلي نروح
عمر....اي اي شجاج من اكول طفله تزعلين
يمامه...وهسه شكلت😒😒😒
عمر....ههههههه ماكلتي شي
يمامه..انت مايعجبك عجب ولا صايم رجب
عمر...هههههههاااي انوب هاي شنو والله عدج اسوالف
انزلي بابا انزلي وصلنه
يمامه...نزلنه وعمر ظحك على سوالفي ولا ماحجيت شي اشو هوه على كلشي يظحك ..
دخلنه الجو بارد يخبل لان يوم جمعة اكو ناس بس قليل لان وصلنه متأخرين
عمر...يلا بشنو تحبين تصعدين
يمامه...كلشي ماصعد مره صعدت ومتت خوف وتوبت بعد ماصعد اخاف والله خلينه بس نفتر
عمر...لا ماكو هل حجي يلا كدامي
يمامه...بس اخاف والله
عمر...امشي لا ابتلي بيج مو طفله وتخافين
يمامه...بشنو نصعد
عمر...اختاري
يمامه...سفينة نوح شويه ماتخوف خلي نصعد بيه
عمر....هههههه ديلا امشي
يمامه...اخذنه وصل وصعدنه كعد يمي همسلي اني يمج لتخافين ولزم ايدي
يمامه...واني عاد شلون اتحمل هيج تصرف رأسن ذبت
وحتى نسيت الخوف
حيل اتونسه اخذنه حب وكعدنه جوه شجره
وكعد يحجيلي على دراسته ومن جان بالخارج
واني صافنه عليه شون يحجي
هل ولد ماعرف شلون سرق كلبي بحنيته
باوع لساعه كال ولج كومي صارت ١٢ ونص
يمامه...طلعنه واتمنيت نبقى هيج هنا وحدنه ومحد يزعجنه
رجعنه للبيت كال ميت تعبت بدل ملابسه ونام ع القفنه
اتسحيت اكله لا تنام هنا
اخاف يفكر اريده ينام يمي
كعدت من الصبح سويت ريوك ورتبت كلشي قبل لا تكعد عمتي
من كعدت شافتني محظره كلشي كالتلي هاا تونستي البارحه
حرت شجاوب اي عمه اتونست
اتريكو وعمر طلع واني دا اشتغل وارتب البيت سمعت صوت سياره باوعت عمر
طلعت عليه وين رحت
كلي تعاي وياي صعدنه فوك
عمر...جبتلج موبايل
يمامه...شكرآ شكرآ
عمر....عدنه شغل مو للونسه
يمامه...هيج باوعت عليه 😒😒
عمر...يمامه هسه مو وكته اسمعيني
جبتلج هذا الموبايل راح اجيبلج رقم تبارك واحجي وياها
واسوي روحج عادي رجعي علاقتج بيه
يمامه...بس ليش
عمر...مهند اكيد راح ياخذ رقمج ويتصل بيج راح انزل برنامج تسجيل صوت
يمامه...تتوقع هوه يخابر
عمر...اكيد اني متاكد
يمامه...عمر راح جاب رقم يمامه واني اتصلت بيه سألتني
شعجب وشلون اتصلتي كتلها انتي صديقتي ومالج ذنب بلي صار
وصح مثل ماكال عمر وره تقريبآ سبوع اجاني اتصال رقم ماعرفه بليل بسرعه صحت عمر كعد يمي جاوبت وانصدم بصوت ....اتبع

#ياسمين العزي