أنثى في فم ذئب

أنثى في فم ذئب الجزء الثاني البارت ١٠ والاخير

أنثى في فم ذئب: الجزء الثاني البارت ١٠ والاخير

للكاتبه ياسمين العزي:

يمامه...حارث حارث شبيك دا تسمعني
حارث...اي يمامه سمعتج سمعتج
يمامه...اني راح احجي ويه عمتي وارجع عفيه
عينك على عموري ماطول
حارث...ماشي
يمامه...طلعت واني افكر اني شجاني هيج حجيت
وليش احس حارث صار بركان وراح ينفجر
رحت دورت عمتي لكيته بالغرفه
ام عمر..تعالي بنتي
يمامه...عمه اريد احجي وياج
ام عمر...تعالي بنتي
يمامه...كعدت عمه اريد ارجع لغرفتي
ام عمر...ولج يا غرفه
يمامه...عمه شبيج صرتي عصبيه
ام عمر...لا تردين اظحك
يمامه...عمه حارث شاب خليه ياخذ راحته
اني لو ما وضعي ويه اهلي جان رجعت بس تعرفين
الوضع
ام عمر...اسكتي شدا تحجين بعد محد ياخذج مني انتي بنتي
يمامه...عمه عفيه خليني ارجع لغرفتي لا اني ماخذه
راحتي ولا حارث
ام عمر...بنتي ترى حارث يحبج
يمامه...باوعت بصدمه عمه شنووو لا ماكو هيج شي
ام عمر...لا اكو اني اعرف ابني يمامه لا تكسرين كلب
ابني هل ولد متعلق بيج وبكل لحظه عيونه ادور عليج
يمامه...لالا اني شسويت
ام عمر...شبيج شسويتي
يمامه...عمه كلت لحارث اريد ارجع لغرفتي كتله مشتاقه لعمر ومشتاقه لعطره ومكانه
ام عمر...اوف ياولدي ليش ماعدكم حظ هسه شكد
مقهور
يمامه...عمه والله مالي ذنب اني وبجيت اني اشوف
حارث بس اخويه عمه اني اريد عمر شسوي
ام عمر...تعالي بحظني وخليني احجيلج
يمامه...مددت وخليت راسي بحظن عمتي ودمعتي
بعيني
ام عمر...يمامه اريد تفتحين كلبج الي احجيلي كلشي
يمامه...شحجي
ام عمر...شوفي ماشاءالله حارث مثل السبع وجمال
وطول وهيبه
يمامه..عمه ماعرف
ام عمر...شنو الي متعرفيه يعني حارث ماله مكان بكلبج
يمامه...غمضت عيوني وبديت احجي عمه تدرين
ماعرف ساعه بالي يم حارث ساعه افكر بحارث
ومن خطفني مهند جان حارث ميفارك بالي
شلون اتعصب وشنو راح يسوي
ماعرف عمه شحجي يعني شي مخربط ويمكن
هيج افكر لان وكف وياي ويمكن ماشوفه غير
اخويه
ام عمر...واني ماشوف هيج اشوفج انتي هم عيونج ادورله بس يمكن خايفه ويمكن تحسين شلون عمر
بس يا بنتي عمر راح الله يرحمه
وانتي بعدج صغيره شوفي حياتج ياحياتي
يمامه...ومنو يكول حارث يريدني
ام عمر...لا يحبج
يمامه...ماريد شي بس اريد ارتاح اني وابني
ام عمر...وحارث ماراح يقصر وياج
يمامه...عمه هسه اريد اروح لغرفتي احسن
ام عمر...اني كلت العندي بقت يمج سوي الي ترتاحين بيه
يمامه...ابعد احسن حتى اني افكر زين
ام عمر...الله يبرد كلبج كومي يمه هسه نص ليل
الصبح اتحولي
يمامه...تصبحين على خير عمه واشكرج انتي فعلآ ام
ام عمر..شعندي غيركم ما اوصيج اعقلي
يمامه...هههه ان شاء الله طلعت من وافكر معقوله
حارث يحبني ياربي شكد غبيه ليش هيج حجيت
عن عمر كدامه اففف اكيد هسه مقهور
واني ليش خايفه اذا مقهور ياربي والله ماعرف اني شدا اسوي معقوله هم احبه مثل ماكالت عمتي
لا اصلآ عمر ميفارق بالي
....فتحت الباب باوعت حارث امدد ع الجربايه
وماعرف اذا نايم لو كاعد رحت باوعت لعموري نايم
ماكدر بعد ابقى هنا
فتحت الكنتور طلعت الملابس
حارث...لهل درجه ماتتحملين تبقين وياي نفس الغرفه لهل درجه ماطيقين وجودي وياج
يمامه...اخذت نفس عميق انت كاعد
حارث...اي كاعد
يمامه...اني اريد راحتك .جان يجي يمشي بتجاهي
حارث..ليش انتي تعرفين شنو راحتي
يمامه...من يتقرب احس روحي مخربطه وكلبي دكاته سريعه طبعآ اعرف انت شاب وهاي غرفتك
ومن حقك تاخذ راحتك وجودي زايد
حارث...لا يمامه انتي كلشي متعرفين
يمامه...شنو الي ماعرفه كلي اكو شي ماعرفه
ماشوف اكو شي اني ..حسيت روحي اضغط عليه بالحجي حتى يحجي شي
حارث...لا ماكو شي ابراحتج يمامه سوي الي يريحج
يمامه...حسيت بكلبه حسره راح مدد ع الجربايه
واني واكفه حرت لا بيه اروح ولا بيه ابقى عشت بصراع
بس ماعرف شنو الي سيطر عليه ....يلا خلي ابقى
باوعت عليه مغمض عيونه بس مبين كاعد
اخذت نفس ومددت على الجربايه ماعرف شنو هل
تصرف بس سويته بدون حتى مافكر
اول مامددت فتح عيونه جان يباوع عليه
انطيته ظهري شبيج يمامه شدا تفكرين
ماعرف شلون نمت واني افكر
..كعدت الصبح حارث ماكو ماعرف اني اتاخرت
باوعت على الساعه ٧ وين راح
كمت طلعت بالبيت ماكو طلعت بالحوش سيارته
ماكو ياربي شجاه معقوله كل هذا من وره كلامي
جان يوم عطله الكل  نايم رحت للغرفه لميت كل
غراضي وغراض عموري صعدت فوك فتحت الغرفه
لا تبجين يمامه كوني قويه الضعيف يموت
مسحت الغرفه ورتبته وحاولت ما اذكر كلشي
رتبت كلشي كل بالي حارث وين من الصبح
نزلت جوه حظرت الريوك وعموري كعد كعدنه نتريك
اني وياه
انوب اجت عمتي
ام عمر...لعد حارث وين
يمامه...ماعرف عمه من كعدت مالكيته
ام عمر...اوف
يمامه...عمه والله الي صار  مو قصدي
ام عمر...ولا يهمج هسه شويه ويجي نقلتي غراضج
يمامه...اي
ام عمر...خوش وعرس سيف الخميس يادوب نجهز
كلشي ونطلع نسوك هسه اني وياج وحدي ماكدر
وسيف ومرته راح يرحون يخارون الغرفه
يمامه... ليش كل هل سرعه يعني بعد سبوع
ام عمر...شسوي سيف موتني وخليني اخلص هم احسن اصلآ ما ماراح نسوي شي بس بين العائله
اوف يمه شلون افرح وانت جوه تراب
يمامه...عمه على كيفج انتي مريضه ومن انتي الي
تحجين عليه
ام عمر...لا تهتمين يمه
يمامه...بكلبي كلت اعرف يا عمه كلبج محروك بس
تردين ولدج يعيشون
كملت البيت وطلعنه لسوك اني وعمتي اسوكنه
هواي بس هم ماخلصنه ماجينه لظهر جبنه غده
جاهز ما الحك اطبخ
وصلت البيت وعيوني ادور باوعت سيارته ماكو
وين راح بدلت وصليت وطلعت حظرت الغده
اتغدينه ومثل كل مره استحي اكول وينه وليش اتاخر اتغدو وكل واحد راح لغرفته بس سيف مارجع
وعموري اخذته عمتي يمه
صارت ساعه ٢ ونص سمعت صوت سياره
حسيت كلبي طلع من مكانه اي هوه اجه باوعت
من الشباك اي هوه
بقيت انتظره بالمطبخ
حارث...السلام عليكم
يمامه...وعليكم السلام يمعود وينك من الصبح واليوم عطله
حارث...طلعت غيرت جو ماكو شي
يمامه...جوعان اصبلك غده
حارث ....لا متغدي
يمامه...كل هل كلمه وراح للغرفه
واني صعدت فوك ..هسه شاف الغراض ماكو اكيد ظاج توني كعدت
جان يدك الباب
كمت فتحت الباب حارث
حارث...هاا هسه ارتاحيتي
يمامه...شبيك
حارث...هاا اشتميتي عطره شفتي مكانه كلبج ارتاح
ضميرج ارتاح مو
يمامه...اني مو
حارث...لا تكملين اعرف كلشي اعرف
يمامه...حارث اسمعني نزل وعافني شبيه ليش هلكد خايفه واريد ابرر اله
ليش اني هنا واحن عليه ليش اني هنا واحس روحي جوه
أخ شكد دا اتوجع واني ماعرف نفسي شنو اريد
مر الاسبوع واني حارث
مشايفته انزل الصبح ماكو واخر اليل يجي
حسيت روحي محتاجته بين هوسة العرس والتحظيرات مكدرت اشوفه
اجه يوم العرس واني بالمطبخ صح ماعزمنه احد بس العمام والاقارب هواي دا انصب بالغده
سمعت واحد يكلي يمامه انطيني الخبز رفعت
راسي حارث بالدشادشه البيضه نفس ترتيب عمر
حتى الفرق بينهم قليل
حسيت روحي اول مره اشوفه انطيته الخبز وعيني بعينه دورت نظرته الي بيه لمعه وهوه يباوعلي
انتبهت على نفسي شدا اسوي العالم كلها واكفه
كملنه الغده وصعدت فوك ارتب نفسي
لبست قفطان مغربي ماروني وشعري رفعته وخليت
خصل بسيطه نازله منه وخليت شال على راسي وكعب عالي ومكياج ناعم
وحمره مارونيه
خليت عطر حسيت كانو دا اترتب حتى بس يشوفني حارث
كملت وبدلت لعموري ونزلت جوه
الكل يباوع عليه
كالو يلا نروح رحت على عمتي
عمه اني وياكم غير اصعد
ام عمر...لا هسه اجه حارث كلي كولي ليمامه خلي تجي وياي
يمامه...ابتسمت
ام عمر...شبيج توزعين ابتسامات
يمامه...هاا اني
ام عمر...دمشي امشي شغلتج مبينه حاميه
يمامه...عمه شنو قصدج
ام عمر..دمشي هسه بعدين اكلج قصدي
يمامه..طلعت وصلت السياره هوه صاعد من اتقربت
اشوفه شلون يباوعلي حسيت ماكو احد ومحد موجود بس احنه
صعدت بالسياره
حارث...يمعوده ترى مو انتي العروس
يمامه....ههههه وشمسويه
حارث...لا ممسويه وهاي عود لابسه حجاب
يمامه...ليش شبيه
حارث...لو طليعه كله لو لبسيه مثل العالم
يمامه...بدون نقاش طلعت دبوس وبس لفيته لفه تركيا
هااا هسه تمام
حارث...اي صايره تسمعين الكلام 
يمامه...سكتت وصلنه واخذنه رهف جانت طالعه لعابه وسيف طاير من الفرحه
رجعنه للبيت وخلصت الزفه وكل واحد راح لبيته
وزفو العراسن لغرفتهم اني كملت العشه ورتبت
المطبخ رحت اريد اخذ عموري جان عمتي تكلي نايم
يمي والله ماتاخذيه
يمامه...عمه مو اخاف يكعد بليل
ام عمر...من يكعد اجيبه
يمامه...ماشي عمه وصعدت فوك ذبيت الشال
على الجربايه جان الباب يدك
فتحت انصدمت حارث حسيت الكلام ضاع دك الباب وهيج وقت ماعرفت حتى شكول
حارث...يمامه بعد ماكدر اخبي بكلبي
يمامه...شنوو جان يجرني من ايدي تعاي اكلج شنو
اخذني لغرفته وسد الباب
يمامه...شكو حارث
حارث...يعني تردين تقنعيني متعرفين
يمامه...شعرف
حارث...باوعي بعيوني وشوفي
يمامه...خجلت نزلت راسي
حارث...لا تخجلين يمامه خلي عينج بعيني
يمامه...رفعت راسي
حارث...يمامه اني احبج والله احبج مادري شلون انزرعتي بكلبي مادري شلون
يمامه...خجل ورتباك
حارث...احجي يمامه لا تسكتين اني اعرف مشاعرج اتجاهي شنو 
يمامه...عفيه حارث والله استحي خليني اروح
حارث...يمامه وين اخليج اتروحين دا اكلج احبج وميت عليج يمامه والله وكل لحظه انتي بعيده
عني دا اتعذب بكل لحظه دا اشتاقلج شكد
حاولت اقنع نفسي انو ما اتقرب منج انو انتي مرة المرحوم وخلص
بس مكدرت والله صرتي كل حياتي بعد ميفيد ولا اكو شي بالدنيا يبعدني عنك اله اذا انتي مترديني
يمامه...اني ماعرف
حارث...شنو ماعرف
يمامه...يعني والله ماعرف شنو مشاعري
حارث...مافهمت
يمامه...احساسي مخربط من انت قريب من تتخربط
احوالي ومن انت بعيد كلشي بيه يدورلك
ماعرف اذا هذا حب بس دائمآ انت ابالي
حارث...هههههه ياروحي انتي واكعه ومقري عليج السلام
يمامه...شنوو يعني
حارث...يعني ماتحمل
يمامه...اتقرب وباسني مارفضته بالعكس اتجاوبت
وياه ووووووو.........
حارث...انتي اجمل شي صار بحياتي
يمامه....باوعت على الساعه ٥
عزززه حارث هسه يكعدون
حارث...شنو يعني
يمامه...عفيه استحي اريد ارجع للغرفه قبل لا يكعدون
حارث....اششش هنا مكانج ماعندج غير هاي الغرفه
انتي مرتي بالعكس اهلي راح يفرحون
يمامه....لا عزززه استحي والله
حارث...فديت الخجوله خلي اطمنج امي تدري
يمامه...يمه شنو تدري
حارث...شافتني كاعد وظايج كلتلي انت تحبه وهيه تحبك روحله ومعليك
يمامه...اني اعلمج عمه
حارث...وشنو يعني متندمه
يمامه...لا والله اني احبك وحتى اني ماكدر ابعد عنك
حارث....واني احبج
يمامه.....مرت الايام واني بكل يوم احب حارث
اكثر عوضني عن كلشي صار بحياتي
رجعت لجامعتي حاليآ حامل والحمدالله ميخيب الي
يتوكل على الله
........النهاية.......
اتمنى القصة نالت اعجابكم ولو شي بسيط يفرحني
القصة بيه عبره واظن الكل يعرف العبره شنو
مهمه يصير وياكم حتى لو شي جبير لا تخبون عن اهلكم ولا تثقون باحد اتمنى الكل اخذ عبره
وخلي ايمانكم بالله قوي
ربي يحفظ الجميع ويبعد عنكم كل شر ...
تحياتي اختكم ياسمين