(أنثى في فم ذئب)الجزء الثاني البارت ٢
للكاتبة ياسمين العزي/
يمامه...حارث الحكلي ..حسيت روحي دخت وكعت
وبعده ماحسيت بشي......
غير بالمستشفى كعدت واحس بوجع مو طبيعي
وكانو بطني مقطعه بسجين
خليت ايدي على بطني وصرخت من الوجع
ام سوسن...على كيفج ماما انتي هسه طالعه من العمليه
يمامه...بجيت ماما وين ابني
ام سوسن...عيوني انتي صار عندج ولد يخبل
يمامه...طرت من الفرح من كالت ولد بس الوجع ذبحني
ماما عفيه جيبيه اريد اشوفه
ام سوسن...حياتي بيت عمج بالباب خطيه صار ساعتين ينتظرون يردون يطمنون عليج
يمامه...اي ماما بس عفيه اريد مسكن شي راح اموت
من الوجع
ام سوسن...اي هسه
يمامه...بعد ماكعدت وعرفت صار عندي ولد حتى مهند وسالفة نسيته من الفرحه
حسيت روحي غفيت من التعب سمعت الباب انفتح
باوعت عمتي ام عمر والدمعه بعينه
ام عمر...الف مبرؤك عيوني انتي ام عموري
يمامه...ابتسمت ربي يخليج الي يا امي الثانيه
ام سوسن. ..وهذا عموري
يمامه...اباوع بلهفه كانو اريد اشوف عمر
خليته بحظني ودموعي نزلت نسيت الكل
....حبيبي عموري ياروح امك حبيبي ابوك عافنه
بس اني ماراح اعوفك
خليته على صدري وحظنته اووووف ياروحي
رفعت راسي امي وعمتي تبجي وحارث واكف بالباب
ام سوسن....كافي حبيبتي ارتاحي انتي طالعه من عمليه
يمامه...الي عرفته اني متخربطه وصايره عندي ولاده
وحارث جايب امه وجاي
مرت ٣ أيام واني بالمستشفى واجه يوم الخروج
امي ما تحظر ملابسي وعمتي اجت وكفت يمي
ام عمر...بنتي اريد اطلي منج طلب
يمامه....عيوني الج كولي عمه
ام عمر...اريد تجين ويانه لبيتنه اريد عموري اول شي يدخل بيت ابوه
يمامه...صفنت عليه عمه بس
ام عمر....اترجاج لا تفشليني خليني افرح بيكم
يمامه...باوعت على امي ساكته
ام عمر...بس يطلع السبعه وارجعي الهلج
يمامه....عمه اني اتمنى بس اني مو بيدي باوعت على امي
ام عمر...اني احجي ويه ابوج وامج تبقى وياج
يمامه...ماشي الي تشوفيه اني ماعندي مانع
....خابرت عمتي على ابويه وقبل نروح
اخذنه كلشي وطلعنه حارث واكف بالباب
حارث ...الحمدالله ع السلامه ام عموري
يمامه...الله يسلمك
اخذنه للبيت ماعرف ليش فرحانه ماعرف شنو الي مخليني افرح لهاي الدرجه يمكن وجود ابني بحظني
وصلنه البيت عمي وسيف ومسلم محظرين كلشي خطيه وذبحو جوه رجلي دخلنه البيت
ام عمر...يلا ام سوسن خليه نوديه لغرفتي ترتاح
يمامه...باوعتله وليش غرفتي شبيه
ام عمر...مابيه شي بس اخاف متكدرين تصعدين
يمامه...لا اكدر بغرفتي اريد اروح
ام عمر...ماشي حبيبتي الي يريحج
صعدت فوك فتحو الباب وحسيت هموم الدنيا كلها وكعت عليه
حسيت بخنكه مو طبيعيه كلشي اتبخر فرحتي راحت
حسيت اول مدخلت ريحته صارت بخشمي دمعتي نزلت
ام عمر...يمامه خلي ننزل جوه
يمامه...لا هنا ارتاح اني
مددت وخليت عموري يمي الكل طلع
غمضت عيوني ياريت عمر موجود ويشوفني اني وابنه شكد جان فرح حسيت بروحي نمت
سمعت الباب دك
اتفضل
دخلو حارث وسيف جايبين سرير لعمور
ابتسمت هاي ليش تعبتو نفسكم
سيف عيب هل كلام هذا ابنه
يمامه...خلص سكتت
سيف...ههههه يكون احسن
حارث...اشتغل واسكت
يمامه....ساكته واباوع عليهم ماعرف ليش هنا راحتي اتمنى مارجع لبيت اهلي
سيف وهاي كملنه يلا خلي عموري ينام بمكانه
يمامه...كمت من مكاني شلت عموري وخليته بمكانه
يمامه...مشكورين
سيف....تدللين اترخص اني
يمامه...اخذ راحتك ....بقى حارث حسيت اكو شي
حارث شبيك اكو شي
حارث...من خابرتيني ذاك اليوم شنو جان صاير
يمامه...وكانو حارث ذكرني بلي صار دمعتي نزلت وكعدت
حارث...شصاير يمامه احجي
يمامه...مهند اجه ويريد يخطبني
حارث...شنوو كل عقله هذا النذل
يمامه....حارث اني خايفه اهلي ماعرف شبيهم ابويه احسه ضعيف ويصدك بكلشي وامي نفس الشي
حارث...لا يمامه الله يشهد انتي اختنه ومستحيل نقبل بهيج شي والله اخلص عليه
يمامه....لا عفيه حارث لا تخليني اندم لان حجيتلك
حارث...شبيج يمامه لا تصيرين ضعيفه لا تسمحين اله يدمر حياتج مره ثانيه
يمامه ...اكيد ما اسمح بس اني احل الموضوع
بدون مشاكل
حارث...ابراحتج واي شي تحتاجين اني موجود
يمامه...تسلم جان يدك جهازه باوع ع الاسم ابتسم وطلع
بقيت اسبوع يمهم ويوم الي رجعت عمتي خلصته بجي رجعت للبيت كل ما اجي للبيت اختنك
ذولاك اهلي اي اهلي الي صدكوني وكفو وياي
البنات اتخبلت على عموري من ايد وحده لوحده
واني اباوع عليهن وفرحانه
مرت ايام وعمور طلع الاربعين وعمتي كل يومين تجي تشوفه
بيوم كاعده ارضع ابني وجان امي تدخل
ام سوسن...كومي يمه يمامه بيت عمج كاعدين جوه يردون يحجون وياج
يمامه...يا عم
ام سوسن...بيت عمج ابو مهند
يمامه....صحت بصوت عالي يمه هذول يا عمام شبيج يعني نسيتو الي صار ودخل بابا
ابو سوسن...يمامه ابويه انتي اسمعي كلامي انزلي اسمعي والقرار الج
يمامه....كعدت بالكاع واني ابجي بابا شبيكم شبيكم
هذول همه الي دمروني سرقو حياتي سرقو احلامي
ابو سوسن...بابا حبيبتي والله الولد ندمان اسمعيهم ماراخ تخسرين شي اذا عندي خاطر يمج تنزلين وياي
يمامه...مسحت دموعي وكمت واحس كل جروحي انفتحت نزلت وي كل خطوه كلبي يوكع
طبيت بدون ماسلم وكعدت
ابو مهند...بنتي نعرف الي صار ابد مو قليل وحدج بكلشي ومهند الله يشهد ندمان واليل مينامه
يمامه...وشيفيد الندم
مهند...يمامه صدكيني راح اعوضج عن كلشي
والله غلطه وصارت واخذت جزائي
يمامه...دموعي تنزل اباوع على امي وابويه كانو يردون بس اكول اي بكلبي(ليش كل مره كسروني ليش ابد ماتوكفون وياي)
اسمعوني الي ينكسر عمره مايصلح واني مستحيل اقبل
ابو مهند...يمامه فكري ماراح تخسرين يعني منو يقبل يزوجج انتي وابنج
يمامه...كمت وعيوني صارت براسي ومنو كال اني اريد ازوج انتو ليش ماتفهمون ماريده ماريده
وصعدت فوك ابجي
ماراح يعوفوني بحالي طلعت جهازي اتصلت بحارث
حارث...الو
يمامه...اشهك وابجي
حارث...شبيج يمامه شصار عموري بيه شي
يمامه....حارث يردون يزوجوني
حارث...شنووو
يمامه...مهند جايب ابوه وجاي واهلي ساكتين
تعبت شلون يردون ازوجه واني ماكدر حتى اشوفه
يردون يدمرون الي بقى مني
حارث...على كيفج يمامه لا تخافين
يمامه...حارث صدكني ماراح يعوفوني بحالي
حارث...زين يمامه تقبلين تزوجيني.....اتبع
أنت تقرأ
أنثى في فم ذئب
General Fictionانثى تتعرض للأغتصاب من اقرب الناس لها ياتره من يصدقها لتعاني ماتعاني احزان قصة حقيقه #
