أنثى في فم ذئب

أنثى في فم ذئب الجزء ١٤ والاخير

(أنثى في فم ذئب) الجزء ١٤ والاخير للكاتبه ياسمين العزي

يمامه...حبيبي اسفه
عمر....اشو تعالي هيج اسفه متكفي 😉😉
يمامه...خجلت حيل اتقرب مني وووو.💏💏💏💏💏
.....مرت اجمل ايام واجه اليوم الي لازم نرجع
لان عمر عنده دوام بالجامعه
طلب اجازه اضافيه كلوله ميصير لان اتأخر حيل
رجعنه
عمر...حبيبتي خوما ظجتي لان رجعنه
يمامه...لا حياتي دوامك ميصير تتأخر
عمر...حبيبتي والله بالعطله مال نصف السنه اجيبج
يمامه...ان شاء الله
وصلنه البيت
ام عمر...هم زين رجعتو يولو ماتكولون ورانه ام
عمر...يمه حقج والله اخذنه الوقت وماحسينه
ام عمر...شريد منكم بس والله ياابني ماكدر على فراكك
عمر....خلص والله حتى اذا اطلع مره ثانيه اخذج وياي
ام عمر....يمه وشعدي بينكم اني
عمر.....انتي الخير يمه
يمامه....سلمت ع الكل وصعدت فوك وبالي مشغول مهند
وين وشصار بيه لازم اقدم بلاغ عليه دام عندي دليل بيدي
دخل عمر شبيج يمامه كاعده وظايجه
يمامه..اريد مهند يتعاقب اريد اسجنه
عمر...حقج حبيبتي
يمامه...ماعرف ليش حيل اختنكت ونزلت دوموعي
عمر...اسسس يمامه حياتي شجاج
يمامه...كل ما اذكر الي صار اختنك
عمر...لا حياتي كافي انسي كلشي صار ماضي لا تفكرين
ومهند راح يتعاقب بس امشي نروح نحجي ويه ابويه
لازم نكله قبل كلشي
يمامه...اي يلا عمر خلي نحجي وياه هسه ..
نزلنه كاعدين عمي وعمتي
عمر...يابه اريد احجي وياك بموضوع
ابو عمر...احجي عمر
عمر...يمامه تريد تقدم بلاغ على عمر تريد ترتاح
ابو عمر...لا مو وقته هسه
عمر...ليش يابه
ابو عمر...مهند بعده بالمستشفى
يمامه...شنو ليش
ابو عمر...شنو ليش عمر مو ضرب راسه صار عنده نزيف بالدماغ والحد هسه وضعه صعب
يمامه..عمو خوما يموت
ابو عمر...لا ان شاءالله يكوم بالسلامه وانت عمر سالفة البلاغ انساها لان الولد وضعه صعب وحتى صعب يرجع
طبيعي مثل ماجان
يمامه...من سمعت هل حجي راسن صعدت فوك ماتحملت
الوضع دخل عمر
شبيج يمامه ليش تبجين معقوله تبجين على هذا الحقير
يمامه...لا عمر هذا الحقير دمر حياتي وحياته
كلي ليش سوه بيه وبنفسه ليش شنو ذنب امه وابوه وهوه
هل واحد الهم والله مقهوره على امي هسه شكد يكرهوني
عمر...يستاهل ابنهم هذا عقاب ربج الهم
شنو عبالهم اعراض الناس لعبه تردين الي يلعب بعراض الناس شنو مصيره
يمامه حبيبتي تعالي بحظني ويكفي تفكرين بيهم خلص انسيهم كافي
يمامه...دموعي تجري وساكته
عمر...يمامه يلا كومي خلي نتعشه وحتى انام من وكت
باجر ورانه دوام
يمامه...شنوووو عمر دوام شنو
عمر...اي لعد انتي مو عندج جامعه يلا كدامي
يمامه...تحجي صدك
عمر...واني شوكت كذبت عليج
يمامه....يااااا يعني راح ارجع للجامعه
عمر...اي يروحي وان شاء الله يوم الي شوفج دكتوره بالجامعه
يمامه...اي حياتي اني وياك
عمر...يلا ولج كومي ساعدي امي انطيج عين اني
يمامه...هههههه كمت كمت
نزلت جوه سوينه العشه اني وعمتي وظحك وسوالف
حاولت عمتي تحجي وياي بموضوع اهلي بس رأسن
كتله عمه ارجوج سدي الموضوع
عمر...يمامه كملي شغلج وروحي نامي اني راح اطلع اتعلل يم صديقي ما أتاخر
ام عمر...وشعليك بيه
عمر...يمه باجر يمامه اداوم وياي
ام عمر...هااا ع الخير الف مبرؤك بنتي
يمامه...تسلمين عمه صعدت فوك بدلت ومددت اريد انام مدا اكدر انام هسه مهند شحاله ياربي اشكرك اخذتلي حقي يمكن جانت فكرة البلاغ غلط لان اكيد الناس راح
تسمع وليش مسجون وتطلع السالفه اكيد
بس ياربي انت الي مانسيت عبدك الف حمد وشكر الك ياربي طب عمر ولج هاي بعدج كاعده
يمامه...ماجاني نوم
عمر...اي اكيد مو اتعودتي على حظني تعالي حياتي نامي
بحظني والله لازم نكعد من وكت ورانه دوام
يمامه...كعدت من ساعه ٦ سبحت وحظرت ملابسي وملابس عمر
ونزلت جوه حظرت الريوك صعدت كعدت عمر اتريكنه
وبدلنه وطلعنه
حسيت نفسي اول يوم راح ادوام كلش فرحانه رجعت
لدراستي
عمر...هاا حبيبتي فرحانه
يمامه...شون مافرحانه والله عمر ماعرف شلون اجازيك
انت مستحيل اكو منك
عمر...يلا حبيبتي وصلنه اليوم الكل راح يعرف زوجتي الحلوه يمامه
يمامه...فرحت حيل بكلامه لزم ايدي ودخلنه للجامعه
كل الطلاب جوي سلمو عليه ويسألون عليه وليش غبت عنه
عمر...اي باركولي ازوجت وهاي زوجتي
يمامه...الكل يباوع عليه حيل خجلت واكو بنات يباوعن عليه صفح الظاهر ماعجبهن الوضع
راحن من ايدهن عمر اخذني عمر للداره علمود يفهمهم وضعي لان انفصلت بسبب الغياب
رجعوني طلعت من الباب صارت بوجهي سوسن
حبيبتي يمامه والله مشتاقتلج ليش هيج مو كافي امج
وابوج ميتين عليج
يمامه...جان المفروض من البدايه يفكرون اني مظلومه حتى لو واحد بالميه
وحتى انتي الي تعرفين كلشي ماوكفتي وياي ليش ولج
اني مو اختج
بس الله ماينسي عبده الله عوضني بعمر
وياريت ماتتقربين مني رجآ ومشيت وعفته والدمعه بعيني
ليش هيج اهلي وياي ليش والله محتاجتهم
بس مدا اكدر اسامحهم
طبيت للمحاظره باوعت عمر الي دخل ينطي المحاظره
باوعلي وابتسم وعيون كل الطلاب علينه صرنه حديث الساعه الكل يباوع علينه ونحجي عبالك جايين من غير عالم الي عجبني الكل يحب عمر بشكل مو طبيعي
وهوه يظحك ويحجي ويه الطلاب مو كانو أستاذ كانو طالب وياهم الكل يحبه
مرت ايام واجمل ايام مرت عليه احساسه بيه حنيته
حتى جنت ماكدر اشيل عيوني و٢٤ ساعه سوه بس من يطلع يتعلل ابقى وحدي وحيل جنت اظوج من يطلع
اهلي هواي حالو يحجون وياي بس اني ماقبلت ابد
بيوم من الايام حسيت بدوخه مو طبيعيه
وراسي فد مره يوجعني كلت لعمر عاد العصر اخذني لدكتوره سوتلي تحاليل
كلتلي الف مبرؤك حامل ماصدكت طرت من الفرحه
طلعت بسرعه لكيت عمر واكف بالباب
عمر ...شبيج وجهج يظحك
يمامه....عمر اني حامل
عمر...شنووو انتي حاااامل
يمامه...اسكت يمعود فظحتنه
عمر...ماصدك صدك والله يعني ماتشاقين وياي
يمامه...شبيك عمر والله حامل
عمر...ياروحي انتي وفرحتي يلا امشي خلي نطلع
يمامه...اباوع على عمر فرحان اكثر مني بس ياحرام يافرحه مادامت
اخذني للمطعم اتعشينه وكلي نروح نشتري شنو محتاجه
يمامه ...حبيبي خلي نرجع والله مامحتاجه شي
عمر...ماشي خلي انزل اخذ حلويات للبيت
يمامه...ياروحي يلا لا تتأخر نزل جاي حلويات واجه
رجعنه للبيت الكل طار من الفرحه لان اول طفل راح يجي
هذا الي يكول اصير هم وعمر يصيح اني اصير اب
ام عمر...اي واني جده ماكو يكول يمه بعدني صغيره
يمامه...كلنه ظحكنه صعدت فوك ابدل
اجه عمر مستعجل هاا حبيبي وين
عمر...حياتي اكو كعده اليوم يم واحد من اصدقائي خابروني ولازم اروح انتظريني ماطول
يمامه...يعني لازم تروح مو مابقى وقت
عمر...لا حياتي والله ماطول ساعه وارجع
يمامه.. ظجت حيل اتقرب باسني لا ظوجين حياتي
ماطول
ماشي حبيبي انتظرك
رتبت الملابس ونزلت جوه هم عزلت المطبخ كلت شويه اشغل نفسي الحد مايرجع
كملت وصعدت فوك اباوع صارله ساعه ونص من راح
اتصلت ميجاوب اففف مو كال ما اتأخر
كل شويه اباوع الساعه وين راح يربي
الساعه عبرت ١٢ شلون انزل اكول لحارث لا هوه دائمآ
يتأخر من يطلع احس حيل اختنكت
باوعت الساعه صارت ١ ونص لا بعد ما تحمل
نزلت طلعت بوجهي عمتي كتلها عمه عمر مارجع لحد هسه
ام عمر...ولج اشو ماكو احد وينهم
يمامه...شنو ليش ماكو احد طلعنه بالباب هوسه عمتي راحت تركض عليهم
ولكم شكو
حارث...اي يمه ابنج عرس
ام عمر...ولك شنوووووو
حارث...عمر مسوي حادث وميت
يمامه...من كال ميت صرخت بكل صوتي وكعدت بالكاع
وعمتي تصرخ
الناس التمت علينه ركضت وره حارث اجي وياك اريد اشوفه
حارث...ماكووو ارجعي احنه راح نروح للمستشفى
يمامه...كعدت بالكاع وابجي اخذوني وياكم اريد اشوفه
وهوه مامات كالي انتظريني ارجع
اجن نسوان المنطقة ودخلونه بالبيت واني اريد املخ نفسي من كدا ما انهاريت
طلعت اركض لشارع من بين النسوان كمت اشيل طين واخلي على راسي الناس كله التمت عليه
فقدت بعد ماحسيت بشي فتحت عيوني واسمع صوت
عياط بالبيت كمت من مكاني ركض طلعت امي بوجهي
حظنتني واني ابجي وج يمه راح وعافني
هل مره هوه الي عافني كليلي من بقى الي منو
وينه كليلي وينه فدوه يمه اريد اشوفه لو اخر مره
فدوه الله يخليج والله اسامحج بس خليني
اشوفه
ام سوسن...ياعيوني حركتي كلبي عليج هسه اخابر ابوج
يمامه...كلبي نار وماعرف شسوي ياربي يكون هذا حلم
اي حلم وهسه يجي
ام سوسن...عيوني انتي خابرته همه بالجامع دا يغسلونه
يمامه...شنوو يعني ميت يمه فدوه مو كتلج اريد اشوفه
ام سوسن...اي هسه راح يجون للبيت علمود امه
يمامه...طلعت اركض بالباب وانتظر هيج تالي اكعد انتظر جثته احس دموعي نشفت وراسي يريد ينفجر
سمعت صوت طلعت بالباب همه اي همه اختنكت شلون راح اشوفه شلون كلبي يتحمل
نزل حارث بسرعه امشي طبي جوه شوفي الزلم
يمامه...فدوه اريد اشوفه
حارث...فوتي هسه احنه نجيبه
يمامه...دخلوني النسوان شويه وجابوه
والكل تصرخ وامه ملخت نفسه
اتقربت منه اديه ترجفت شلون اريد اريد اوخر الجفن من وجه النسوان يحجن عليه ميصير خطيه
صحت عليهم معليككككم اريد اشوفه كوه فتحته
وانصدم راسه من النص مكسور وشكله حتى ماينعرف
صرخت بعلى صوتي ملخت نفسي
ماحسيت على روحي بعد من شفته بهل منظر
فتحت عيوني البيت قليل بيه صوت وامي واخواتي
كاعدات يمي يمه وينه راح موو
ام سوسن...كافي يابنتي مو انتي حامل مو زين عليج
يمامه...يمه كلبي نار عمر عافني يمه عافني راح
يروح يتعلل اظوج شلون هسه اتحمل
ام سوسن...يلا عيوني كومي خطيه عمتج كومي اكعدي يمه
يمامه...كمت دخلت على عمتي انوب من شافتني اتخبلت بالزايد حظنتني وتبجي ياعيوني ياريحة الغالي
ولج جان يكلي يمه يمامه هيه وروحي
يمامه...هيه تحجي واني ابجي
كمت صاحت عليه امي وين
عوفيني اريد اصعد لغرفتي طلعت صارت بوجهي صورته
مال التخرج
اوف ياحبيبي حركت كلبي عليك
صعدت للغرفه وقفلت الباب رحت للكنتور طلعت
ملابسه وكعدت اشتم بيهن هنا انتهت حياتي........

اني اعتذر جدآ صح القصه حزينه والصراحه بالبدايه حيل
اترددت انو اكتبه بس حسيته تستحق الكاتبه
والشغله حبيت اسوي شي ولو بسيط لعمر الله يرحمه
انو تترحموله
الى القاء حبايبي...اشوفكم على خير

#ياسمين العزي