(انثى في فم ذئب ) الجزء الثاني البارت ٦
للكاتبة ياسمين العزي :
يمامه...جرني حارث لصدره وحظني
حارث...اششش يمامه ما اتحمل اشوفج تبجين
يمامه...بقيت مصدومه حسيت روحي ماكدر اتحرك
حتى ماكدرت اجر نفسي راسي صار على كلبه
واسمع دكات كلبه
ونفسه الحار حسيت روحي انسطرت غمضت عيوني
حسيت روحي صرت بغير عالم
حارث...يمامه اتمنى اشوفج قويه وماكو شي بالدنيا يهزج
يمامه...وخرت من حظنه وانت حارث يمكن ادمرت بسببي
حارث...لا لتخافين اني رجال واعرف ادبر امور
يلا كومي سويلي عشه ترى جوعان ما اكلت سويلي
شي خفيف اريد جبن وجاي
وماريد بعد اشوف ادموعج
يمامه...ابتسمت أن شاء الله رحت للمطبخ
دكات كلبي سريعه واحس روحي عركانه شبيه يربي خجلانه فرحانه ماعرف شنو شعوري
سويت الجاي طلعت خبز وجبن
سيف ...احم احم واني منو يسويلي
يمامه...يمه جفلت
سيف...اي غيري الموضوع
يمامه...هاي شبيك سيف هسه اسويلك
سيف...لا ماريد عشه
يمامه...حيرتني لعد شتريد
سيف...اريد مره
يمامه....هههههههههه
سيف ...شكو كلت شي يظحك
يمامه...اخاف حلمان بيك شي
سيف...لا والله احجي صدك واريد انتي تحجين ويه امي
يمامه...لحظه اودي العشه وارجع اخذت الصينيه
فتحت الباب برجلي لكيت حارث ديخابر يمكن مريم
خليت الصينيه وردت اطلع
اشرلي بيده يعني وين
يمامه...شويه وارجع رجعت للمطبخ اي سيف احجي
سيف...صبي جاي وتعاي اكعدي
يمامه...صبيت جاي اله والي وكعدت مقابيله
سيف..يمامه اني احب وحده واريد ازوجه بس والله
استحي احجي ويه امي
يمامه...هههههههه تستحي
سيف...شبيج يمعوده بس تظحكين يوميه كالبه وجهج واليوم طلعتي كل ظحكج براسي
يمامه...لا بس والله استغربت انت ابو لسان
سيف...اي صحيح بس استحي من امي والله
يمامه...اني احجي وياها بس منو الي تحبه
سيف...بنت خالي رهف
سيف....ياعيني واني عبالي فقيره اي ومن شوكت الحب
سيف...صار سنه وحيل احبه والله واريد ازوجه
يمامه...اي مابيه شي البنيه شفته شكم مره حلوه وحبابه اني احجي ويه عمتي وان شاء الله ميصير خاطرك اله طيب
وبده سيف يحجيلي عن رهف وشلون بده حبهم
محسيت غير حارث فوك راسي
حارث...مكافي سوالف الساعه وحده ونص
يمامه...لا بربك اخذنه الحجي
سيف...اني هم اترخص نعست
يمامه...رحت للغرفه كدام حارث شلت الصينيه
وديته للمطبخ
وحارث ماعرف وينه بس باب المطبخ مفتوح يمكن ناسي شي بالسياره
رجعت للغرفه طلعت بطانية حارث وفرشت اله
لان هوه خطيه ينام بالكاع
رحت مددت بديت اغفي حسيت الباب انفتح
حارث...يمامه نمتي لو بعدج كاعده
يمامه...فتحت عيوني ها حارث
حارث...مره ثانيه شوي انتبهي لتصرفاتج
يمامه...فتحت عيوني حيل عليه وجهي انكلب
شنو قصدك
حارث...ميصير نص اليل كاعده ويه سيف وحدكم
ترى مو لائقه
يمامه...بصدمه حارث شدا تحجي
حارث...احجي لمصلحتج مو لشي عيب هيج تصرفات
يمامه...اشكرك لان علمتني العيب شنو بس اخوك طلب من احجي ويه امك علمود يخطب رهف
وانتو كلكم اخواني كلت هيج ورجعت مددت وصديت بصفحه
حارث...يمامه اني مو قصدي هيج
يمامه...مو مهم تصبح على خير
حارث...يمامه كعدي مو احجي وياج
يمامه...تعبانه اريد انام واني مدا افهمك مره تكسر
مره تجبر
حارث...واني مدا افهم نفسي
يمامه...مافهمت
حارث...هيج يلا تصبحين على خير
يمامه...طول اليل ماكدرت عموري ينام من وكت
ويكعد نص اليل وظجت حيل من كلام حارث
باوعت عليه نايم الشمس شرقت على الشباك كمت على كيفي فتحت الضو حتى اشوف طلعت الي ملابس ردت اسبح جنت حيل مقيده بالنومه ويه
حارث نفس الغرفه حتى من انام ما انزع حجابي وقررت احجي ويه عمتي ارجع لغرفتي
رحت للكنتور طلعت ملابسي قبل لا اطفي الضو باوعت لحارث ماعرف من اباوعله كلبي يعصرني
واحس بدوخه انتبهت لرموشه طوال وسود يخبلن
عزه هاي شبيه طلعت من الغرفه رحت للحمام سبحت
مشطت شعري بالحمام وطلعت
رحت للمطبخ حظرت ريوك
اجت عمتي
ام عمر...الله هذا الصباح الي احبه
يمامه..ههههه صباح الخير عمه
ام عمر...يا صباح الورد تدرين شكد اتعودت على ريوكج وصباحج ومن رحتي احس قطعه مني راحت
انتي بنتي الي ماجابته بطني
يمامه...وانتي امي
ام عمر...ياروحي
يمامه...والله صدك اشوفج امي واشوف بيج الحنيه
لان الام الحقيقه هيه الي تحن على اطفاله مو بس ام والسلام وامي وابويه ماعرف شبيهم حتى اخواتي
كلهم بعد الحادث اتغيرو وياي
ام عمر...لا تكولين هيج بنتي كل شخص واله ظروفه
يمامه...معلينه ابنج يريد يزوج
ام عمر...منو هذا الي يريد يزوج
يمامه...على كيفج عمه سيف يريد يزوج
ام عمر...خبلتيني عبالي حارث حتى ابتلي بيه
يمامه...لا عمه بس حارث هم اله يوم خوما يبقى هيج
ام عمر...لا مايبقى هيج اني اكو شي ابالي بس خلي يجي وقته هسه كليلي شبيه سيف
يمامه...عمه سيف يريد رهف ويريد تخطبيه اله
ام عمر...صدك يمه تحجين
يمامه...اي عمه والله البارحه هوه كلي وهوه يستحي يحجي وياج
ام عمر...لو ما نايمين هسه اهلهل
يمامه...عوجت حلكي اشوف من هسه راح مكاني
ام عمر....هههههه يمه فدوه للي تغار بس يايمه اني افرح من ولدي يختارون صح رهف بنت اخويه واعرفه شنو
يمامه...ههههه لا عمه اشاقه بالعكس فرحت
ام عمر...يلا يمامه كومي كعدي رجلج خلي يروح لدوام واني اروح اكعد سيف وافتهم منه
يمامه...ماشي رحت للغرفه واني بعدني ظايجه من كلامه حارث حارث يلا اكعد
حارث...اني كاعد وليش تحجين بعصبيه
يمامه...لا متوهم ..جان حارث يكوم من مكانه وكف كدامي
حارث...اني اسف والله مو قصدي
يمامه...خلص والله مو زعلان جان يتقرب مني ويبوسني من راسي
غمضت عيوني ودكات كلبي اتسارعت
حارث...اسف وهاي راسج بسته
يمامه...ابتسمت ماصار شي يلا تعال اتريك
حارث...اي دقايق
يمامه....مرت ايام ورحنه خطبنه رهف وكلشي تم
ويوم الخميس العقد
حارث....يمامه حظري نفسج العصر نروح نشتري ملابس الج ولعموري
يمامه...لا حارث وا لله ميحتاج
حارث...كلت حظري نفسج ميحتاج اعيد
يمامه...ماشي بهاي الفتره عموري كبر وصار يكعد
ويظحك وكل البيت متعلقين بيه
العصر بدلت لعموري واني لبست عبايه كتف ورتبت حجابي زين
اخذنه حارث للسوك بالطريق سالت حارث شصار منك ومن مريم
حارث...سالفه طويله
يمامه...اي اسمع
حارث...تريد اطلكج
يمامه...باوعت عليه بصدمه شنو
حارث...لتخافين يمامه مستحيل اقبل بهيج شي
يمامه...لا مو هيج بس انصدمت وانت شنو جاوبته
حارث...يعني شنو اجاوبه اكيد لا شلون اتخلى عنج
يعني انتي وعموري
يمامه...حارث اني ان شاء الله السنه الجايه اكمل دراستي وعندي ابني يعني مو وحدي لا تتخلى عن حبك بسببي اني ان شاء الله ادبر اموري
حارث...سدي الموضوع وكته
يمامه...سكتت وصلنه اول شي اخذت لعموري
وبعدين صرت ادور الي فستان
حارث...يمامه هذا حلو
يمامه...لا عزه
حارث....ههههه ليش قابل انتي عجوز
يمامه....لا بس مو مناسب ابيض وبيه فتحت
ووشوي بيه نفشه
لا عفيه ماريده استحي البس هيج شي
حارث...كيفج
يمامه...على واحد اسود طويل والردن بس مغطيه الكتف ولونه ذهبي حيل حلو و عجبني اريد هذا حارث
حارث...اي حلو اخذيه
يمامه...اخذته واخذت وياه كعب عالي ذهبي
وشويه شغلات ...تعبتك اليوم حارث
حارث...لا شنو هل كلام هاهيه يعني خلصتي
يمامه....اي تسلم رجعنه للبيت وعمتي من شافت الملابس حيل فرحت وكلتلي باجر ترحين ويه العروس لصالون
يمامه...لا عمه شسوي والله ميحتاج
ام عمر...اششش بدون نقاش
يمامه...سكتت ثاني يوم خليت عموري يم عمتي ورحت ويه سيف وصلنه اني ورهف واخته لصالون
جان سيف طاير من الفرحه وكل شويه يغازل رهف
ورهف خدوده صارت طماطه من الخجل
دخلنه الصالون اول شي رهف طلعت تخبل نازكه
لبست بدله حمره كتله من غير شي سيف متخبل
عليج ونوب يشوفج هيج خطيه استحت وسكتت
بلشو وياي
حواجبي من راح عمر اني ممسويته وجانت حيل
صعبه عليه بس ماردت افشل عمتي
ام الصالون...انتي حيل حلوه ليش هامله نفسج
يمامه...ظروف
ام الصالون..هسه اطلعج لعابه
يمامه...عفيه على كيفج ويه حواجبي اني ماحبه
تكون رفعيه كلتلي معليج ما راح تندمين
بس سلميني نفسج
يمامه...كتلها ماشي خلي نشوف
ساعه يلا خلصتني باوعت على نفسي
ام الصالون ..شوفي روحج طلعتي كمر
يمامه...اباوع على روحي صدك اتغيرت ١٨٠ درجه
مكياج سموكي وحمره ورديه فاتح وشعري بس شسورته وبرمت اطارفه ورفعته من عيوني رفعه
بسيطه
كتله والله استحي اطلع هيج
ام الصالون...اطلعي وانتي رابعه راسج
يمامه...اتصلت بسيف لان حيل اتاخرنه وهوه ماتصل
اجت اخذنه هههههه بس حتى ماشافني بقى فاك حلكه على رهف
وصلنه البيت والكل اتعجب بيه وعمتي من شافتني
بقت تصلي على النبي
يمامه....عمه عموري وين
ام عمر....يم حارث
يمامه...التهينه بالحفله سمعت جهازي يدك طلعته شفت حارث
حارث...يمامه اطلعي اني بالحوش جبت عموري يبجي
يمامه....ماشي هسه اجي..جانت الحفله بس بنات
حتى سيف بس لبس لرهف الذهب واخذو صور وراح
....طلعت حارث شايل عموري واكف من شافني
كانو انصدم بقى صافن عليه
يمامه....حارث وين صفنت ههههه
حارث....انتي شفتي نفسج بالمرايا
يمامه...اي ليش
حارث...طالعه تخبلين
يمامه...حيل خجلت حسيته غزل اخذت عموري وطبيت ماعرف حيل خجلت
رجعنه بليل بوقت متاخر اتعشينه يمهم وبقينه آخر شي اجه اخذنه سيف وصلنه ماعرف ليش كلبي
يدك احس ماريد اشوف حارث طبينه سيارته ماكو
الحمدالله
اخذت عموري بدلت اله توني اريد ابدل جان يدك الباب
فتحته عمتي وبيده علاكه
يمامه...اتفضلي عمه
ام عمر...هاج شوفي شنو جبتلج اريدج هسه تلبسيه
يمامه...فتحت العلاكه سيت نوم مشلح ابيض
انصدمت عمه هذا شنو
ام عمر...هذا الج يمامه بنتي اريد مصلحتج اكسبيه
احسن مايروح لغيرج
يمامه...دمعتي نزلت عمه مستحيل والله ماكدر
ام عمر...يمامه اقسم بالله اذا ماتلبسيه وتسمعين كلامي كلشي بينه ينتهي ولا اعرفج ولا تعرفيني
يمامه...بقيت بحالة صدمه عمه هيج ارخص نفسي
ام عمر...لا يمامه متوهمه مو كل اشوف نظرت
حارث الج
يمامه....عمه فدوه
ام عمر...يلا البسيه
يمامه...اخذته من ايده واديه ترجف
لبسته
ام عمر...اللهم صلي على سيدنا محمد
يمامه...من عمتي خجلت شلون حارث
باوعت على نفسي جسمي كله طالع مغطي شي بيسط عمه فدوه ماكو غيره
ام عمر...اششش طلعتي عروس
يمامه...سمعت صوت سياره احس كلبي صار طبل...........اتبع مساء الخير وهذا بارت لعيونكم
بنات لا تنسون دعمكم الي بقناتي على يوتيوب
اشتركو وفعلو الجرس اسم القناة ياسمين العزي بالانكليزي
احبكم...اختكم ياسمين
أنت تقرأ
أنثى في فم ذئب
Художественная прозаانثى تتعرض للأغتصاب من اقرب الناس لها ياتره من يصدقها لتعاني ماتعاني احزان قصة حقيقه #
