Amica mia cruci
Penzi e tempi beddi
Unn'è comu na vota
Ca vinevanu l'aceddi
Tinevi 'nta li brazza
Cu nascia 'nto niru
Ora si cu ammazza
Livannu lu rispiru
Lignu c'assuppa u sangu ri manu
Signu ri culpa pi ogni cristianu
Lignu c'assuppa u sangu ri peri
Signu ri culpa pi tuttu Israeli
Amica mia cruci
Passi jorni brutti
Unn'è comu na vota
Quannu ravi i frutti
Un ti vesti ri fogghi
Comu fici Adamu
E nuddu r'accogghi
A vita ru to ramu
Lignu c'assuppa u sangu ri manu
Signu ri culpa pi ogni cristianu
Lignu c'assuppa u sangu ri peri
Signu ri culpa pi tuttu Israeli
Amica mia cruci
ti livaru a terra
a morti appi fami
Chi renti ri na serra
Senza i to radici
puru iu Aiu siti
ri l'animi nemici
e di tutti l'avutri viti
Lignu c'assuppa u sangu ri manu
Signu ri culpa pi ogni cristianu
Lignu c'assuppa u sangu ri peri
Signu ri culpa pi tuttu Israeli
