Sì na matina u suli s'addummiscissi
e u cielu avissi ancora na bedda luna
Iu 'nta ri mia pinzannu mi dicissi
chista un'è disgrazia
ma è furtuna
Fussi cuntentu
ri firmari u tempu
e un cuntari cchiu l'uri
picchi li stiddi a menziornu la vistu sulu pu duluri
Dicissi o iornu
siddu fa ritornu
ci sentu cchiu priu
picchi lu sai
ci tegnu assai
si na cosa addisiu
Sì na matina u suli
fussi 'nritardu
e all'urizzunti o mari
stassi 'nfunnu
senza luci un cantassi
mancu n'addu
e a genti murmuriassi
è a fini ru munnu
