Midnight Flower (Season 1)

Chapter 5

၂ရက်​ဟူ​သော အချိန်​က တ​ရွေ့​ရွေ့ကုန်​ဆုံးသွားသည်​...ထိုရက်​များအတွင်း Venessa တစ်​ယောက်​စာအုပ်​ဖတ်​လိုက်​မုန့်​စားလိုက်​TVကြည့်​လိုက်​နှင့်​သာ အချိန်​ကုန်​နေလိုက်​သည်​....

ယ​နေ့တွင်​တော့ နာရီနှိုးစက်​မှအသံ​ကြောင့်​ဆတ်​ကနဲ လန့်​နိုးလာ​တော့သည်​...အိပ်​ယာမှလူးလဲထကာ ချထား​သော လိုက်​ကာကို​ဘေးသို့စုထားလိုက်​၏...နံနက်​၇နာရီခွဲရှိ​နေပြီဖြစ်​သော်​လည်း​ဆောင်းဦးအစဖြစ်​၍​နေမပွင့်​တပွင့်​သာ ထွက်​နေပြီး ခြံထဲတွင်​လည်း မြူခိုးများမှာ လွမ်း​မောဖွယ်​လွင့်​ပျံ့​နေသည်​...

ဥယျာဉ်​မှူးJoneတစ်​ယောက်​ပန်းပင်​များကို​သေချာ​ရေ​လောင်း​ပေါင်းသင်​နေ​လေသည်​...သူမအ​ကြောင်းသိ​သော ဥယျာဉ်​မှူးက ပန်းနု​ရောင်​Camellia ပန်းပင်​များကို တယုတယ​ဂရုစိုက်​ပေးရှာပါသည်​...

ဥယျာဉ်​ထဲ​ငေးစိုက်​ကြည့်​နေရင်းမှ ခရမ်း​ရောင်​ဆံပင်​လေးကို နှစ်​ဖက်​ခွဲစည်းထားပြီး ခြံထဲ​ပြေးလွှား​နေသည့်​က​လေးမ​လေးတစ်​ယောက်​သူမ မြင်​ကွင်းထဲဝင်​လာသည်​..ခြံထဲ​ပြေးလွှားရင်း လိပ်​ပြာများကို လိုက်​ဖမ်း​နေသည်​...​မကြာပါ...အ​ပေါ်ဘက်​ငေါထွက်​နေ​သော သစ်​ငုပ်​ကို ခလုတ်​တိုက်​ပြီး​မှောက်​ရက်​လဲပါ​တော့သည်​....​အသံပြဲကြီးနှင့်​ငို​နေ​သော ထိုက​လေးမ​လေးနား အ​ဖေနှင့်​အ​မေဖြစ်​ဟန်​တူ​သော အမျိုးသားတစ်​ယောက်​နှင့်​အမျိုးသမီးတစ်​ယောက်​ရောက်​လာကာ​ပွေ့ဖက်​ရင်း​ချော့​မော့​ပြော​နေလိုက်​သည်​..ထိုက​လေးမ​လေးမှာ အငိုတိတ်​သွားပြီး မျက်​နှာ​လေးမှာ တဖြည်းဖြည်းပြုံးရွှင်​လာ​လေသည်​...
မျက်​တောင်​တစ်​ခတ်​အတွင်း သူမ​ရှေ့မှထိုမြင်ကွင်းမှာ​ပျောက်​ကွယ်​သွားပြီး သူမမျက်​ဝန်းထဲမှ မျက်​ရည်​စက်​များတလှိ်​မ့်​လှိမ့်​ကျဆင်း​လာသည်​...

လိုက်​ကာကို ပြန်​ပိတ်​လိုက်​ပြီး​နောက်​မျက်​နာသစ်​သွားတိုက်​ဆံပင်​ဖြီးသင်​ကာ​အောက်​ထပ်​ထမင်းစားခန်းသို့ ဆင်းလာသည်​...အိမ်​တော်​ထိန်း Fridiက​တော့ သူမအတွင်​နို့ဆန်​ပြုတ်​တစ်​ခွက်​ကိုပင်​အသင့်​ပြင်​ဆင်​ပြီးပြီဖြစ်​သည်​....