စာမေးပွဲက တစ်ဖြည်းဖြည်းနီးလာသည်။ တိတိကျကျပြောရလျှင် (၁၀)ရက်သာ လို တော့သည်။ကျောင်းချိန်ရောကျူရှင်ပါ မပျက်အောင် ကြိုးစားနေရသည်။ အပျော်အပါး၊ အလေ အလွင့်လျော့ရသည်။ နေ့လည်နေ့ခင်း အားသည့် အချိန်တွင် စာကြည့် စာကျက် လုပ်ရသည်။ ညဖက်တွင် ဂစ်တာတီး သီချင်းမဆိုနိုင်တော့ပဲ စာသာ တွင်တွင်လုပ်ရတော့သည်။
'ကိုညီ၊ ဘယ်ဘာသာကြည့်နေတာလဲ´
သြော် ညီလေး၊ ချစ်ရတဲ့ညီလေး၊ ကိုယ်သိပ်ချစ်ရတဲ့ညီလေး။ ကိုယ့်ကို သိပ်ချစ်ပါတယ် ဆိုတဲ့ညီလေး။
သုတခက လတ်ဆတ်လန်းဆန်းနေသည်။
'Eco ကြည့်နေတာ၊ ဒီတစ်ပုဒ်က test tutorial မေးထားတာဆိုတော့ အရေးကြီးမလားလို့။ဘာလို့လဲ´
'ဒီပုစ္ဆာကို မတွက်တတ်လို့။ ရှင်းပြခိုင်းချင်လို့။´
'အမ် ပေး ဘယ်ဟာတုန်း´
'ဒီတစ်ပုဒ်။ ANOVA table နဲ့တွက်ရတဲ့ဟာ။´
'OK ဒီမှာကြည့်´
အကြမ်းစာရွက်များပေါ်တွင်တွက်ပြလိုက်သည်။စာရှင်းပြချိန်တွင် 'အင်း´၊ 'အဲ´ လုပ်ပြီး နားထောင်နေသော သုတခကို ခိုးခိုးကြည့်ရသည်။ ကော့ညွှတ်နေသော မျက်တောင် လေးများက ပုတ်ခတ်ပုတ်ခတ်နှင့်။ ပါးစပ်ကို လဲ တွန့်လိုက် ကျိတ်လိုက် လုပ်နေတတ်သည်။ တစ်ခါတစ်ခါ သူ့ကို ငေးကြည့်နေတတ်သည်။
'နားလည်လား။´
'ဟင့်အင်း သိပ်နားမလည်ဘူး။´
'အေး ဘယ်နားလည်မလဲ။ ကိုယ့်ကိုပဲ ခိုးကြည့်နေတာကို။´
'ဟာ………….. မကြည့်ပါဘူး။´
ရဲတွက်ပါးသော ပါးလေးများ၏ မွှေးမြနေသော ရနံ့က သင်းပျံ့နေသည်။
'ဘာအခုမှ ရှက်နေတာလဲ၊ ကြည့်တယ်ဆိုကြည့်တယ်ပေါ့။´
'ဟာ မကြည့်ပါဘူး။ သူကမှ ရှင်းအောင် မရှင်းပြလို့မရတာကို သူ့ကို ခိုးကြည့်လို့လေး ဘာလေးနဲ့´
'ကြည့်ပါတယ်။ မင်းခိုးကြည့်တာ ကိုယ်မြင်တယ်။´
'မြင်တယ်ဆိုရင် သူလဲခိုးကြည့်လို့နေမှာပေါ့။ ခိုးကြည့်တဲ့သူပဲမြင်တာ။´
'ဟုတ်တယ် ကိုယ်ကခိုးကြည့်တယ်။ ဘာဖြစ်လဲ ကိုယ့်ချစ်သူလေးကို ခိုးကြည့်တာ ဘယ်သူဘာပြောမလဲ။´
'အာ… တိုးတိုးပြောစမ်းပါဗျ။ အရူးကြီးကျနေတာပဲ´
'ဟုတ်တယ်ရူးတယ်ဘာဖြစ်လဲ၊ မင်းကို ချစ်လို့ရူးတယ်။ ဘာဖြစ်လဲ´
'ကိုယ့်ဘာသာရူးတာ ကိစ္စမရှိဘူး။ ကျွန်တော်က အရူးလင်လုပ်ရမှာ မဖြစ်ပါဘူး။´
'အယ် ဒီကောင်လေး။ ငါ့ကိုစိန်ခေါ်တယ်။ တွေ့မယ်။ ငါ့အကြောင်းကောင်းကောင်း သိမယ်။ လာစမ်း´
သုတခကို ဖက်ချုပ်လိုက်ပြီး ပါးနှစ်ဖက်စလုံးကို ဘယ်ပြန်ညာပြန် မွှေးကြူပစ်လိုက် သည်။ ရယ်မောရင် ရုန်းကန်ရင်း၊ လုံးထွေးရင်း အသံများကျယ်သွားသည်။
'ဒုန်း…………………….´
တစ်ဖက်ခန်းမှ ဖရုဿဝါစာတစ်သီကြီးရွတ်သံကြားမှ သုတခက သူ့နှုတ်ခမ်းဖျားပေါ် လက်ညှိုးလေး ဖြတ်ပြီး တိုးတိုး ဟုပြောသည်။ ဟုတ်ပါသည်။ အချိန်က မနက် ၁ နာရီပင် ရှိနေပြီမဟုတ်လား။
'ချစ်တယ်ညီလေးရယ်………….။´
'ကျွန်တော်လဲချစ်ပါတယ်ဗျာ။ ဒါပေမယ့်………´
'ဒါပေမယ့် ဘာလဲ။´
'ဘာမှမဟုတ်တော့ပါဘူး။´
သက်ပြင်းနှင့်ရောချလိုက်သော သုတခကို အားမရစွာ လှည့်ကြည့်လိုက်သည်။
'ညီလေးရယ်။ ဘာလို့ မင်းကိုယ့်အချစ်တွေကို မယုံကြည်ရတာလဲ၊ ကိုယ့်အချစ်က မင်းတွေ့ဖူးတဲ့ ခပ်ညံ့ညံ့ တက္ကသိုလ် အချစ်ဇာတ်လမ်းလိုမျိုးမဟုတ်ဘူး။ ကိုယ် ဘယ်လို ကျိန် ပြောရမှာလဲကွာ၊ မင်းကို ကိုယ်ချစ်တာ တစ်ဘ၀စာကိုချစ်တာပါ။ အထိအတွေ့ မှာ သာယာ တာမျိုးမဟုတ်ပါဘူး။ ခဏတာ ကျောရရုံကြံတာမျိုးလဲမဟုတ်ဘူးကွာ၊ မင်းရင်ဆိုင်ရဲရင် မင်းနဲ့ ဘ၀တစ်ခု တည်ဆောက်ချင်သူပါ…။´
'အစ်ကိုရယ်……………´
ရင်ခွင်ထဲ တိုးဝှေ့လာသော ခေါင်းလေးကို ကြင်နာစွာ ပွတ်သတ်လိုက်သည်။
'ညီလေး.…´
'ခင်ဗျာ…´
'ကျောင်းပိတ်ရင် မပြန်ပါနဲ့လား၊ ကိုယ်တို့ဒီမှာ အတူတူနေရအောင်လေ။ သူများတွေပြန်သွားရင် ကိုယ်တို့နှစ်ယောက်တည်း လွတ်လွတ်လပ်လပ်နေလို့ရမှာ။´
'ဟင်း………………..။ နေချင်တာပေါ့အစ်ကိုရယ်..။ ဒါပေမယ့် မဖြစ်ဘူး။ ဒီတစ်ခေါက် တော့ ပြန်ရမှာ။ အိမ်မှာအလှူလုပ်မှာဆိုတော့လေ။ ကျွန်တော်က အစ်ကို့ကိုတောင် ဖိတ်မလို့။´
'အဲလိုဆိုရင်တော့ ကိုယ်လဲ လိုက်ဖြစ်မှာမဟုတ်ဘူး၊ အစ်ကိုလဲ အိမ်မှာ ကိစ္စလေးတွေ တော့ရှိတယ်။ ညီနဲ့နေချင်လွန်းလို့သာ ပြောမိတာ။´
'နှစ်လထဲမှာအစ်ကိုရယ်။ ခဏလေးနဲ့ ပြီးသွားမှာပါ။ ကျောင်းဖွင့်မှပဲ စောစောလာကြ တာပေါ့။ နော်´
'အင်းပါ။ ဟုတ်ပါပြီ၊ ဒါပေမယ့်နော် ကြိုပြောထားမယ်။ ကျောင်းပြီးရင် အစ်ကိုနဲ့ အတူတူ နေရမယ်။ အစ်ကို မင်းကိုရှာကျွေးနိုင်ပါတယ်ကွာ။ ညီလေး နေရဲလား။´
'နေရဲလားဆိုတော့………….။ နေတော့နေချင်တာပေါ့အစ်ကိုရယ်။ အစ်ကို ကျွန်တော့်ကို ချစ်နေသရွေ့အစ်ကို ကျွန်တော့်ကို မထားသွားသရွေ့ ညီ အစ်ကို့ဘေးနားမှာ အမြဲတမ်းရှိနေမယ်။´
'ညီကလဲ ဘာတွေပြောနေတာလဲ။ အစ်ကို ညီ့ကို ဘယ်တော့မှ မုန်းမသွား။ ထားမသွားဘူး၊ ချန်မသွားဘူး။ စိတ်ချ၊ ညီသာ ကိုယ့်ဘေးနားမှာရှိနေပေးမယ်ဆိုရင် ဘယ်တော့မှ ခွဲမသွားဘူးစိတ်ချ။ ကိုယ် ကျိန်ဆို ကျိန်ပါ့မယ် ညီလေးရယ်…။´
တွန်းခနဲ့ ရင်ခွင်ထဲက ရုန်းထွက်လိုက်သော သုတခ၏ မျက်ဝန်းများက လဲ့ကြည်တောက်ပနေသည်။
'အဲလောက်မလိုပါဘူးဗျာ။ ဒါမျိုးက အပြောစောလို့မရသလို၊ သက်သေပြလို့လဲ မရပါဘူး။ မိုးလင်းလာတဲ့ နေ့သစ်တိုင်း နေ့သစ်တိုင်းက သက်သေဖြစ်လာမှာပါ။´
သုတခ၏အချစ်ကို ရလိုက်သော်လည်း သုတခယုံကြည်မှုကို အခုထိ သူရအောင် မကြိုးစား နိုင်သေး။ အမြဲတမ်းစိုးရိမ်၊ အားငယ်တတ်သော သုတခကို သူ ဘယ်လိုပဲ ပြောပြော၊ ဘယ်လောက် ပဲပြောပြော မရ။ စိုးရိမ်မြဲ စိုးရိမ်ဆဲပင်ဖြစ်သည်။
'ဟင်း………….။´
ဒီတစ်ညအဖို့ သက်ပြင်းချရင်း သက်ပြင်းချရင်းနှင့်ပင် မိုးလင်းသွားလိမ့်မည်။
'အိပ်တော့မလားဟင်၊ ကျွန်တော်သွားတော့မယ်။´
'ဒီမှာ အိပ်ပါလား။´
တစ်ယောက်ကတင်မှာ နှစ်ယောက်အတူတူအိပ်ခြင်းက ဒါပထမဆုံးအကြိမ် မဟုတ်သဖြင့် သုတခက သည်းသည်းထန်ထန်မငြင်းပဲ၊ ပြုံးသာ ပြုံးပြလိုက်သည်။
'မအိပ်ချင်သေးဘူး အစ်ကိုရဲ့။ ညအလင်းဆိုင်မှာ မုန့်သွားစားရင်ကောင်းမလားလို့ စဉ်းစားနေတာ။´
'အမ် အစ်ကို့ကို ခေါ်လည်းမခေါ်ဘူး။´
'မခေါ်ဆို သွားမှမသွားရသေးတာ။ လိုက်မလားလို့ အဖော်စပ်မလို့ စကားဦးသန်းပြနေတာ။´
'စကားဦးလဲ သန်းမပြနဲ့၊ စကားပလ္လင်လဲ ခံမနေနဲ့၊ သွားမယ်။ အစ်ကိုလဲလိုက်မယ်။´
'Ok ဒါတွေဒါတွေကြောင့် အစ်ကိုကြီးကို ချစ်ရတာ။´
ပြုံးချို ရွှင်ပြနေသော သုတခကို ရွတ်ကနဲ့ နမ်းလိုက်သည်။
'ဘာလဲ တစ်ယောက်တစ်စီးသွားမလုိ့လား။ ကျွန်တော့်ဆိုင်ကယ်နဲ့သွားမယ်လေ။´
ဆိုင်ကယ်သော့ယူလိုက်သော သူ့လက်များတွန့်သွားသည်။
'ဟုတ်ပါပြီး ကောင်းပါပြီ။ ဆီတော့ရှိပါတယ်နော်။´
'ရှိပါ့ဗျာ။ အပြည့်အပြည့်။ ဆီမရှိလဲ ဆီးထည့်မောင်းမှာပေါ့။´
'ဆီးထည့်မောင်းလို့ရရင် ကောင်းတာပေါ့။´
အဆောင်ပေါ်ကနေ စကားတပြောပြောနှင့်ဆင်းလိုက်သည်။ စာကြည့်နေကြတဲ့သူနဲ့၊ အိပ်နေကြတဲ့သူတွေ၊ ပြီးတော့ ဖဲဝိုင်းကလဲကောင်းနေဆဲ။ မိန်းကလေးအဆောင်ရှေ့မှာ ဂစ်တာသွားတီးတဲ့တစ်ချို့ကလဲ ပြန်မလာကြသေး။
'ရော့အစ်ကိုမောင်း´
ဆိုင်ကယ်သော့ကို ယူလိုက်ပြီး ဆိုင်ကယ်ပေါ်တက်လိုက်သည်။ အဆောင်မှုးကို မုန့်သွားစားမလို့ဟု တစ်ခွန်းတည်းပြောခဲ့သည်။
'စာတွေရပြီလား။´
ပြောစကားကို ကြားနိုင်ရန် ရှေ့တိုးလာသော သုတခ၏ ရင်ဘတ် ကျောပြင်တစ်ခု လုံးကို ထိကပ်နေသည်။
'ရတဲ့ဟာတော့ရတယ်။ မရတဲ့ဟာတော့ မရဘူး။ ဒါပေမယ့် အောင်မှတ်တော့ ရတန်ကောင်းပါရဲ့။´
နားနားကပ်ပြောသော သုတခ၏ လေသံက နွေးထွေးလှသည်။ တဟူးဟူးတိုက်သော လေနှင့် ကပ်ပါလာသော တမာနံ့မွှေးမွှေးက လူကိုလန်းဆန်းစေပြန်သည်။
'ဂုဏ်ထူးတန်းပါမလား။´
'အာ…. အောင်မှတ်တောင်မှ ရတန်ကောင်းပါရဲ့ဆိုနေ ဘယ်နှယ့် ဂုဏ်ထူးတန်း ရမှာတုန်း၊ supply မထိရင်ပဲ ၀မ်းသာနေရမှာ။´
ခါးကို တင်းတင်းကျပ်ကျပ်ဖက်ထားသဖြင့် သုတခရယ်လျှင် တစ်သိမ့်သိမ့်တုန်နေ သည်။
'အိပ်မက်လေးထဲ…. လာမှလားကွယ်…. လာနိုင်ပါတယ်၊ ပြန်လည်ထွက်မသွားနဲ့……
ဒီရင်မှာအမြဲတမ်း… နေပါတော့ကွယ်….ဒီရင်ဟာ မင်းအတွက်… အလုံခြုံဆုံးပဲ…´
ထူးအိမ်သင်၏ 'ခွင့်မပြု´သီချင်းကို ညည်းဆိုလိုက်သည်။
'အိုး….အချစ်ရယ်… နိုး နိုး၊ မုန်းမသွားနဲ့နိုး နိုး၊ ခွဲမသွားနဲ့ နိုး နိုး၊ ခွင့်မပြုနိုင်ဘူး…။
ကိုယ်မငိုချင်လို့ပါနိုး နိုး………………… မုန်းမသွားနဲ့နိုး နိုး၊ ခွဲမသွားနဲ့ နိုး နိုး၊ ခွင့်မလွှတ်နိုင်ဘူး ကိုယ်မငိုချင်ဘူးကွယ်………..။´
တစ်ချို့အပိုဒ်များကို သုတခကပါ လိုက်ဆိုသည်။ အသံများက တဖြည်းဖြည်း ကျယ်လာသည်။ သီချင်းတစ်ပုဒ်ပြီးတော့ အခြားသီချင်းတစ်ပုဒ်ကို ဆက်ဆိုကြသည်။
ငြိမ်သက် တိတ်ဆိတ်နေတဲ့ ကျောက္ကာလမ်းမကြီးရယ်။ တရွေ့ရွေ့ပြေးနေတဲ့ ဆိုင်ကယ်လေးတစ်စီးရယ်၊ ကိုယ်တို့နှစ်ယောက်ရယ်။ ပြီးတော့လမင်းကြီးမရှိပေမယ့် လင်းလက်နေတဲ့ ကြယ်လေးတွေရယ်။ တိုက်လေနဲ့ ပါလာတဲ့တမာနံ့သင်းသင်းလေ။
အိုး……………… ကိုယ့်ဘ၀မှာ ဒါဟာ လောကနိဗ္ဗာန် ပါပဲချစ်သူရယ်…။
