روايه حبيبي لغز حيرنى
بقلم جنه الاحلام
الحلقه الثامنة
★★★★ناديه: ماتبوظش الدنيا كلها في لحظه ياعمرو صدقنى ياابنى مادام بتحبك هتسامحك وخصوصا انها حاجه مش بإيدك ومالكش ذنب فيها
ليك عليا ياسيدى انا بعد قراءه الفاتحه هروح واقعد معاها واشرح لها كل شيء
عمرو: مش عارف ياماما مش مطمن حاسس ان في حاجه هتحصل قبل قراءه الفاتحه
وبعدين حقها تعرف قبل مايبقي فيه اى شىء رسمى انا ضميرى واجعنى اوى انى خبيت عليها كان لازم أقولها يوم مااتقدمت لها اى حياه ناجحه لازم يبقي فيها صراحه من أولها
ويارب تسامحنى وتقدر موقفي لما تعرف
ناديه: سيبها لله وهتبقي عال ان شاءالله
★★★★هاجر: ازيك يا استاذ مالك
مالك: الحمد لله ازيك يا دكتوره
هاجر: خير لسه برده اللثه بتوعجك؟!
تسمح لي اشوفها
مالك: اتفضلي
هاجر: تمام الالتهاب خلاص الحمدلله راح تماما
امال بتشتكى من ايه؟!
مالك: بصراحه كنت عايز اشوفك ومالقتش اى طريقه غير دى
هاجر باستغراب: ياسلام لسه زى ماانت يامالك مااتغيرتش
مالك: قصدك ايه؟!
هاجر: مجنون وأى حاجه تطق في دماغك تعملها
مالك: ههههه ده رأيك فيا
هاجر: عندك رأى تانى؟!
مالك: لا انا شايف ان انا عاقل خالص
بس اللي حواليا هما اللي بيفهمونى غلط وكمان انا طيب خالص انكرى بقي
هاجر ضاحكه:
لا مش هنكر فاكر يامالك لما كنا بنلعب سوا ووقعتك علي الارض وراسك اتعورت واخدت خمس غرز
مالك: فاكر طبعا ودى حاجه تتنسى كل مره العب معاكى اطلع بإصابه
هاجر: كانت أيام سبحان الله
مالك: كانت أحلي ايام بس إن شاء الله يكون الجاى أحلي واحلي بس من غير ماتعورينى ياهاجر
هاجر: لا ماتقلقش انا بقيت كيوته خالص
مالك: يعنى اطمن ولا ايه؟!!
هاجر: تتطمن علي ايه يامالك؟!
مالك: علي مستقبلي
هاجر: دى حاجه بايد ربنا
مالك : ماشى انا هستأذن انا دلوقتى
مش عايزه اعطلك وان شاءالله نتقابل تانى قريب علي خير مع السلامه
هاجر: مع السلامه
★★★سلوى: بقولك ايه يايوسف صحباتى كانوا بيقولوا ان المركز اللي بيشتغلوا فيه طالب دكاتره حديثه تخرج كنت بفكر أروح فرصه اتدرب هناك
يوسف: يعنى عايزه تقولي ان اللي هناك هيدربوكى احسن منى؟! عايزه حد تانى يدربك غيرى اخص عليكى ياسلوى
سلوى: لا مش قصدي بس هنتدرب هنا ازاى ماانت شايف الوضع بنفسك عامل ازاى؟!
يوسف: ومين قالك اننا هنتدرب هنا
سلوى: امال هنتدرب فين
يوسف: هتدربى معايا في العياده خلاص الافتتاح هيكون الاسبوع الجاى مش عايزه تشتغلي معايا ولا ايه؟!
سلوى: لا طبعا احب اشتغل معاك توكلنا على الله
يوسف: علي فكره انا هكلم عمى ان شاءالله النهارده وهطلب منه نكتب الكتاب عشان نقدر نخرج ونتفسح براحتنا ايه رأيك؟؛
سلوى: مادام فيها خروج وفسح موافقه طبعا
يوسف: ربنا يقدم اللي فيه الخير
★★★الحاجه سعيده: بت يا غاليه
غاليه ايوه ياعمتى في حاجه
الحاجه سعيده: خلاص انا كلمت الواد عبدالرحمن كامل وجالي انه يعرف واحد من مصر هيكلمه وهو هيتصرف في رجاله ينفذوا الموضوع اللي اتفقنا عليه ده الاسبوع الجاى ايه رأيك يابتى؟!
غاليه بثقة: توكلنا على الله مادام ده هيريحك ياعمتى وربنا يسترها
الحاجه سعيده: ان شاءالله ربنا هيسهلها وتعدى الحكايه دى كلها علي خير
غاليه: مش واجب نبلغ سيد بالحكايه دى ولا ايه؟! الحاجه سعيده: لا بلاش يابنتى مش هيوافق وهيجف لنا انتى ماشوفتيش اخر مره قال إيه،؟!
غاليه: امال هنروح مصر ازاى من غير مايعرف
الحاجه سعيده بقلق: ربنا يدبرها من عنده
★★★
بقلم جنه الاحلام
جهاد: ها يابابا عملت ايه في موضوع العريس اللي قولتلك عليه
محمود: بحاول أسأل عليه يابنتى لاحظى انه كان عايش بره مده ومحدش عارفه هنا
جهاد: طيب وبعدين يابابا دول خلاص جايين الجمعه هنعمل ايه؟!
محمود: انا كلمت الدكتور عبد العزيز الخولي ابن خالة والدتك قالي انه يعرف دكتور كان صديق للدكتور عبد الفتاح زمان قبل مايسافر وقالي هيرد عليا بكره ان شاءالله
جهاد: ماشي يابابا ربنا يسهل من عنده
محمود: ربنا يسعدك ياحبيبتى ويكتب لك الخير
جهاد: امين
![](https://img.wattpad.com/cover/163015992-288-k348860.jpg)
أنت تقرأ
من أنت يا من ملكت قلبي
Romanceرجل بملامح قاسية يخفى بداخله كثير من الأسرار يختاره قلبها فيعذبها بغموضه وأسراره