من أنت يا من ملكت قلبي

الفصل الحادي عشر

روايه حبيبي لغز حيرنى
الحلقه الحاديه عشره
بقلم جنه الاحلام
★★★★

ناديه: تسمحي لي ياحاجه سعيده أقدم لك اخوكى عوض
عمرو وسعيده جالهم ذهول
سعيده: معقوووول!!!!!!
عمرو: انتى بتقولى إيه ياماما انا مش فاهم حاجه!!!!!!
عبد الفتاح: اسمعنى ياعمرو ياابنى
اللي قدامك دى اختك الكبيره هى اللي جابتك المستشفي وانت صغير وهربت
عمرو بذهول: ايه؟!!!!
ازاى و ليه عملتى كده وفين أمى ومين أمى؟!!!
سعيده ببكاء شديد: سامحنى يااخوى ابوس يدك سامحنى
انا مش مصدقه.اللي حصل يعنى هو اخوي صح؟!!!
عبد الفتاح: ايوه هو ده اللي جبتيه وهو صغير المستشفى
عمرو: فهمينى ليه عملتى كده وفين امى؟!!

سعيده: أمك يااخوى ماتت بعد مااتولدت بشهور كان اسمها جميله وكانت جميله في كل شىءكانت صبيه يتيمه رباها اخوها بس كان قاسى عليها واتجوزها ابوى بعد ماا أمى ماتت بسنين
كنت ديما اسمعها تدعيلك كتير لسانها كان علي طول يدعيلك حتى وهى بتموت كانت تدعيلك وتوصينى عليك

عمرو كان بيسمعها وهو بيبكى ويشهق زى الاطفال : ليه عملتى كده؟!!
ليه رمتينى في المستشفى وهربتى

سعيده ببكاء: سامحنى يااخوى الطمع والحقد عموا قلبي وربنا اخد لك حقك منى بدل المره أربعه 
واخره طمعى خسرت كل شىء

عمرو: سامحينى باأمى ظلمتك كتير أوى وكرهتك من غير مااعرف الحقيقه
الحاجه سعيده: امك ليلاتى تجينى في المنام وتطلبك يااخوى
هاخدك البلد تزور قبرها وتدعى لها بالرحمه هى وابوى
ناديه: اهدى ياعمرو كفايه كده ياحبيبي شكلك مرهق وتعبان ارحم نفسك
عمرو: مش قادر استوعب ياماما قلبي واجعنى اوى انى ظلمت أمى وكنت ديما ادعى عليها واكرهها  مش قادر استوعب اخت ممكن تعمل كده في اخوها اللي مالوش حد غيرها في الدنيا
سعيده:سامحنى يااخوى دا انا دفعت التمن غالي قوى
نفسى افهم بس  حاجه ليه قالوا ان عوض اخويا مات واندفن في مدافنكم

عبد الفتاح: عمرو ده كان اسم ابنى الكبير كان مولود بعيب خلقي في صمام فى  القلب حاولنا كتير في علاجه
وفي يوم وانا بتابع الحالات في المستشفى لقيت اخوكى لوحده سألت عن حد من اهله مالقتش وكان بيعيط بحرقه كتبت اقرار باستلامه ورجعت بيه البيت لناديه
وطلبت منها تاخد بالها منه زى عمرو تمام لحد مانعرف أهله فين علي امل اوصلهم ونعمل ثواب في الطفل المريض ده عشان ربنا يكرمنا ويشفى ابننا
ناديه حست بحب شديد له وقلبها اتعلق بيه وهو كمان ورضع منها وخلاص بقي واحد مننا حتى مع الوقت  معدتش بشغل بالي اهله مين ولا راحوا فين؟!!
ربنا كتب له الشفاء بسرعه وبدأ يتحسن تماما وعمرو ابنى كانت حالته بتسوء لحد ما الدكتور قرر يعمله عمليه وعمرو مات بعدها باسبوعين وعمره سنه ونص
وكان سن اخوكى قريب له
وقتها خدنا قرار غريب  يمكن محدش يصدقه وقولنا اكيد ربنا له حكمه اننا نقابل الطفل ده وبعدها بأقل من سنه ابنى يموت كأن ربنا قبل مايبلينا بفقدان عمرو بعت لنا طفل نحبه ونتعلق بيه ويكون سبب صبرنا على فراق عمرو
وعملنا شهادة وفاه باسم الطفل اللقيط ودفنته عندى وربيت عمرو اللي ربنا بعتهولي يعوضنى عن ابنى
طبعا كان قرايبنا واصحابنا عارفين الحقيقه وكانوا بيعاتبونى  جدا بس اصريت عشان اما الولد يكبر يبقي متأكد انه ابنى ومكنتش ناوى أقوله الحقيقه لولا انه سمعنا مره بتكلم وفهم  اللي حصل
بقلم جنه الاحلام
سعيده: سبحانك يامدبر الامر
مكرت وخططت واتمنيت موت اخوى عشان اخد ملك ابوى كله اهوه انا هموت خلاص واخوى ربنا هيرد له حقه ويورث ملك ابوه كله
آمنت بعدلك ورضيت بحكمك تغفر لي ذنبى وتحنن قلب اخوى ويرضى يسامحنى
قاومت سعيده تعبها ومرضها وقربت من عمرو ونزلت علي الارض منهاره ابوس رجلك يااخوى سامحنى قبل مااموت
مسك عمرو ايدها: قومى ياحاجه الله يسامحك مش عارف أقولك ايه ؟!!
سعيده: قول سامحتنى
عمرو: لو قلت لك كده يبقي بكذب عليكى سبيها للأيام اللي عايز اعمله دلوقتي عايز اروح قبر  أمى
سعيده: وقت مااقدر اخرج من هنا اخدك ونروح يااخوى
عبد الفتاح: هنروح دلوقتي نخلص المحضر هكلم المحامى عشان يخلص الموضوع ده في أقرب