من أنت يا من ملكت قلبي

الفصل الرابع عشر

روايه حبيبي لغز حيرنى
الحلقه الرابعه عشره
بقلم جنه الاحلام

★★★★★★★★★

سعيده: كان بدى اتكلم معاى يااخوى في موضوع
عمرو: اتفضلي
سعيده: انت ليه مش عايز تقعد معانا ولا راضي تغير بطاقتك وترجع لاسم ابوك وعيلتك
صحيح هما ربوك زين يااخوى بس مهما كان هنا جدرك الحقيقي
كلامى فيه حاجه غلط؟!
عمرو: لا أبدا بس ع الأقل مش دلوقتي
سعيده: ليه؟!!ليه مش دلوقتي
عمرو: لانى لو عملت كده هعرض بابا عبد الفتاح للمسائله القانونية وهيتهم بالتزوير وده مش رد الجميل للي عمله معايا
وانا معنديش خلفيه صراحه من الناحية القانونية ايه الحل؟!
اما ارجع القاهره واستقر هروح لمحامى واحاول اشوف حل مايعرضش بابا لأى مشاكل

سعيده: أصيل ياابن ابوى
طيب ماجاوبتنيش مش هتعيش معانا ليه هنا؟!
عمرو: سبق وقولتلك مش هقدر أعيش هنا الجو غريب عليا بس إن شاء الله هبقي اجيلكوا زياره على طول
سعيده: شوف سبحان الله اتكتب لك تعيش بره بعيد عننا اتعلمت واتنورت وبقيت زى الورده يااخوى
عمرو: اكيد ربنا له حكمه مين عارف لو كنت فضلت هنا كنت هكون ايه مش بعيد كنت هبقي زى مسعد
سعيده: بعيد الشر عنك انت قلبك ابيض زى اللبن الحليب يااخوى انت حاجه ثانيه
طيب لو انا جرالى حاجه قبل ماانت تغير ورقك في الحكومه هتاخد حقك ازاى؟!
عمرو: سبيها بظروفها
اقولك وزعى الأرض عليهم
سعيده بغضب شديد: أرض ابوى اقطعها ياعيب الشوم
ازاى تقول كده ياعوض؟!!
عمرو: مش هما اللي اشتغلوا فيها عمرهم
سعيده: واخدوا حقهم الطاق طاقيين وتلاته كمان
واشتروا بيوت وأراضي كمان انا مابخلتش عليهم  انا بعد مااولادى ماتوا كنت بوزع عليهم كل شيء
فيه اللي بياخد ويشكر زى سيد وغاليه وعارف
وفيه زى مسعد كل ماتديه يطمع زياده
ربنا يهديه
عمرو: أمين يارب تعالي نغير الموضوع ده

بفكر بكره اطلع رحله كده نغير جو في الاقصر او اسوان
سعيده: وماله نقول لعبد الرحمن وسيد يطلعوا معاك بالعربيه وتروحوا وترجعوا وقت ما تحبوا
عمرو: تمام
سعيده: تروح وترجع بالسلامه يا اخوى
بقلم جنه الاحلام
★★★★★★★

ناديه: وحشنى عمرو اوى ياولاد
احمد: وانا كمان والله وحشنى أوى الله يكون في عونه شاف كتير الفتره اللي فاتت
زياد: ماقالش هيرجع امتى طيب؟!!
ناديه: كان بيكلمنى من شويه بيقول هيطلع بكره بغير جو في الاقصر
احمد: ايه النداله ياعمرو لوحدك كده
ناديه: ماتقلقش قال المره الجايه هنطلع كلنا مع بعض
وان شاء الله بعد بكره هيرجع
أحمد: أه بالحق يازياد شوفتك كده مندمج قوى مع مندوبه شركه الادويه ومش واقف علي بعضك مش خير؟؟!
زياد: انت بتسيحلي ياأحمد ماشى دى انسه محترمه جدا
ناديه: امممم ده باينه حصل ولا إيه؟!
زياد بارتباك: هو ايه اللي حصل انا ماشوفتهاش غير أربع مرات
عبد الفتاح: حلوين انت هتطمع انا شفت والدتك في فرح ابن عمى بعدها بيومين كنت خاطبها
احمد: يابابا انت يامخلص
عبد الفتاح: عقبالك انت كمان اما تخلص مفيش واحده لفتت نظرك خالص
ايه البنات خلصوا؟
احمد: ربنا يسهل ادينا بندور
ناديه: ربنا يرزقك الزوجه اللي تسعدها وتسعدك ياحبيبي انت واخوك ويرجعك لينا يا عمرو بالسلامه
بقلم جنه الاحلام