روايه حبيبي لغز حيرنى
الحلقه الثالثه عشره
بقلم جنه الاحلام
★★★★
ناديه: احنا اتشرفنا بيكم وربنا يجمعنا في الخير يا رب
سميره: يارب حبيبتي
محمود: ماعرفتش ياعمرو انت ناوى على إيه؟! يعنى هتفضل هنا ولا هترجع الصعيد ولا ناوى على إيه
عمرو: غالبا هفضل هنا عشان شغلي انا مااعرفش هناك الظروف هتكون ازاى
بس جوايا فضول انى اروح بلد أهلي واشوف البيت وأزور قبر والدى ووالدتى وادعى لهم بالرحمه
يعنى كام يوم ان شاءالله وأرجع
محمود: ربنا يصلح الحال
عمرو: انا كان ليا رجاء لو حصل نصيب إن شاء الله ووافقتوا اتمنى اما أرجع من هناك نعمل كتب الكتاب مع الخطوبه
محمود: لا لا مش هينفع في وسط اللخبطه دى ياابنى لما تشوف امورك وتستقر مش هنسعجل فى مسأله الجواز دلوقتي
عمرو: انا ماقصدتش جواز انا بس بقول كتب كتاب عشان أقدر اخرج معاها وانا مرتاح نفسيا مش حاسس انى بعمل حاجه تغضب ربنا
وانا مستعد أأقدم لحضرتك الضمانات اللي ترضاها ونخلي فتره الخطوبه لحد ماحضرتك تتطمن خالص
محمود: سيبنا نفكر في الموضوع ده ونرد عليك عما تسافر وترجع ونشوف الامور هتوصل لفين
عمرو: الله المستعان
سميره: وناوى ع السفر امتى ان شاءالله؟
عمرو: يومين بإذن الله وبستأذنك ياعمى جهاد ترجع المركز عشان هعتمد عليها في الشغل فتره سفرى لان المركز بقاله كان يوم مقفول وفيه ضغط شغل هكون معاها بكره وبعده وهى تكمل عما ارجع ان شاءالله
محمود: معنديش مانع توكلنا على الله
★★★★★★★★
بقلم جنه الاحلام
سعيده: ألو ايوه ياسيد عامل ايه ياولدى
سيد: الحمد لله بخير كيفك ياعمتى اخبار صحتك ايه؟!!
سعيده: كويسه ياولدى الحمدلله كنت عايزه منك حاجه مهمه ياسيد
سيد: خير ياعمتى في إيه؟!
سعيده: طبعا انت عارف ان انا وعوض راجعين البلد بعد يومين
سيد: ايوه ياعمتى ومستنيكم علي نار ومتشوقين نقابل عوض ونتطمن عليه
سعيده: فيك الخير يا ولدى
سيد: خير ياعمتى كنت عايزانى في ايه؟!!أأمرينى
سعيده: عايزاك طول ماعوض في البلد مش عايزاك تسيبه لوحده انت وعبدالرحمن ومعاك سلاحك أوعى ياسيد حد يتعرض له و يحاول يأذيه
سيد: حاضر ياعمتى ماتقلقيش مش هشيل عينى من عليه
سعيده: تسلم ياسيد ياولدى
ربنا يجيب العواقب سليمه
بقلم جنه الاحلام
★★★★★★★★★★
في المركز
مالك: صباح الخير يا دكتوره هاجر
هاجر بدهشه: مالك؟!ايه ياابنى اللي جابك هنا
مالك: وحشتينى قلت آجى اشوفك
هاجر: انت كنت لسه عندنا من يومين وبعدين يامالك بعد كده لو جيت هنا بدون داعى هخلع لك ضروسك انا حذرتك اهوه
مش عايزه حد ياخد باله في المركز او يقولي كلام مالوش لزوم
مالك: انتى مكبره الموضوع على فكره انا خطيبك يعنى مافيهاش حاجه
هاجر: اولا محدش يعرف لسه اننا مخطوبين ثانيا حتى لو مخطوبين رسمى ماينفعش برده تيجى كل يومين تلاته المركز ده مكان شغل
أنت تقرأ
من أنت يا من ملكت قلبي
Romanceرجل بملامح قاسية يخفى بداخله كثير من الأسرار يختاره قلبها فيعذبها بغموضه وأسراره
