TOMBOY SEASON 4 (COMPLETED)

Twist of Fate - Part 17

Sambungan....

"Macam simbol Yin Yang tapi ada bintang di tengah-tengah", kata si Annie dan langkah Professor Madi terhenti. Semua orang memandangnya dengan hairan.

"I got the same pendant"....

Professor Madi meningu si Annie dengan muka terkejut and same goes to Annie. 

"I was adopted when I was 3 by mom from Singapore", bilang Annie and referring Summer as "the mom". 

"I was too from Singapore.. I was 7 and adopted too", bilang Professor Madi.

"You two.. is this coincidence? Naik bulu2 sy ni", bilang si Mary yang sedang selesa di belakang Professor Madi. 

"I think kita balik pigi tingu tempat mayat yang kita jumpa tu tadi and guess you two buli buat recognition based on your own eyes", bilang James sambil menarik tangan si Annie. Sejak si Annie kena tarik ke dalam sungai tadi, susah betul si James mo kasi lepas tangan si sumandak geek itu. Takut dia nanti tiba-tiba girlfriendnya kena tarik barang lain lagi.

"Ok, let's move", bilang si Faith dan mengikut langkah abang dia di belakang Annie.

"Macam mana juga ko buli jatuh sana, Mary? I thought you said you know the way?", tanya si Angel yang sekarang berada di belakang Professor Madi. 

"Sy macam tersesat sekejap bah padahal sy tau mana itu jalan masuk tadi but somehow I was lured there", bilang si Mary sambil memperkemaskan lingkaran tangannya yang melilit di leher si sado. 

"For what reason juga ko keluar satu-saturang? Mimang buduh bah ko ni!", meradang si Professor Madi sambil mengadjust pegangan tangan dia pada kaki si Mary.

"Sy punya henpon jatuh bah so sy mo pigi ambil balik. Mana sy tau sy akan silap jalan dan terjatuh pigi itu tempat. Suka hati ja ko panggil sy budu ar, Tailingung?!", bentak si Mary pada Professor Madi yang memarahinya tanpa usul periksa. 

"Eeeee!!", si sado menggigit tangan si Mary dengan perlahan namun muka dia menunjukkan kegeraman yang amat sangat.

"Eee!! Budu!!", si Mary pukul kepala si sado dari belakang but bukan kuat lah. Takut dia si Professor Madi buang pula dia di tepi dinding.

"Kamurang ni ar.. bagus jangan berjumpa bah kalau mau bergaduh saja. Stressed sy nampak perangai korang duarang ni", bilang si Angel yang menggeleng-gelengkan kepala apabila melihat si anjing dan si kucing.

"Sakit kah sy pukul kepala ko?", bisik Mary di telinga Professor Madi. Kegelian si sado skijap tapi bibir dia start tersenyum lagi.

"Not at all. Sakit kah sy gigit tangan ko?", si Professor Madi pula berbisik. Inda dapat dibayangkan that this is the funniest and romantic moment he ever had with a girl. 

"Macam tu grandpa yang teda gigi saja menggigit", balas si Mary dan kedua-dua anjing dan kucing ini tertawa.

"Soot kamurang duarang ni", bilang si Angel yang inda tahan sudah meningu diorang punya drama lantas berlari ke depan dan berjalan di belakang Faith kerana lorong itu cuma boleh memuatkan satu setengah badan sahaja sebab itu diorang jalan berderet dalam barisan.

"Professor Madi.. was it really hurt?", tanya si Mary antara dengar atau tidak namun pendengaran si sado yang extremely well itu dapat menangkap setiap perkataan yang diucapkan oleh si blondie yang berada di belakangnya.

"Which one?", Professor Madi pula menanya. Dia boleh mengagak apa sebenarnya pertanyaan si Mary but he wanted her to re-confirm.

"Umm.. the squeeze", bilang Mary dan mukanya mulai terasa panas.