TOMBOY SEASON 4 (COMPLETED)

Malang Tidak Berbau - Part 13

Penulis: Takkan si James ma Annie diam saja dari semalam sejak yang lain-lain pigi menjenguk LOW BOOT Club, kan? Mencubuk lu kita apa diorang bikin semalam bila diorang si Faith kana kejar hantu.

"Sejuk butul, James. Ko buli peluk sy kah? Ni selimut nipis butul..", bilang si Annie yang gagaran sudah sebab demam panas.

"I think we should go back tomorrow morning, Annie. Your condition is not so good to explore the jungle", bilang James sambil menukar tuala kecil yang dibasahkan dan diletak di atas dahi sumandaknya itu. Ada juga cold patch dia bawa dari rumah tapi sudah dikasi lekat di dadanya (James suruh Annie lekat sendiri ok – good boy ni budak ni). Dia ambil satu lagi selimut lain di dalam bagnya sendiri dan merentangkan di atas another blanket yang sudah dipakaikan oleh si Annie.

"I'll be fine, I still want to go with you", bisik si Annie lagi tapi panas sudah betul muka dan leher dia. Matanya layu meningu si James dan perlahan-lahan kelopak matanya tertutup.

"James, kamu ok kah? How is Annie?", suara si Faith kedengaran dari luar dan kemudiannya kepala dia tersembul di dalam khemah.

"Not good tapi dia sudah tidur sebab baru sy kasi makan dia painkiller. Kalau dia inda okey sampai bisuk pagi I will bring her to the hospital", jelas si James.

"Hopefully she will be alright lah. Kami mo meronda malam ni jadi korang duarang saja di sini tau. You'll be alright, kan?", tanya si Faith dengan sedikit rasa risau walaupun dia sudah minta si Datin jaga James ma Annie dari gangguan makhluk halus.

"We'll be fine. Mary ikut juga kah? How about Professor Madi?", tanya si James lagi. Dia pun perasan juga professor di UMS itu seperti berminat dengan adiknya yang tinggi lampai macam supermodel.

"Yup, diorang di depan sudah. I go first, ar?", bilang si Faith sambil keluar dari khemah.

"Alright", jawab James dan melambaikan tangan kepada adiknya namun seketika kemudian dia terdengar perbualan si Faith dengan Professor Madi.

"Sudah spray sekeliling kah? Ko ada banyak lagi?", nada suara si Faith pelan saja tapi James masih boleh mendengarnya dengan jelas.

"Yup, got bottles in my bag and ada refill juga. Ada satu gelen lagi tapi dalam kereta", bilang Professor Madi menjawab soalan Faith dan selepas itu tapak kaki mereka berjalan menuju ke arah sungai.

"James.. diorang Faith pigi mana?", suara si Annie mamai-mamai menanya si American boy. Rupa-rupanya dia cuma menutup mata tapi telinganya masih mendengar perbualan orang-orang di sekelilingnya. James mendekati Annie dan memegang dahi sumandak itu. Ada sejuk sikit sebab diletak dengan tuala basah kan. Tangan James membasahkan semula tuala tersebut dan meletakkan semula di dahi Annie.

"Dorang mo ronda-ronda hutan dulu. Kita duarang lagi ni sini", bilang si James sambil berbaring mengiring di sebelah Annie dan memperbetulkan selimut yang menutupi badannya. "You feel comfortable?", dia tanya lagi kepada sumandak yang baru di"declare" sebagai girlfriend dia yang pertama.

"Yeah, quite comfortable", bilang si Annie mengangguk lemah. James mengambil kepala Annie dan meletakkanya di atas lengannya yang sasa. "I'm sorry because of me ko inda dapat ikut diorang meronda", sambung Annie dengan suara yang sayu.

"What are you talking about? Bila-bila pun buli meronda juga bah, inda lari juga ni hutan. You are much more important than this jungel", satu kucupan mesra alam hinggap di pipi Annie. (Penulis: 😍😘😘 I'm in love betul sama si James ni oh...)

"Kalau kita inda kissing sana pukuk gatah tadi, inda juga sy sakit kan, James?", Annie memegang pipi si James dengan jari dia. Walaupun sakit dan lemah namun ada juga feeling2 si Annie ni mo ber"romen" sama boyfriend baru dia. (kiayam punya Annie)