زوجتى من الريف بقلم / رنا ياسر

ﺍﻟﻔﺼﻞ ﺍﻟﺮﺍﺑﻊ ﻭﺍﻟﻌﺸﺮﻭﻥ ﻭﺍﻻﺧﻴﺮﻩ

الفصل الرابع والعشرون والاخيييييره 😍 صل على سيدنا محمد 😍

اندفع الجميع الي الغرفه وأولهم فرحه ولكن جذبها عمها الشناوي من يدها بغضب ثم هتف بصياح :

_انت هتفضلي هنا سامعه متستحقيش اصلا تبقي مراته انت سبب كل اللي هو فيه متعتبيش الاوضه جوه وياريت تغوري خالص من هنا كان ممكن يموت فيها

لم تنطق فرحه من الصدمه اختفت الكلمات من علي لسانها أصبحت كمن فقد النطق فكيف يعاملها عمها بهذه الطريقه ويتهمها ايضا بأنها سبب كل ذلك

تراجعت فرحه للخلف وهي لا تعرف ماذا تفعل مع هذا الرجل الجبار قاسي القلب

هتفت فاطمه بأستياء وعصبيه :

_ ايه اللي بتقوله ده يا شناوي فرحه لازم تدخل تشوف جوزها هي قلقانه عليه من امبارح حرام عليك وهو هيكون عايزها جمبه في الوقت ده

الشناوي بشده :

_ مسمعش صوتك خالص يا فاطمه يا الا قسما بالله لهتشوفي مني وش تاني ومش هيعجبك خالص

كادت فاطمه أن ترد لولا أن قاطعها مؤيد وأخذها بعيدا عن والده قائلا:

_ ماما سيبيه ميدخلهاش هو هيدخل دلوقتي لفارس وكلنا هندخل وساعتها فارس هيسأل عليها وهيضطر يجبهاله

فاطمه بموافقة:

_ ماشي أما انشوف اخرتها مع ابوك اللي عايز يخرب الدنيا فاكر مفيش حد قده استغفر الله العظيم ربنا يهديه يارب

أما اروح اشوف فارس

دلف الشناوي وفاطمه ومؤيد ايضا الي غرفه فارس بينما ظلت فرحه ووالدها بالخارج لا يعرفون ماذا يفعلون مع هذا الرجل

الشناوي بابتسامة:

_ الحمدلله على سلامتك يا فارس

فتح فارس عينيه بتعب شديد ولم يجيبه وانما نظر له نظرات عتاب وحزن والم

اقتربت منه والدته واحتضنته بحنان وبخفه ايضا كي لا تؤلمه ثم اردفت من بين دموعها قائله:

_ حمدالله على سلامتك يا حبيبي كنت هموت من القلق عليك

فارس بتعب :

_ الله يسلمك يا امي

فين فرحه يا ماما هي ماجتش بس انا حسيت بيها جمبي وكلمتني بس مش عارف حقيقه ولا حلم مكنتش في وعيي

صمتت فاطمه فقد خشيت أن تجيبه فينهرها الشناوي بقسوه

الشناوي بجديه :

_ سيبك منها بتسأل عليها بعد كل اللي عملته فيك كنت هتموت بسببها طلقها وهجوزك احسن منها بمليون مره

تهجمت ملامحه وغضب بشده فهتف بأنفعال:

_ ايه اللي بتقوله ده اللي انا فيه ده بسببك انت مش بسببها هي انت اللي عملت فينا كل ده وانا مش هطلقها ومش هتجوز غيرها ابدا سامعني كلكم .......ااااااااااه