رواية "مصير واحد"

الحلقة الثامنة

بقلم عبدالرحمن احمد

ليلى بدموع وبكاء : الحقنا يا مهند !!
مهند بلهفة وقلق : ليلى !!! فيه اية ؟؟
ليلى : طنط هدى تعبانة اوى ومش عارفين نعمل اية وشيماء معاها جوا ومنهارة
مهند : طيب طيب انا هجيب دكتور واجى مسافة السكة
ليلى : بسرعة يا مهند
مهند : حاضر حاضر
*************
خرج وائل من غرفته لا يرى امامه ، هل من المعقول ان اخاه الوحيد مات !!! كيف يحدث هذا ؟
وائل لنفسه : لا لا اكيد حلم .... كريم مات !!! ازاااى لاااا ... ده لسة صغير وقدامه حياه طويلة ،، اخويا الوحيد ؟؟؟ وبابا هقوله الخبر ازاى ... لازم يعنى يقفل تليفونه فى الوقت ده
ذهب وائل الى اباه وهو حزين ولا يعرف كيف يوصل هذا الخبر الحزين
وائل : بابا
طلعت : فيه حاجة يا وائل
وائل بتوتر وحزن : اااا...بابا اصل....اصل
طلعت : اصل اية يا وائل !!
وائل : كريم .... عمل حادثة و.... البقاء لله
طلعت بصدمة : ايية !! انت بتقول اية ؟ ابنى كريم مات ؟؟ انت بتهزر يا وائل ؟؟ قول انك بتهزر
وائل بحزن : للأسف يا بابا الكلام ده صح ولسة الظابط مبلغنى حالا وعايزنا نروح نستلم الجثة
اختنق طلعت واصبح تنفسه صعب وفقد الوعى فتحرك وائل بسرعة ليتفقده واتصل بالاسعاف ودخلت والدته
فريدة : فيه اية !! اية ده طلعت ؟؟ طلعت ماله يا وائل ؟
وائل : هقولك بعدين يا ماما المهم الاسعاف جاية دلوقتى
فريدة بقلق وتوتر : اية اللى حصل يا وائل ؟
وائل بحزن : كريم عمل حادثة و.... واتوفى
وقع الخبر كالصاعقة على فريدة فصرخت بشدة
فريدة بدموع : ابنى كريم ؟؟ ازاااى
وائل : اهدى يا ماما متصعبيش الموقف اكتر ما هو صعب بالله عليكى
ظلت فريدة تبكى بشدة حتى وصلت الاسعاف وتم نقل طلعت الريان الى المستشفى ....
*********************
غلق حقيبته وتوجه الى مهند الذى كان يقف قلقا
مهند : ها يا دكتور
الطبيب : هى دلوقتى نايمة ، لازم العلاج ده يجى دلوقتى وتاخد منه بأستمرار زى ما انا كاتب بالظبط وان شاء الله تبقى كويسة
مهند : تمام شكرا يا دكتور
خرج الطبيب ونزل مهند ليحضر الدواء لوالدة شيماء وبالفعل احضره
مهند : انا همشى بقى وهاجى بكرا الصبح اخد ليلى علشان الشغل واتطمن على ماما
شيماء : شكرا يا مهند ، مش عارفة من غيرك كنا عملنا اية
مهند بإبتسامة : يلا تصبحوا على خير
ليلى وشيماء : وانت من اهل الخير
رحل مهند وهو منهك ومتعب بشدة حتى وصل منزله فنام نوما عميقاا
*******************
كان يجلس حزينا ويضع وجهه بين كفيه وتجلس بجواره والدته التى لم تهدأ من البكاء ..
خرج الطبيب من غرفة طلعت الريان فتوجه وائل اليه
وائل : طمنى يا دكتور بابا كويس !!
الطبيب بحزن : للأسف يا وائل بيه ... طلعت بيه جاله شلل وأثر عليه بشكل كبير ... مش هيقدر يتحرك ولا يتكلم
وقع كلام الطبيب كالصدمة على وائل وامه
وائل بحزن وتوتر : ازااى !! انا ممكن انقله لأحسن مستشفى فى العالم واسفره حالا
الطبيب : للأسف مفيش اى مستشفى هتقدر تعالج طلعت بيه ...
جلس وائل وهو لا يستطيع الكلام ، الصدمات تتوالى عليه بداية من خبر موت اخاه الى شلل والده
وائل : لية بس يارب كدا ، انا عملت اية علشان يحصل كل ده !!!