وكأنى شوفت شيطان إدامى صرخت والدنيا لفت بيا ومحسيتش بنفسي غير لما فؤاد كان بيفوقنى من حاله الغمى اللى جاتلى
فوقت ع وشوش مشوشه أدامى، وكنت حاسة بسخونة فى الجو وكأنى فى فرن اعتذرت منهم واستاذنتهم وطلعت غرفتى بس نظرات فؤاد ليا كأنه بيسالنى مالك حصلك اية فى يوم وليلة
وطلعت واكوبا ورايه وأول مادخلنا الاوضة مسكتها من دراعتها وفى منتهى الخوف اية اللى بيحصلى انتو عملتوا فيا اية انا شوفت اخو جوزى شيطان انا وصلت لاية
حاولت تهدينى وجابتلى كوباية ماية وقاعد وأبتدت تهدينى وقالتلى اللى بيحصلك نتيجة السائل اللى شربتية من الازازة الصغيرة زى مابتحميكى بتكشفلك نوايه اللى حواليكى وبتحذرك منهم وطبعا حسب استجابتك للقوة اللى بقيت جواكى
قالتلى فى القلادة مش لبساها ليه، زعقت فيها مش هلبسها ولا عايزة حاجة انا عايزة ارجع مصر فى دخلت فؤاد مخضوض من صوتى، أخدنى فى حضنة مالك حبيبتى فيكى اية أهدى اللى عايزاه انا هنفذوا
وفعلا مفتش وقت تانى يوم كنا حجزنا فى أول طيارة عشان نرجع مصر وقبل سفرى بساعات جاتلى أكوبا بكتاب قديم وقالتلى اتسالى فيه نوع من الهداية للتذكره بيها
أخدوا واعتذرتلها ع عنفى معاها، ابتسمتلى وحضنتنى وهى بتقولى انا مش زعلانة
وركبت الطيارة وكنت واخده قرار انى ارمى كل حاجة ورا ضهرى
وانا فى الطيارة كنت حاسة بشيئ غريب احساس بأن حد ملازمنى أو بيراقبنى كنت عايزة اطلع نفسي من الوهم دا بأى صورة واتساله فى اى حاجة يمكن اطلع نفسي من الحاله دى بالأخص أن فؤاد نام من كتر التعب، فافتكرت الكتاب بتاع هدية أكوبا، الكتاب القديم اللى ادتهونى قبل سفري وفعلا فتحت شنطة أيدى وطلعتوا ومسكتوا باستغراب اووى واندهاش من شكله
اولا:قديم بشكل ملحوظ
ثانيا : الورق اصفر قديم
ثالثا: علية زخرفة غريبة والغلاف من جلد
وفتحتوا وانا حاسة احساس غريب اووى وان فى طاقة غير عادية فى الكتاب دا
ولسة بقلب بطريقة عشوائية وبين الصفحات لقيت جواب جواه أخدوا وفتحته لقيتوا من أكوبا استغربت طبعا وبالأخص انى كنت معاها وأية الداعى تسيبلى جواب بطريقة دى
وفتحتوا وابتديت اقراءة بدهشة لطريقة وضعه فى الكتاب بطريقة دى
وأول السطور كلمات عادية جدا وبعد كدا بتنصحنى بقراءة الكتاب كويس اووى وانى احفظ العبارات اللى مكتوبة فى ورقة محطوطة فى الغلاف عشان محدش يعرف يوصلها واللى عرفتوا من الجواب أنها جابتلى الكتاب دا سرقة من جدتها وأنه مخيف لو وقع فى ايد حد
الأغراب من كدا ان الكتاب مكتوب بلغة مش هعرف افسرها وفجأه وبدون اى مقدمات ابتديت........
أنت تقرأ
قلادة مردوخ الملعون
Paranormalقصة لاسطورة حقيقية فى من اثباتها ومن نفاها وفى من كتب عليها قصص وروايات الاسم والمضمون مبنى عليها قصتى الخيالية
