ايان:اية انتي متأكدة
اية:ايه مش هذا قرار عمك خلاص اني موافقة
ايان:باهي خلاص معاش تعصبي روحك
وروحو كل واحد لحوشه عم الهدوء في حوش الجد بينما كان في حد مشغول وخايف من الي بيصير
روحت اية دوشت وصلت صلاة استخارة ووكلت كل شي علي ربي ورقدت
ثاني يوم الصبح ناضت وبدلت وصلت ونزلت
اية:صباحو يا عسل❤️
اسماء وعلامات استفهام فوق راسها:صباح النور
ايهم:صباح الخير
اية وامها:صباح الورد
ايهم:شني زاهية عندك اليوم
اية:ايه تعرف فرحانة
محمد:فرحينا معاك
اية:صباح النور😒والله هكي مش عارفة فرحانة وخلاص
محمد:به😑من بيرفعك الجامعة
اية:تو ناخد سيارة ماما خاطري نمشي بروحي
محمد:في عينك وين تحسابها سايبه😑😒
ايهم:خليها مدامها فرحانة
محمد:زيد دلع امهم لين معاش نقدروهم
وطلع وقربع الباب وراه
اية: اني طالعة وتو نحط البنات معاي
يا ايااااان
ايان:هيا جاية
اسماء:نادي اختك معا..
اميرة:اهو جيت
اية:ماما وتي روحك بعد الدوام نجي ناخدك ونطلعو هي سلام
وطلعو وحطت البنات في المدرسة ومشت للجامعة
اول ماخشت لقت صاحبتها سمر
اية:صباحو
سمر:صباح النور
اية:شن جوك
سمر:تمام وانتي
اية:تمام نبو نهدرزو
سمر:تعالي نخشو الكفتيريا
اية:امتى المحاضرة
سمر:ساعة 10
اية:اياه مزال
وقعمزو
اية:ايه بنحكيلك
سمر:موضوعك مشوق شكله يبي قهيوة نوض نجيب
وناضت بينما اية قعدت تقلب في عيونها على الكفتيريا جاها شاب
الشاب:صباح الخير
اية:صباح النور تفضل؟
الشاب:اه انتي انسة اية......
اية كانت سارحه فيه وفي طريقة كلامه ملامحه(كان شاب طويل جسمه حلو عيونه سود😍كان قمحاوي شوي شعره اسود قايمه فوق كانت عنده غمزة ورموشه كثيفات ولحية مرسومة رسم😍 )
اه ياقلبي مجرد ماتخايلت دبت😂😂المهم نرجعو لموضوعنا😂😶
الشاب:هيه يااختي😂
اية:ااه سامحني كنت نفكر ايه من انت
الشاب:😂انتي اية.....
اية:ايه تفضل خوي
الشاب:اني وسيم
اية:اوووف السم علي مسمة😍
وسيم:نعم😂😂
اية:اه شي ايه مقتليش شن تبي مني
وسيم:اني من طرف عمك عماد ع.....
اية:مرحبتين
وسيم:عرفتيني اني الي متقدملك
اية وكأن من صب عليها مية مسقعة:ااه
وسيم:اكيد حكالك
اية:ايه😔
وسيم:اسمعي يابنت الناس انتي عاجبتنيني وهلبا زيادة لاكن منحبش نغصب بنت الناس انتي شن رايك؟
اية:موافقة😶
وسيم:بإرادتك
اية:ايه بس
وسيم:بس شني
اية:بس اني يتيمة راهو
وسيم:عارف ان بوك متوفي بس مش عيب
اية😣
وسيم:ربي يرحمه ويغفرله
اية:تسلم😊
وسيم:ايه نستأذنك غدوا نهدرزو وهذا رقمي لو احتجتي شي091*******
اية:تمام
ومشي وهيا قعدت تفكر وجت سمر وقعمزت وحكتلها كل شي لين مامشي وسيم
سمر:به علاش وافقتي
اية:هكي
سمر:ربي يهديك
اية:اجمعين نوضي نخشو المحاضرة بتبدا
سمر:مسرع فات الوقت
اية:ايه
وخشو
يتبع.......
_____________
وما كان كيدهن عظيم🌸
الا وكان حبهن اعظم😌❤️
_____________
أنت تقرأ
العيلة
Randomروايه تحكي علي حوش الجد او بالاحرى على العمام باللهجة الليبيه( الطرابلسيه ) 👌👍
